Magaara Vi Sa Jok Vun Lona OZE 9:3 - Boy Lonana

³ Asi hin ka tew a kak hu mbassa vi Yaweraɗi. Efrayim hin hoŋŋi hu Egipte, hu Asiri ni asi hin ti ni tlesuu njenjena.

Magaara Vi Sa Jok Vun Lona OZE 9:3 ပူးပေါင်းရင်းမြစ်များ

1 MULINA 9:7

ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.

2 MULINA 17:6

Tew hu basara dleeŋera a Oze kaki hu mullara, mul ma Asirina ndug Samari, yow suu Israelna ha ki mbaɓura hu Asiri. Nam cukusi ha ki hu Hala may, ha ki hu Gozan li ma mbo ma Haborna ɓaɗ ha huna may, hu ɦoŋzi ma Medina may.

JEREMI 16:18

An gijaŋ warakasi dla cora asi laɗta yasi mba' mba', dla cosira lay kay ana asi mbuɗun mbas manda ki njenjera u dlasira moli ko didiŋga nara, oyon joonna ki u dla coosira.

JEREMI 2:7

An tuɗ tinigi hu mbas mayra mbiira ɦayra kay agi juguɗ voɗuɗ u jivi maɗta. Na may a kal ha huruɗta ni agi mbuɗun mbas manda ki njenjera. Agi mbuɗun liina ki li ma cona.

YOORA 5:6

Ay hu Egipte ami maɗ komi koloo ay hu Asiri lay a hoɓ hayami u funa.

EZEKIYEL 4:13

Yawe di ana, «Ko ndaɗta na may suu Israelna hin tuɗ ti ti ma njenjena ha ki duk njaf suu daŋŋa suu an hin njayasi ha ki dukusina.»

DANYEL 1:8

Doli ɗi ni, Danyel ɓak hurum kurufu ana nam ka a ɓeŋ tam ki u ti ma vi mulnana u sum veŋ mammaɗi. Nam di ŋgol asgaa ma vi mulnana ana nam ka min a ɓeŋ tam kiɗi.

Magaara Vi Sa Jok Vun Lona OZE 11:11

Asi hin col liŋŋa ay hu Egipte day dlak ko ndaana mbay egem ko ndal lay dawana, ay hu mbassa Asirira ko ndal gugukka na. An hin holoŋosi cukka hu ziisiya, Yawe di na.

Magaara Vi Sa Jok Vun Lona OZE 11:5

Nam hin ka hoŋ ay hu mbassa Egipteraɗi, Asiri hin li a mul mamma kay ana asi min ka a hoŋ ay egenɗi.

Magaara Vi Sa Jok Vun Lona OZE 7:11

Efrayimmi gugukka giniŋga totoonoɗ kaɗira, asi yi Egipte lay, asi liŋ hu Asiri lay.

Magaara Vi Sa Jok Vun Lona OZE 7:16

Li ni asi hoŋ aya ni, ka hoŋ ay ni egenɗi, asi ni ko ndal gu mbuurura eŋeɗ kaɗira na. Muli masisina hin casi ki u ŋgewra, ni kay dla cora vunusi daɗta, asi hin san usi hu mbassa Egiptera.

Magaara Vi Sa Jok Vun Lona OZE 8:13

Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

Magaara Vi Sa Jok Vun Lona OZE 9:6

Gola, asi ŋgay tasi ki ko ɓeŋga wa, Egipte hin tokosi eg tasiya. Memfis hin li ni a zulusira tososira. Bege masira jivira gu njaana hin taɗ kiyo, gu wayra hin tlasi liisi ma mbutluɓma huna kiyo.

DLAŊ LEVIRA 18:28

Na ni mbas ndaɗta ka noyogi ki oloɗi, kay ana agi mbuɗuɗ ki njenjeraɗi, ko ndaɗ noy suu ki fokogi jewna kira naɗi.

DLAŊ LEVIRA 20:22

«Vangi vun gaɗ manda jiviya, lagi ni dlara an miniɗta. Ni kay ana ndaŋgara an min tuɗugi hura ka noyogi kiɗi.

DLAŊ LEVIRA 25:23

«Ndaŋgara hu mbas magira ni agi ka gusuɗ ha ki a fafaɗta gawɗi, kay ndaŋgara ni varanu, agi lay ni varanu, u suu dukugi na lay ni varan bel bel.

AMOS 7:17

Ni kay ndaɗta Yawe ɓak anaba, Caaŋga hin ndi ki gawlaŋga hu ɦoŋzina, goryoŋ suu njufiina u suu gorɓiina hin casi ki u ŋgewra, ndaŋga maŋga hin ɓorowoɗ ki u zewna. Aŋ may ni hin miɗ ki ni kay ndaŋgara cora, suu Israelna hin yowosi tuɗusi ha ki eg ndaŋga masira na day.»

MISE 2:10

Cologi kolo, tuɗugiya, ka ni li ma koɗ tara tuɗi. U cookka, ndak hal dlara ɓeŋ lina, may ɓeŋga ŋgolla hin mba kaku.

SUNDA 10:14

Piyer hoŋ dira ana, «Ka naɗi Bu Suuna, an bay ti va ma zozotta njenje ko wanni na tuwa.»

GA 8ATAMBARA 28:63

Ko ndal Yawe min a lakagi u furira zulugi coco lay, na lay Yawe min a baagi kiyo, daɓagi ki kay ndaŋgara lay, agi hin yow ki hu ndaŋgara agi tlaɗ ki magi gin wandara.

GA 8ATAMBARA 28:68

Yawe hin hoŋogi hu lum kawi ma tuɗ Egiptena, hu mbas mayra an dagi ki ana agi ka waɗ u irigi oloɗira, ha hu ni agi hin gus tagi ki ko suuna ni agi tok a tuɗ lasi sunda fokosi asi suu babali magisina. Na may sa ma gusugi kaɗi lay.»

GA 8ATAMBARA 4:26

Cemi ni huulona u ndaŋgara duguygi a vovoɗta ni asiya, agi hin ba ki ni halaŋ hu li ma agi calaɗ lum ma Yurdaŋŋa hin lak hu mbas ndaɗtana, buu magi ma kay ndaŋgarana ka ɦuɗ fok oloɗi, agi hin daɓ ki miɗna ni halaŋ halaŋ.

JOSUWE 23:15

Na daŋ may boy jivi ma Yawe, Loogina, damma li ki ni halaŋ halaŋ ko ndaɗta na lay Yawe ndak a lagi boy ma cona egegi ta ta daɓagi ki hu duliyara kay ndaŋgara jivi ndaɗta may, ta nam Yawe, Loogina, ɦagirara.