Magaara Vi Sa Jok Vun Lona OZE 9:10 - Boy Lonana

¹⁰ An fi Israel ni ko ndal vuɗ gugutlu ma ay ki bagi hu fullana na, ko ndal vuɗ tulum ma famma kolo humum jewna na, an wagi somoyogiya. Asi may ni mba hu Baal Peor mbuɗ tasi ki zolona ni na gaw, asi mbuɗ ki ni suu cona ko ndal va hurusi minimma na.

Magaara Vi Sa Jok Vun Lona OZE 9:10 ပူးပေါင်းရင်းမြစ်များ

1 MULINA 16:31

Ka irim jivi a li dlara Jeroboam goŋ Nebatna laɗtaɗi ni, nam tuɗ ta ta ɗum Jezabel ta goŋ Etbaal mul ma vi suu Sidonna. Nam goɓ kaŋga fok Baal, cenemu.

2 MULINA 17:11

Asi li ɓivunna hu liisi ma teteɗ namma halaŋ halaŋ ko ndal suu may suu Yawe dikisi ki hinisi liisina ki wanna na lay. Asi li dla mayra cora ɓalak huu Yawe ki egesira.

SOOLLA 115:8

Suu masi suu minisina tli tasi ni ko ndal asi na may, suu tin saa masira kasina halaŋ ni ko ndal asi na.

SOOLLA 81:12

Na may suu mansina humun delen kaɗi, suu Israelna ka mininɗi,

SOOLLA VI SALOMON 3:6

«Sa ma col ay kolo ŋgoo bagi hu fulla ko ndal ndoos kura nana ni gege? Vaɗ ay ki hisna ko ndal mir u mbitla his jivira na.»

EZAYI 28:4

Bibiŋilla vi suu fokŋa ta tak ki kay yasi ndaɗta, hin viɗ kiyo, yak ki ga ko tulum ma bay nera na, sana wam cecemi na ni tlam tam ki gaw.

JEREMI 11:13

«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

JEREMI 24:2

Kaalam taa dew tulum ma huruɗna jivi coco ko ndal ma vuɗ vun semeɗna jewna na. Kaalamba hiŋga may ɗaŋŋi tulum ma huruɗna ni ma cona, ki saɓak coo sa ka tambi.

JEREMI 3:24

Na may zolo ma ay kaygi u goora day na taygi sunda vi somoyoygira kiyo, yoori masi suu gorina u suu ŋgolona lay, goryosi suu njufiina u gorɓiina lay.

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

JEREMI 31:2

Na ɗaŋŋi Yawe ɓak anaba, ay hu fulla suuna suɗ ay ki ko sin ŋgewra hin fi jivi manda. Israel hin hoŋ ki goowayra balamaɗu.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

EZEKIYEL 20:8

Na may asi hin hoŋ li yara u an na ɗow, ka min a humun vununɗi. Sa min ka a cuk fuli mam suu ay kom asina kiɗi. Asi hin fuli vi suu Egiptena ka kiɗi. An hin di ana an mba kuluɓ yaanda kasiya. An hin takasi yaanda ay ki ni hu mbassa Egiptera gaw.

Magaara Vi Sa Jok Vun Lona OZE 11:1

Hu li ma Israel ay goo tuna, an miniɗu. An yi goronna ay ki hu Egipte.

Magaara Vi Sa Jok Vun Lona OZE 13:5

An waŋ ay ki hu fulla, hu mbas mayra faɗta huruɗta.

Magaara Vi Sa Jok Vun Lona OZE 2:15

An hin ɓakaɗ ki kay buu ma vi Baalna, ma ndaɗ lam ɓivun ma ŋgalam ki ŋgalina ma ndaɗ min taɗ u walakka del konara may, ɦeɗewra deleɗ may liŋ kay cee banayaɗna, maaran an tanda ki gaw mayna. Yawe di na.

Magaara Vi Sa Jok Vun Lona OZE 4:14

An hin ka li ɓak kay gawlaŋ ma vi gorɓii magisinanaɗi, kay zoŋga vi boyogi suu vi goryoginaɗi, kay ana asi tasira muli suu li ɓivunna lay tuɗ viɗ tasi ha ki u suu gawlaŋŋina, ɓorow ɓivun ma teteɗna duk tasi u suu gawlaŋŋi suu hu Ziŋ Lonara. Suu may suu saara ka kasi ŋgolɗina tuɗ a ba ki ni baaya.

Magaara Vi Sa Jok Vun Lona OZE 4:18

Liisi ma asi ci tlena hurum u furirana daɓ ki wa, asi zuɗ tasi tuɗ ni hu li ma zoŋga. Suu muli masisina min hal ni dla cora.

AMOS 4:5

Ŋgal ɓivun ma bay kuffa dukumma a vi galamba, ɦagi tlena ɦalla ɦawara ki ii suuna kiɗiki, kay ana agi minigi suuna ni ko ndaɗta na, goryoŋ Israelna, Bu Suuna Lona di na.

MISE 7:1

Hahawra ka kanu. Anni ko ndal suu cil ɦelena vun semeɗnana na, ko ndal suu dok barra siira balam suu to wana kina na. Na may ii wa ka na dew a tiraɗi, vuɗum mayra jewra an miniɗ cocora ka na dewɗi lay.

NDUMBA 15:39

Vun baraw ma ɦosi luy luy namma ni a gagi humugi kay gaɗta vi Yawera, a agi li uɗta, hu li ma agi wi vun baraw magina na ni agi lak ɗegee ka ɓalak gaɗta oloɗi.

NDUMBA 18:13

Yam tlesuu asi tokosi ay hu mbassa halaŋŋa maŋ Yawe, an ɦaŋsina ni maŋu, suu may suu ka vo varaŋ wi tasi ki teteɗna ndak ti tle asina.

ROMMA 6:21

Agi hin fi me u sunda zolo ta agi laɗ ay jew ndaɗta ge? Sun ndaɗta tuɗuŋŋi hu miɗna.

GA 8ATAMBARA 32:10

Nam ŋgaf suu mamsina ki ŋgoo bagi hu fulla, hu li ma ki ŋgoo bagi duk gura wasna, nam ŋguyusi yasiya, ka haɗasi lay. Nam ka saa kasi ni ko ndal zo zoy irim na.

GA 8ATAMBARA 32:17

Asi li ɓivunna maŋ fuli suu ka Lonɗina, asi cen loogi suu asi ka wasiɗina, asi goɓ tlesuu cuk ay ki wilina, suu somoyosi wasi ay kaɗi layna.

GA 8ATAMBARA 4:3

Dlara Yawe laɗ ay hu Baal Peorra agi waɗ u irigiya, suu may suu joɓ Baal ma vi Peorna halaŋ Yawe, Loogina, daɓasi ki dukugi halaŋ.

SUU KAƁAKŊA 6:32

Hu buu namma gaw ni asi tin semma kay Gedeon ana Yerubaal ni ana Baal sa sukulum u namu, kay nam hawaɗam liim ma ŋgal ɓivunna kiyo.