Magaara Vi Sa Jok Vun Lona OZE 8:1 - Boy Lonana

¹ Bu tokolomma. Ko ndal ɓarawna na dla cora ka tuɗ ha kay zi ma vi Yawena, kay ana asi calaɗ ki kay vi vun manna wa, mbuɗ yara egen kay gaɗ manda.

Magaara Vi Sa Jok Vun Lona OZE 8:1 ပူးပေါင်းရင်းမြစ်များ

Magaara Vi Sa Jok Vun Lona OZE 6:7

Asi may ni, ko ndal suuna calaɗ kay vi vunnara na, gola ni boy ma asi gan un ki u namma.

GA 8ATAMBARA 28:49

«Yawe hin sunugi njaf suu col ay ki na dayna ay kagiya, ay hu vun ndaŋgara do dora, pii ko ndal bakŋa a piira na, ni njaf suu agi ka humusi vun masinaɗi layna.

Magaara Vi Sa Jok Vun Lona OZE 5:8

Buugi tokolomma ha hu Gibea, tokolomma hu Rama, gagi dlara hahawra ha kay Bethel ta kura, asi ka vaŋ ay ŋgoroŋ dagan Benjamin.

JEREMI 4:13

Ko ndal ɗugulla na asi col kolo duuna, pupus mamma soo ko ndal semeɗna na, kulumi mamsina jaŋ ko ndal ɓarawna piira na. Aygi ki hahawi. Asi caygi ki wa.

HABAKUK 1:8

Kulumi masisina liŋ coco ko sindilna na, siisi ti coco ko sii ŋguu ma vi mbuurina fidigina na. Kulumi masisina liŋ ko ɓarawna pii kolo huulonara na. Suu kulumi asina col ay ni day, asi pi ni ko ndal ɓarawna duk piiraha kay mbuunara na.

1 KORINTNA 15:52

Kak na ew aŋ cemek iriŋ na ni, diffa daganda hin buwa. Hu li ma ndaɗ buwa ni suu miɗina halaŋ hin mbuɗ ki iiriya ka a miɗ oloɗi, aygi halaŋ hin mbuɗ kiyo.

MATIYE 24:28

Li ma ɦaana gi huna, kokolora lakŋi hu may.»

ZAKARI 11:1

Mal vun ziikŋa kiyo, Liban, kura ŋgalak ŋgusugi maksina kiyo.

ZAKARI 9:14

Yawe hin kal ay ki kolo kasiya. Sin mbuuru mamba hin weleɗ ko welera huulonara na. Yawe Lona hin bu tokolomma. Nam hin tuɗ ha duk babaa may ma dalina.

SOFONI 1:16

Ni buu ma tokolomma hin buna, suuna hin yi kolo a duu u ɦoŋzi ma saɓakŋa, u zigini suu fiyek mini kolo keŋ gulumunnana.

AMOS 9:1

An wi malanna coli kolo kay givin ma togolla, di ana, Waɗ yam goŋga, vun goŋga hin geŋeɗa. Yow suu ŋgolo suu fok ndarayasinana ki halaŋ. Suu hiŋŋa an hin casi ki u ŋgewra, sa dukusi dew lay hin ka tew a ŋgay tambi, dukusi ni sa dew lay hin ka suɗɗi.

AMOS 8:3

Suu gi soolla hu zirana hin oy hu buu namma. Yawe, Loonna, di na. Suuna bolowo hin miɗ kiyo, vun suuna hin seŋ ki hu lina bel.»

AMOS 3:6

Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

JOEL 2:1

Buugi tokolomma maŋ Siyon, yagi kolo u delegi eŋga kay ɦini manda teteɗta. Ko suu hu mbassana halaŋ mbuɗ ndaana. Buu ma vi Yawena mba wa, nam hin tok.

Magaara Vi Sa Jok Vun Lona OZE 9:15

Dla coosira halaŋ tak taɗ ay ki hu Gilgal, ay ni hu li namma day an mbuɗ hurun ki egesi cora ni na gaw ni kay dla coosira asi laɗta an hin dikisi ki hu ziinda, an hin ka minisi oloɗi, muli masisina halaŋŋi suu duu u anna.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

EZEKIYEL 16:59

«Bu Suuna, Yawe, di ana, an hin lakŋi ko ndak lira na may. Ndak gol dla mayra givunna ka jiviɗi, bulum galamba an vaɗ u ndakka kiyo.

