Magaara Vi Sa Jok Vun Lona OZE 8:13 - Boy Lonana

¹³ Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

Magaara Vi Sa Jok Vun Lona OZE 8:13 ပူးပေါင်းရင်းမြစ်များ

KALKIRA 20:3

Aŋ vi u lo ma daŋgi ni kan anu.

KALKIRA 32:34

Cemi aŋ tuɗa, tin suuna hu li ma an daŋ kamma, sa sun huulona manna hin tuɗ fokoŋŋi namu. May buu ma an mbay u tanda wa ni an hin cukusi daŋgayna kay dla coosira.»

VUN ŊGOLNA 21:27

Ɓivun ma vi suu dlasi cona ka jiviɗi. Kay asi li ɓivun masina ni u mbambara.

EZAYI 1:11

Yawe di ana, An a li me u ɓivun magi ma agi lam coco wanna ni ge? Ɓivun ma agi ŋgal gamlagina, ŋgal mbul gor mbutlina na ndakan wa. Busu mbutlina, timigiina u ŋgegina, an ka minisi oloɗi.

JEREMI 14:10

Na ɗaŋŋi Yawe ɓak suu asina ana, «Gasi, asi min ni poyra, asi ka gol tasi hu poy masira jiviɗi.» kay ana asi ka jivi ii Yaweɗi. Cecem wanda nam gasi u dla coosira ki koloo. Nam gasi daŋgayna kay coosira lay.

JEREMI 6:20

Va an a lam u mbul ma his jivi ma yowom ay Sabana ni mege, u cerew ma gol jivi ma yowom ay hu mbassa dayrana ge? An ka minigi ɓivun magi ma agi ŋgalangina kinaɗi, ɓivun ma agi langinana ka irin jiviɗi.

EZEKIYEL 29:16

Suu Israelna ka a hoŋ irisi egesi a asi njunusira oloɗi, ɓak ma an kaam kay suu Egiptena gi hum suu Israelna kay coosira asi laɗta, hu li ma asi deŋ tasi eg suu Egiptena. Asi hin wi ki ana anni Yawe.»

Magaara Vi Sa Jok Vun Lona OZE 11:5

Nam hin ka hoŋ ay hu mbassa Egipteraɗi, Asiri hin li a mul mamma kay ana asi min ka a hoŋ ay egenɗi.

Magaara Vi Sa Jok Vun Lona OZE 12:11

An hin ɓak u suu jok vun Lona, an hin tak tlena ki ii suuna cocoo. An hin ɓakagi ndal boy manna ki fun suu jok vun Lona.

Magaara Vi Sa Jok Vun Lona OZE 4:9

Dla cora ko ndaɗta nara hin fi suuna u muli suu li ɓivunna. An hin ɓakasi ki kay tuɗ masira. An hin tinisi nek dla coosira kasiya.

Magaara Vi Sa Jok Vun Lona OZE 5:6

U yoori masi suu gorina lay, suu ŋgolona lay asi mbay a hal Yawe may asi hin ka fambi. Nam ɓorow duk ɦoŋom ki u asi wa.

Magaara Vi Sa Jok Vun Lona OZE 6:6

Kay ana minda ni va ma hurun furiyumma, ka ni ɓivun ma liraɗi, wira wi Lonara an miniɗ ŋgolla ni suu ɓivun ma ŋgalam ki ŋgalina.

Magaara Vi Sa Jok Vun Lona OZE 7:11

Efrayimmi gugukka giniŋga totoonoɗ kaɗira, asi yi Egipte lay, asi liŋ hu Asiri lay.

Magaara Vi Sa Jok Vun Lona OZE 7:16

Li ni asi hoŋ aya ni, ka hoŋ ay ni egenɗi, asi ni ko ndal gu mbuurura eŋeɗ kaɗira na. Muli masisina hin casi ki u ŋgewra, ni kay dla cora vunusi daɗta, asi hin san usi hu mbassa Egiptera.

Magaara Vi Sa Jok Vun Lona OZE 7:2

Asi may ni ka ɓak tasi hurusi kurufu ana dla cora asi laɗta halaŋŋi an ka ndumuɗ kanuraɗi. Cecem wanda dla coosira ka tini kasiya, ndaɗ ka fokonu.

Magaara Vi Sa Jok Vun Lona OZE 9:6

Gola, asi ŋgay tasi ki ko ɓeŋga wa, Egipte hin tokosi eg tasiya. Memfis hin li ni a zulusira tososira. Bege masira jivira gu njaana hin taɗ kiyo, gu wayra hin tlasi liisi ma mbutluɓma huna kiyo.

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

Magaara Vi Sa Jok Vun Lona OZE 9:9

Asi tuɗ ha ki duk na day u ganyamba ko ndal hu buu ma vi Gibeana na. Lona humum hin gam kay ci maɗ masina nam hin joɓosi ki kay suluk masina.

AMOS 3:2

An wagi ni agi kay tagi hol, duk suu kay ndaŋgarana halaŋ, ni kay ndaɗta agi hin ɓakagi dlaagira cora ki fokon halaŋ.

AMOS 5:22

Hu li ma agi langi ɓivun ma ŋgalam kina, u ɓivunna u njaf wana halaŋŋi va an furiyum na dew kaɗi. Ɓivun magi ma u mbuuri suu mbulna cocona lay, ni irin ka golombi.

AMOS 8:7

Yawe suu tam kay ŋgatara vi Yakobpa ana, nam hin ka maa dlaasira cora ki dewɗi lay.

Boy Ma Ayra Ma LUK Ɓiirimma 12:2

Va yam ki baarina suuna hin wam kiyo. Boy ma ki ŋgayna um hin gi ki lay.

1 KORINTNA 11:20

Kay hu li ma agi tokogi na ni ka kay funa vi Bu Suunaɗi.

1 KORINTNA 11:29

Lini sana ti funa ci va cira bay wi taɓ mamba duk tam u mbalata Bu Suunara ni, nam mbaa ɓakŋa kay tamba kay tina u cira.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

GA 8ATAMBARA 28:68

Yawe hin hoŋogi hu lum kawi ma tuɗ Egiptena, hu mbas mayra an dagi ki ana agi ka waɗ u irigi oloɗira, ha hu ni agi hin gus tagi ki ko suuna ni agi tok a tuɗ lasi sunda fokosi asi suu babali magisina. Na may sa ma gusugi kaɗi lay.»

WIRA ŊGAYRA 16:19

Ҥoŋzi ma ŋgolna irim ɓorow ki na hindi, ɦoŋzi ma ŋgolna kay ndaŋgara halaŋ bow ki bel bel. Lona humum gam kay Babilon ta ŋgolla, nam haɗ yara hu kop mamma a ndaɗ caɗu.

1 SAMUEL 15:22

Samuel di ɗaŋŋi ana, «Yawe min ɓivun ma ŋgalam ki ŋgalina u ma lam ɦawana ŋgolla su humba hum u boy mammara su? Ҥawaa, humba ni ŋgol su ɓivunna, gi yamba kaŋgara su mbul gamlagina.