Magaara Vi Sa Jok Vun Lona OZE 8:6 - Boy Lonana

⁶ Nam mbay ni hu Israel, sa ceɗ tlena lammi namu, nam ka Lonaɗi. Gasi goo mbutl ma Samarina hin hoŋŋi kamiyamu.

Magaara Vi Sa Jok Vun Lona OZE 8:6 ပူးပေါင်းရင်းမြစ်များ

SUNDA 19:26

Agi wi u irigi lay hum u humugi lay, dlara sa ma yam ana Polna laɗta. Nam di ana lo ma suuna lam u kosina ni ka loɗi, nam mbuɗ huu suuna a vi ki umba cocoo, ni ka hu Efes tani holɗi, kini kay yam ndaŋgara hu Azira halaŋ.

SUNDA 17:29

Aygi ni goryomu, ni ka ndak di ana Lona tli tam ko lorra naɗi, ko doonora ɗowba, ɦinira naɗi lay. U va ma sa ŋgaam u saa mamba ɦawaɗi.

HABAKUK 2:18

Foto mbutl ma sa ceɗ guna ceɗemma jivi mamba ni mege, ɗowba ma yoorom yoorina kay haɗ dla corana, li ni sa ceɗ gu nammana ɦal tam ki mamu a li fuli suu ndumuna.

Magaara Vi Sa Jok Vun Lona OZE 10:2

Suu asina hurusi ki coo, cecem wanda asi hin waraka. Nam Yawe u tamba hin toosi otel masi ma li ɓivunna ki lay, ɓeŋesi ɦini masira asi ceɗeɗta ki lay.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

JEREMI 10:14

Gegelay hin kagira u ndaana, ki doori lay. Suu yoo tlena mbuɗ ki zolona kay fuli masisina, foto mburi masisina ki coo, ŋgus ka hurusiɗi.

2 DLAŊ MULINARA 31:1

Hu li ma luuna daɓ kina ni suu Israel suu toki huna halaŋ njay kosi ki hu mbassa Yudara to ɦinira coli kolora kiyo, ka gu ma vi Aserna kiyo, hawaɗ givin ma togolla ma suuna minim a cen loogi suu ɦawana ki may u givin ma togolla masi bel bel. Asi li dla ndaɗta ki ni hu mbassa Yudara halaŋ ki vi dee suu vi Benjamin, Efrayim u Manasena lay. Ŋgoo dagan gegelay ni hoŋ vo hu ɦoŋzi ma nam col ay huna.

2 MULINA 23:19

Josiyas hawaɗ zigini suu mini hu li ma mbuy kolona suu ka hu ɦoŋzi ma Samarina ki halaŋ halaŋ, zigini suu muli suu Israelna ɓalak huu Yawe ki u asina, nam li u asi ni ko ndal nam li ay hu Betella na dege dege may.

2 MULINA 23:15

Josiyas hawaɗ li ma teteɗ ma hu Betelna ki may. Li ma mbuy kolo ma Jeroboam ma goŋ Nebatna minim ka cuk suu Israelna halaŋ kaŋga hu corana. Nam hawaɗ otel nɗaɗta ki u li ma mbuy kolona halaŋ. Nam ŋgal li ma mbuy kolo namma kiyo, ŋgal gu ma Aserna ma pi huna ki lay.

JEREMI 48:13

Moab hin mbuɗ ki zolona ko Kemok ko ndal suu Israelna mbuɗ ki zolona ko Betel ma njun kasina na.

Magaara Vi Sa Jok Vun Lona OZE 13:2

Cecem wanda asi ka tuɗ fok u cora lira. Asi min tlesuu yoo kina u doono masira u yal masina asi li fulina. Halaŋ ca ni tlesuu suuna ceɗesina. Suuna ɓak kasi ana, «Suu wara suu li ɓivunna, furi tasi u gor mbutli suu asi minisina.»

Magaara Vi Sa Jok Vun Lona OZE 14:3

Vagi boyna kogi hin hoŋogi ay eg Yawe dam ana, «Aŋŋi sa bulum cora ki halaŋŋa, min dlara jivira, balam bolo mbutlina ami hin ɦaŋ a ɓivunna ni boy ma funumina.

2 DLAŊ MULINARA 13:8

Cem wanda agi min a ŋga tagi u mulla vi Yawera ta ka cemi ko goryoŋ Davidna wandara. Agi vagi bolow cocoo, na may agi ka u goo mbutl lorra Jeroboam yoorogira a looginara dukugiya.

MISE 1:7

An hin tooɗ fuli maɗsina kiyo, begera ndaɗ faɗta halaŋ an hin cukuɗ ki duk kura. Fuli maɗsina halaŋ an hin toosi ki na njeɓ njeɓ, kay ana taɓira ko tasi u begera vi gawlaŋiinara, asi hin mbuɗ ki ni ko bege ndaɗta na may.