Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»
Agi suu wi ɗegeera humungi vunun haa, agi suu kolo huulona suu gaɗ manda ka hurugina, lagi ndaa ko mbeleŋ ma vi suu warnanaɗi, lagi ndaa ko ganyam masiraɗi.
Na may Yawe ka u an ko ndal sa duu ma saɓak cocona na. Suu lasanna hin puk kaŋgaa, hin ka ndak ki fun dlaasiraɗi. Zolona hin casiya. Asi hin ka ndak a li vaɗi. Asi hin mbuɗ ki zolona a fafaɗta, hum sa hin ka maa dla ndaɗta kiɗi.
An ka u aŋ a buɗuŋ kira. Di na ni Yawe. An hin ci njaf suu an njayagi ha ki dukusina ki halaŋ. Na may aŋ wani an ka caŋ kiɗi. An haɗaŋŋi a aŋ hum u gaɗta ka hin ta jak kiɗi.
Lagi ndaa ko mul ma Babilon ma agi li ndaana komma oloɗi. Lagi ndaa kom oloɗi, Yawe di na, kay ana an ka u agi a buɗugi kira a ɓaɗagi ay ki ko saɓak mammara.
Mulna hoŋ dira ana, «Gologi an ka wi suuna fiɗi ki buɗiya, ka tuɗ duk kura ndaɗ ka kaasi tasi mbilɗi lay, sa ma u asi a fiɗirana tam ko ndal ta goŋ looginana na.»
Suu ŋgolona wi ɦiŋga vi Piyer u Jaŋ na ni asi mbuɗ lakira na jim, asi wi kasi ana asi ni suu ɦawana, haɗ magaara ka ŋgolɗi lay, asi hin wi kasi na daŋŋi, ana asi ni suu poy u Yesu jewna.
Hu li ma aŋ ka iiri tu wanna sa ma hin col ay fokoŋ na ɗow ni kaɗi. An hin li u aŋŋi ko ndal an ay u Moizza na may. An ka laŋ dlara coɗi, an ka noyoŋ kiɗi.