EZEKIYEL 7:14

Asi hin bu tokolomma. Suuna hin min tasiya. Na may sa ma tuɗ ki a duu kaɗi lay. Kay ana yaanda ɓalak begera hu mbassara ki ni halaŋ.

JEREMI 51:27

Takagi dlara duuna kay ndaŋgara, buugi tokolomma duk njaf suuna. Yowogi njaf suuna a tuɗ duu ma teteɗna u ndaɗu, yaɗ suu mulina kaɗu, Ararat, Minni, Askenaz. Ҥagi voɗta maŋ suu duu suu ŋgolona, asi yow suu duuna kaɗu. Sunugi kulumi suu duuna kaɗu u tasi bolowra ko ndal baara tli ay kolo ko ɗugulla doɓorokka na.

JEREMI 48:40

Na ɗaŋŋi Yawe ɓak anaba, Ni ko ndal kokolora ŋguy kolo huulonara na, maɗ garaŋaɗ ki kay Moab.

JEREMI 31:32

Ndaɗ hin li ki zeɗ u mayra an vaɗ u somoyosi hu li ma an vasi kosi a kalasi ay ki hu mbassa Egiptera. Asi may ni ɓeŋen galam manda kiyo. An may ni ka ni malaŋ zina varasiya. Yawe di na.

JEREMI 6:1

Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.

JEREMI 4:5

Yagi ha kolo hu Yuda, ɓakagi ha maŋ suu Yerusalemma asi hum may. Buugi tokolomma hu mbassa. Yagi ha kolo u delegira ŋgolla dagi ana, tokogi tagi a kalagi hu li ma eŋŋa.

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

EZAYI 24:5

Ndaŋgara mbuɗ ki njenjera ni ko sem suu ka tuɗ kaɗna kay asi ŋgel gaɗta, asi mbuɗ gaɗta ɦasirara ki zeɗ, asi bus galam mayra din din u Lonara kiyo.

EZAYI 18:3

Agi suuna halaŋ suu zuli kay ndaŋgarana, hu li ma suu duuna njaa ay kay ɦinira kolo tana wa ni, agi gologiya. Hu li ma tokolomma buwa ni agi humugiya.

2 MULINA 18:27

Sa ŋgol ma fun sa ma ŋgol asgaa ma Asirina hoŋosi dira ana, «Sa ŋgol manna sunun ay a di boy namma ni maŋ sa ŋgol maŋŋa u taŋga hol su? Ni ka maŋ suu laki kolo kay gulumunna cana layɗi su? Asi ni suu hin a maŋ ki coco, ti soɗosi lay, ci sumurusi layna.»

JOEL 2:15

Buugi tokolomma hu Siyon, mbuɗugi tagi ki jivira u laara lira yagi tokka ɓivunna.

JEREMI 34:18

An hin yow suu war suu li ka u vi vun ma an di kammaɗina, suu li ka u gaɗta vi vunna kaɗtaɗina. Asi di fokon ana asi vi gaɗ ndaɗta kasiya, ɓorow ii mbala goo mbutlna ki duk mba', calaɗ kam lay.

JEREMI 49:22

Ni ko ndal kokolo mayra pii kolo huulona ŋguyra na, ɓee garaŋaɗ ki duk ha kaŋga kay Bosra. Suu saɓak suu Edomma hurusi hin mbuɗ hu buu namma ko huu cara hu buu ma vuɗta na.

EZEKIYEL 17:3

Aŋ tuɗ dasi ana, Bu Suuna, Yawe, di ay ana, bak ma ŋgolna u garaŋam ta ŋgol cocora, tlimiɗim fiyeki cocoo, tam ki tlimiɗ coco ɦay lay. Col irim ay Liban na ɗow. Nam mba kus yam gu ma yam ana sedrena kiyo.

EZEKIYEL 11:4

Kay ndaɗta aŋ tuɗ dasi dla cora lasira kiyo, goŋ sanna.»