JEREMI 12:14 - Boy Lonana

¹⁴ Na ɗaŋŋi Yawe ɓak anaba, ndarayam suu zi suu co suu min a yow joon ma an ɦam maŋ suu man suu Israelna, an hin paɗasi ki u sariyasi ma duk ndaŋgarana. An hin paɗ suu Yudana ki dukusi u sariyasi may.

JEREMI 12:14 ပူးပေါင်းရင်းမြစ်များ

SOOLLA 105:15

«Ŋgenegi suu man suu Lona fuurusinaɗi, lagi dla co eg suu jok vun Lonaɗi.»

SOOLLA 106:47

Suɗumi kiyo, Yawe, Loomina, tokomi ay ki duk njaf suu daŋŋa. Ami hin geleɗeŋŋi seŋ ma teteɗna, ami hin ɦaŋ ŋgolla ni maŋ aŋ dew.

JEREMI 2:3

Israel ni va ɗogom maŋ Yawe na. Vuɗ tlesuu jew suu ɦamsina mamma, gegelay ma tasina dla cora famu, dla cora mbay ŋgafamu. Yawe di na.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 3:18

Hu li namma ni suu vi Yudana hin taɓ ki u suu Israelna. Asi col ay hu mbassa mbayawra hin mbay ko tasi dew hu mbassa an ɦaɗ ki maŋ somoyosi a jonara.

JEREMI 32:37

«An hin tokosi ay eg tasi ay hu mbassa an njayasi ha ki hura halaŋ halaŋ u yaandana u hurun ma ɓeŋi cocona lay. An hoŋosi ay hu li namma an hin kakasi hu u heɓpa a fafaɗta.

JEREMI 48:1

Yawe, ma Saɓakŋa Kom Belna, Lona vi Israel, ɓak maŋ Moab anaba, Ni dla co me kay Nebo nage? Ndaɗ ki ɓeŋiya. Zolona caɗ cocoo, Kiriyatam ki tliiya. Ҥoŋzi ma jivi ma zolona camma puk ki kaŋga wa.

JEREMI 48:47

Na may hu buu ma fokŋa an hin hoŋ Moab kolo balamaɗu, Yawe di na. Ɓak ma kay Moab ma daɓmi tani.

JEREMI 49:1

Yawe ɓak kay suu Amonna anaba, na ni Israel gorra ka koɗɗi su? Suu a ti jona balamaɗna kaɗi su? Na ɗaŋŋi kay me Milkom tli Gad ki a jona ni ge, suu mamsina kak ki hu ɦoŋzina ni ge?

JEREMI 49:7

Yawe, ma Saɓakŋa Kom Belna, ɓak kay Edom anaba, Na ni saara yalna ka hu Teman oloɗi su? Suu mbeleŋŋa saarasi geɗeŋga yal masina viɗ ki wa.

EZEKIYEL 28:25

«Bu Suuna, Yawe, di ana, hu li ma an tok yam suu Israelna ay ki kel tasi hu li ma an njayasi ay ki huna halaŋ halaŋ, an hin tak teteɗ manda ki dukusi ii njaf suu daŋŋa halaŋ. Asi hin mba cuk ziisi ki hu mbas masira, mbassa an ɦaɗ maŋ saan ma sunda Yakobpa.

EZEKIYEL 28:26

Asi hin lakŋi u heɓpa, asi hin min ziginina, hin pi sene gugutlura. Hu li ma an hin ka ɓakŋa kay suu lasasina ni asi hin lakŋi u heɓpa. Asi hin wi ki ana anni Yawe.»

EZEKIYEL 36:24

«An hin taaragi ay ki duk njaf suu ɦawana. An hin tokogi ay ki ni hu mbassa daŋga zeɗ zeɗ halaŋ. An hin mbaaragi ay ki kay ndaŋga magira.

EZEKIYEL 36:5

Bu Suuna, Yawe, di ana, an suu tan kiyo, u hurun ma vaɗ kura guh guhna, an ɓak ki co eg njaf suu daŋŋa halaŋ. Eg njaf suu vi Edomma halaŋ, kay ana asi tlan mbas manda kiyo. Asi furi coco ɦay u pan ma asi panan hurusi kurufuna.

EZEKIYEL 37:21

Aŋ dasi ana, Bu Suuna, Yawe, di ana, an min tok suu Israelna ay ki hu mbassa asi ay ki njay hura halaŋ hu duk kon dew. An hin mbaarasi ay ki kay yam ndaŋga masira.

ZAKARI 1:15

Na may an hurun ki ɓeŋi coco eg mbas mayra ki mini jivira. An may ɗaŋŋi hurun gin ki ɓeŋira ni ew kay Israel, asi may ni mba cuk kay cooɗta ni cuk kiyo.

ZAKARI 2:8

Nam dam ana, «Liŋa, ɓak ha maŋ goozoŋ ma ha wanna dam ana, Yerusalem hin hinni a ɦoŋzi ma ki malina, kay suu bolowna u mbuuri suu bolow suu ka huruɗna.

GA 8ATAMBARA 28:63

Ko ndal Yawe min a lakagi u furira zulugi coco lay, na lay Yawe min a baagi kiyo, daɓagi ki kay ndaŋgara lay, agi hin yow ki hu ndaŋgara agi tlaɗ ki magi gin wandara.

GA 8ATAMBARA 30:3

Yawe Loogina hin mbuɗugi dlaagira ha fokka nam hin takagi ɗili mamba nam hin hoŋ tokogi yagi ay ki duk suuna halaŋ hu li ma Yawe njayagi ha ki huna.