JEREMI 11:17 - Boy Lonana

¹⁷ Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 11:17 ပူးပေါင်းရင်းမြစ်များ

EZAYI 5:2

Nam dalaɓ lina, yow gogoyra kiyo, zaa njaf tlesuu jivina huwa. Duk gayra ni nam min li ma em gugutluna hu may vek zulla huwa. Nam ka juɓmi vuɗ gugutlura jivira. Na may nam fi ni vuɗ mayra cora.

JEREMI 12:2

Aŋ pasi ni aŋu. Asi sii sariyasi kaŋga tuɗ ta ta cuk vuɗta. Aŋ ka eg vunusi na tok may, ki day eg hurusiya.

JEREMI 2:21

An pakŋi anu. Goo ŋgus gugutlura an manaɗta. Ko gu ma eg liimma na. Ndak hin mbuɗ ki ko gugutlura cora, vuɗuɗ ci suuna. Sa ka waɗɗira na ni nanage?

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

EZEKIYEL 17:5

Ŋgoo dagan nam yow njaf tlesuu daŋŋa suu ay hu mbassa Israella tuɗ zaarasi ha ki hu sene ma daŋ ma ki horokina. Nam zaarasi ni fun mbo ma law cocona na tok ko ndal ŋgusugi suu fun mbonana na.

JEREMI 45:4

Gola ni dlara aŋ hin dambara, Yawe ɓak anaba, Va ma an minimma an ɓeŋem ki ni an lay. Va ma an pamma, an paɗam ki u sarayam halaŋ kay ndaŋgara.

JEREMI 42:10

Lini agi vi kagi a kak hu mbas ndaɗta ni an hin hoŋogi balamagiya. An hin ka paliyagi ki oloɗi, an hin hoŋogi balamagiya ka paɗagi kiɗi. An hin minigi ii dla cora agi laɗta.

JEREMI 40:2

Sa ŋgol asgaana vam ki komu, hin dam ana, «Ni Yawe, Looŋŋa, li dla cora eg li namma ni namu.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 26:19

Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

JEREMI 26:13

Cecem wanda mbuɗugi tuɗ magira u dlara agi laɗta ki zeɗ, humugi yira Yawe Loogina yagira, Yawe hin doo dla cora nam a lagira gin egegira kiyo.

JEREMI 24:6

Irin ka tinira kasi u oora, an hin hoŋosi ay hu mbas ndaɗta, an hin mbuɗusi ki saɓaki, an hin ka hawaɗasi kiɗi, an hin hoŋosi balamasiya, an hin ka paɗasi sariyasi kiɗi.

JEREMI 18:8

Lini suu asina hom ko dla cora an tinisira kasirawa ni, an hin ka lasi dla cora an a lasira gin egesira oloɗi.

JEREMI 11:11

Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

SOOLLA 80:15

Lona ma Saɓakŋa Kom Belna, hoŋ aya, aŋ ay huulona day ni gol iriŋ aya, wiya doo ay kay sene gugutlu namma.

SOOLLA 80:8

Lona ma Saɓakŋa Kom Belna, hoŋomi ay balamamiya, tak kiɗik maŋga ay kamiya, suɗumi kiyo.

SOOLLA 44:2

Ҥi, Lona, ami hum ki u humumiya, kay dlara aŋ laɗ ay jew u somoyomira, somoyomi haɗamira ka lay.

2 SAMUEL 7:10

An hin ŋgaɓ lina maŋ suu man suu Israelna, an hin tinisi huwa asi hin kak hu eg liisiya. Asi hin ka li ndaa oloɗi, suu ci maɗna hin ka hoŋ egesi a lasasi ko ndal jewra na oloɗi.

JEREMI 1:14

Yawe dan ana, «Ni ii ko ma mbayawna dla cora hin li saɓaki ŋgolla kay suu hu mbassana halaŋ.

JEREMI 7:18

Gor kemba yow gu ma sooyna, somoyosi suu njufiina ŋgal kura may, boyogina yaras fuɗta a li komnjoɗina maŋ mulla kolo huulonara. Agi lagi ɓivunna maŋ loogi suu daŋŋa ko ndaɗta na ni agi lagi ni cora egenu.

JEREMI 11:13

«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

JEREMI 32:29

Suu Kalde suu ŋguy yam ɦoŋzi namma kina hin kal hurumu. Asi hin cuk kura kay ɦoŋzi namma. Asi hin ŋgalam ki u zigini suu ŋgalasi ɓivunna kolo kasi maŋ Baalna u sum ma maŋ loogi suu daŋŋa a ɓivunnana.

JEREMI 32:30

«Gasi, ay hu gorosi day ni suu Israelna u suu Yudana li ni dlara an ka miniɗɗira. Suu Israelna ɓeŋen hurun ki u dlara asi laɗta.

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

2 DLAŊ MULINARA 28:25

Hu ɦoŋzi ma ŋgolna hu mul mambana halaŋ nam min li ma li ɓivunna maŋ loogi suu daŋŋana ha ki huwa a ŋgalasi mbul ma his jivina. Ɓeŋ huu Yawe, Lo ma vi somoyosina, ki u boy namma.

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 40:3

Yawe mba dla ndaɗta aya. Nam li ni ko nam di kaɗ a laɗta na daŋ may. Ni kay ana agi li cora eg Yawe, kay ana agi humum delem kaɗi, dla ndaɗta mba ni na.

JEREMI 44:5

Asi hum kaɗi lay, tin humusi ka a hom kay suluk masinaɗi lay, seŋ ŋgalla ŋgal ɓivunna maŋ loogi suu daŋŋara kaɗi lay.

Magaara Vi Sa Jok Vun Lona OZE 10:1

Israel gugutlu mayra mbiira ɦayra, vuɗ coco ɦay lay. Vuɗuɗ zul ha fok zuli na ɗow ɗow may, ndaɗ zul otel ma li ɓivunna zuli na ɗow ɗow may. Ndaŋga maɗta li tlena coco may, ndaɗ zul gogoyra ceɗta zuli na ɗow ɗow.