JEREMI 1:5 - Boy Lonana

⁵ «Bay an laŋ ay hu suŋ tura ni an waŋu. Bay aŋ kal ay ki huruɗ tura ni an manaŋu. An mbuɗuŋ ki sa jok vun Lona maŋ suuna halaŋ.»

JEREMI 1:5 ပူးပေါင်းရင်းမြစ်များ

SOOLLA 139:15

Sokon halaŋ ma iriŋ ŋgay kaɗi, hu li ma aŋ lan ay ki ŋgayna, lan ay ki duk ndaŋgara kaŋga dayra.

SOOLLA 139:16

Hu li ma an bay li huu sun tuna lay ni aŋ wanu. Buu manna kay ndaŋgarana ki ɓiiri koŋ hu magaa maŋga lay, ni bay buu namma gijaŋŋa tu lay.

KALKIRA 33:12

Moiz di Yawe ana, «Gola aŋ dan u vun taŋga ana, cuk suuna kiyo, may aŋ takan sa ma aŋ hin sunum u anna kaɗi, doli ɗini aŋŋi sa ma di ana, An waŋ ki ni u seŋ halaŋ, olo ana, Aŋ fi jivira irin wa.»

KALKIRA 33:17

Yawe di Moiz ana, «Boy ma aŋ dam wanna an hin li ni na may, kay aŋ fi jivira irin wa, an waŋ ki ni u seŋ halaŋ.»

EZAYI 44:2

An Yawe, an laŋŋi anu. Ay huu suŋ day ni an laŋŋi anu. Anni sa ma njunuŋŋa. Li ndaaɗi, zoŋ manna Yakob aŋ Israel ni sa ma an manaŋŋa.

EZAYI 49:1

Humungi vunun haa agi suu kay daarna, humugi haa agi suu ha ki dayna. Yawe yan ay ni hu li ma an ka huu sun tuna day. Ay bay vuɗ ki tu lay ni, nam yan ana zoŋ mamma.

EZAYI 49:5

Cemi ni Yawe ɓak wa, nammi sa ma minin ay huu sun dayna, mbuɗun ki a sa sunumma, kay a hoŋom njaf suu vi Yakobma ay egemu, kay a taɓ yam suu Israelna kay tasi u mamu. Cemi ni an mbuɗ ni sa ma ii Bu Suna jivina. Saɓak manna ni nam Lona.

JEREMI 1:10

Aŋ wi ki kaŋ ana an ɦaŋ karam saɓakŋa kay suuna, kay mulina lay, a paɗasi ki u sariyasiya, bowosi ki kaŋgaa, toosi kiyo, hawaɗasi kiyo, a hoŋosi kolo minda, hoŋosi pira balamasi may.»

JEREMI 1:4

Yawe ɓakan boyna ana,

JEREMI 20:15

Cora ka kay sa ma di bun ana, aŋ hin vuɗ goonana. Nam hin oyom hurum ki u furirana.

JEREMI 25:13

An hin cuk boy ma an ɓakam kay mbas ndaɗtana kaɗ halaŋ, boy ma ki ɓiiri hu magaarana, ma Jeremi ɓakam ki maŋ suuna halaŋŋa.

JEREMI 36:2

«Ҥirik bakka ki ɓii boy ma an daŋŋa kay Yuda, kay suu Israelna kay njaf suuna halaŋ hu li ma an gijaŋŋa ɓakaŋ ay hu li ma Josiyas a mulna dayna ta ta karami.

JEREMI 50:34

Na may sa njun kasina saɓak cocoo, Yawe ma Saɓakŋa kom Belna, ni semu. Nam li yara kay dlaasira cocoo a mbassa hoŋ fi heɓpara a hin viɗ suu Babilonna kira.

Boy Ma Ayra Ma LUK Ɓiirimma 1:15

Nam hin mbuɗ sa ŋgolna ii Lona. Nam hin ka ci summaɗi lay. Hu buu ma nam vuɗ kina, Musuk Lonara hoɓom ay ki hu sum day.

Boy Ma Ayra Ma LUK Ɓiirimma 1:41

Ndaɗ Elisabet hum deɓpa vi Mari na ni, goona gijaŋ ŋgen tam huruɗ gaw. Musuk Lonara oy ki hu Elisabet.

Boy Ma Ayra Ma LUK Ɓiirimma 1:76

Aŋ, goonna, aŋ hin mbuɗ ni a sa jok vun Lo ma kolona. Aŋ hin tuɗ fok Bu Suuna a minim voɗ mamba ni aŋ lay.

Boy Ma Ayra Ma JAŊ Ɓiirimma 10:36

Anu, Lona mananu, sunun ay hu duliyara. Agi hin di ana an ŋgul Lona ni nanage? Kay an di ana an ni Goŋ Lonna su?

ROMMA 1:1

Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.

ROMMA 8:29

Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

1 KORINTNA 8:3

Sa ma min Lona, Lona wamu.

EFESNA 1:22

Lona cuk tlena halaŋ kaŋga u sem Kristu, nam tinim kay suu vi Kristuna a mul ŋgolna.