Magaara Vi Sa Jok Vun Lona OZE 8:7 - Boy Lonana

⁷ Asi zaa kaŋga ni semeɗna, asi hin feɗ ni babaana may. Wa ma bay yam iinana hin ka luɗ fuɗɗi, lini fuɗta ka na nde lay ni suu koyogina taɗ ki ni asiya.

Magaara Vi Sa Jok Vun Lona OZE 8:7 ပူးပေါင်းရင်းမြစ်များ

URA TIN AYRA 41:23

Ŋgoo dagan wa ma daŋŋa day dew cuk gogorra kiɗisiya ka neeyɗi. Semeɗ ma u maɗiinana soom kiyo.

2 MULINA 15:19

Pul, mul ma Asirina jak hu mbassa Israella, Manahem ɦam doonora nekeɗ ii kelewna na buɓ buɓ dok-hindi, kay a nam njunum a nam hin kak eŋ hu mul mamba.

2 MULINA 15:29

Hu li ma Peka ka hu mullana ni Teglat Falasar, mul ma Asirina, mba tli ɦoŋzi ma Yon, Abel Bet-Maaka, Yanoha, Kedes, Hasor, Galaad, Galile u mbassa vi Neftalira halaŋ. Nam yow suu hu mbas ndaɗtana, tuɗusi ha ki Asirina.

JOB 4:8

Va ma an wamma ni suu may suu zaa dla cora, asi hin feɗ dla coosi ndaɗta ni asi may.

VUN ŊGOLNA 22:8

Sa ma zaa dla cora hin feɗ ni dla cora may. Tokolo mamba li saɓakŋara kus ki wa.

DI BOLLA 5:16

Nam daɓ buu mamma kay ndaŋgara ni duk ndufunda. Nam ka yoo tam tew tew, tuguɗira lay, kakŋi u yara lay.

EZAYI 17:11

Hu buu ma aŋ pasina aŋ ka wasi asi wula, maɗii fetet ni aŋ ka wi tlegeyeŋ day kiyo, may hu buu ma hahawra mbana feɗta feɗ wana vora ka oloɗi, mbuɗ ki ni buu ma hahawra, co ndaɗta kumu maɗ kaɗi lay.

EZAYI 55:2

Agi bas gursura ki kay ti ma ka hoɓogiɗina ni kay mege? Gagi zamalagi ki kay tlesuu ka a hoɓogiɗina ni amege? Humugi haa, humungi vunun haa, tagi tlesuu jivina na ɗow, tlesuu a lagi tagi furira.

EZAYI 66:15

Yawe hin mbay ni u kura, pus pus mam ma kulumina ni ko babaana na, oy u yaamba ku cocora balaf mam ma gaɗ suuna ni sin kura.

JEREMI 12:13

Asi zaa wa blena kaŋgaa, hin feɗ ni wayra. Asi loɓ tasi kiyo, hin ka fi va huɗi. Mbuɗugi ki zolona u tlesuu agi fasi asina, ni kay yara vi Yawera ŋgolla.

YOORA 5:2

Joomina mbuɗ ki maŋ koyogina wa, zigini mamisina mbuɗ ki maŋ suu ami ka wasiɗina wa.

Magaara Vi Sa Jok Vun Lona OZE 2:9

Ndaɗ hin cuɗ sem banayaɗna ka fasiɗi. Ndaɗ hin halasi ta ta ka fasiɗi. Ndaɗ hin di ana, «An hin hoŋ vo vi njufun ma jewna kay an ay kaki jew u heɓpa suu cemmi wan daŋga.»

Magaara Vi Sa Jok Vun Lona OZE 7:9

Suu koyogina tam saɓakam may, nam ka wi va dewɗi. Hussa tlum ki kay yam lay, nam ka wi va dewɗi.

Magaara Vi Sa Jok Vun Lona OZE 9:16

An poŋ Efrayim, sarayam ki sooya, nam ka vuɗɗi. Li ni nam vuɗ goora lay an hin cam goryom suu hurum vasina kiyo.

NAHUM 1:3

Gasi, Yawe, hurum ka mbuɗ ya zakgi, u saɓakam ma ŋgolna nam ka hin va jak ki kambi. Hu li ma nam tuɗ huna, babaa ma ŋgolna li umu. Ɗugulla ni gugum ma tum kolo u semma.

Magaara Vi Sa Jok Vun Lona AGE 1:6

Agi zaa tlena kaŋga ŋgol coco may hin feɗ ni ew ɦawaa, agi ti tlena may hayagi ka hoɓbi, agi ci lay, ka furiɗi. Agi cukugi barawna egegi lay, tagi ka gi kuɗi lay, begera vi sa tli mboomma tuɗ ni hu mbumbura uɗ ki cooyra.

GALATENA 6:7

Ganagi yam tagiɗi sana ka ndak a pan Lonaɗi, sana hin feɗ ni va ma nam zaaramma.

GALATENA 6:8

Lini sana zaa ni hu mbalatam ɦawaa, mbalatam hin ɦam va ma ko feɗta nana ni miɗna, lini nam zaa ni va ma jivi u Musukka, Musukka hin ɦam va ma ko feɗta nana ni iirira ka daɓ kiɗira.

GA 8ATAMBARA 28:33

Wa ma agi horokomma u vuɗ tlegeyegi suu agi zaarasina halaŋ hin tasi ki ni suu agi ka wasiɗina. Agi ka fi saɓak ma a yow va ay vi suu daŋŋa na ɗow ni kaɗi.