JEREMI 10:20 - Boy Lonana

²⁰ Mbutluɓ manna ɓeŋ ki wa, a ɓuɗom zewem ki halaŋ lay. Goryon u liin ma kakka ka oloɗi. Sa ka minin mbutluɓ manna kolo oloɗi, a minin liin ma kakka oloɗi.

JEREMI 10:20 ပူးပေါင်းရင်းမြစ်များ

JOB 7:8

Sa ma ka wan cemina ka hin a wan oloɗi. Aŋ hin golon u iriŋ lay ni an ka oloɗi.

VUN ŊGOLNA 12:7

Hu li ma suu dlasi cona daɓ ki wa ni, asi ka oloɗi. Suu ɗegeena hin coli eŋga gak gak.

EZAYI 51:16

An li huulona ni anu, min ndaŋgara ni an lay. An di suu Yerusalemma ana, agi ni suu mansina, an hinigi Boy manna ka ni kogiya, an gi garaŋan kagi wa.

EZAYI 51:18

Goryoŋ suu aŋ vuɗusi hu duliyara halaŋ ma njunuŋ ka dewɗi. Duk gor suu aŋ wulusina halaŋ ma njun kaŋ kaɗi.

EZAYI 54:2

Ҥuɗ hay mbutluɓ maŋŋa ki dagan huwa, min lii buu ma daŋŋa keŋ hu olo maɗ hay zew maŋŋa kiyo. Pi u guna ki kaŋga jiviya.

JEREMI 30:17

Aŋ may ni an hin mbuɗuŋ ki mariyaɗ, an hin ciliŋ mbiliŋ kiyo. Di na ni Yawe. Kay asi yaŋ semma kaŋ ana, «Va ma jivi ka huɗi, Siyon mayra sa humum ka gam kaɗɗira.»

JEREMI 31:15

Yawe ɓak anaba, della tiina hum ay hu Rama, tii ma yoo tara. Rakel tii ni kay goryoɗu. Ndaɗ ka min a sa heɓeɗ huruɗɗi, kay goryoɗ ki miɗiya.

JEREMI 4:20

Asi yi kolo ana, «Dla cora u dla cora.» Gasi, mbassa halaŋ ki ɓeŋiya. Gol irinu ni, liimina u suu mansina ki ɓeŋi lay. Kak na njokŋi mbutluɓ manna lay.

YOORA 1:5

Suu babali maɗsina su kaɗu. Suu babali maɗsina dla ka kasiɗi, kay ana Yawe mbuɗuɗ ki hahawra ni namu. Ni kay nek dla cooɗta, goryoɗ suu gorina tuɗ ki mbaɓura fok suu babali maɗsina.

MISE 2:9

Boyogi suu vi suu mansinana agi dikisi kiyo, taragelay ay ki hu zi ma ndaɗ minimma. Agi ɓaɗagi jivira an laɗ eg goryosira ki a fafaɗta.