Magaara Vi Sa Jok Vun Lona OZE 7:16 - Boy Lonana

¹⁶ Li ni asi hoŋ aya ni, ka hoŋ ay ni egenɗi, asi ni ko ndal gu mbuurura eŋeɗ kaɗira na. Muli masisina hin casi ki u ŋgewra, ni kay dla cora vunusi daɗta, asi hin san usi hu mbassa Egiptera.

Magaara Vi Sa Jok Vun Lona OZE 7:16 ပူးပေါင်းရင်းမြစ်များ

SOOLLA 12:3

Suuna kaboyna eg tasi cocoo, gegelay halni dlara ŋga tamba, suuna halaŋ hurusi ki ɓorowi na mbamba.

SOOLLA 12:4

Ko Yawe bulum suu njaɗ njaɗta kaboyna kiyo, dug vun suu ganyamba ki may.

SOOLLA 12:5

Asi di ana, «Ami ndak njaɗ dlara hurumi miniɗta, sa ma dooromi kaɗi, sa ma ndak a ɦeɓemina ni gege?»

SOOLLA 17:10

Asi dug hurusi ki eg suuna, vunusi njaɗni njaɗta ŋga tara.

SOOLLA 52:2

Gaɗ ni hu li ma Doeg ma Edomma tuɗ di Sol ana David ka vi Ahimelekŋa.

SOOLLA 57:4

Lona ma kolo dayna ɦan suɗta ay wa, nam cuk suu lasanna gaa, nam wan hahawanu, golon u gasi mamba.

SOOLLA 73:9

Asi ŋgo vunusi ki na ɦoŋ kay suuna, asi tin gaɗta ŋgolora kay suuna.

SOOLLA 78:37

Hurusi ka tini gasi eŋ kambi, asi ka saa kay galamba nam vaɗ u asiraɗi.

SOOLLA 78:57

Asi ɦuɗ tasi ki eg Lona day ko somoyosi li ay jewra na may, asi hoŋ ki dagan ko mbuurura suuna munuɗ ha kira na.

EZAYI 3:8

Na daŋ may Yerusalem daɓ sem wa, Yuda bow ki ga wa. Dlara asi daɗta u sunda asi laɗ fok bibiŋilla vi Yawe ni ciwayra.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 3:10

Dla ndaɗta li na lay ni, wayaɗta, Yuda ta kaboyna, hoŋ ay egen ka u huruɗɗi. Hom maɗta ni kaboyna. Yawe di na.

JEREMI 42:18

Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

EZEKIYEL 23:32

Bu Suuna, Yawe, di ana, Va ma hu ŋgal ma vi wayakka ndak hin cam may. Va namma um zuzulu. Hayam beɗi coco lay. Nam hin kakŋi a dlara sanda u panna kay ana hurum zul cocoo.

EZEKIYEL 36:20

Suu mansina tuɗ ki duk suu daŋŋa, ha hu liisi namma ni asi mbuɗun sen ma teteɗna ki njenjera. Suuna ɓak kasi ana ni suu vi Yawena may cemi ni asi ki cuki ni duk suu daŋŋa hin mbas masira ha kiyo.

DANYEL 7:25

Nam hin ɓak boyna kay Lo ma Kolo Dayna, hin las suu teteɗna vi Lo ma Kolo Dayna, nam hin saa a mbuɗ buu tilna u gaɗta kiyo, hin hinim suu sunda kom ii coki dew, coki mba, ɓorow cokira duk lay.

Magaara Vi Sa Jok Vun Lona OZE 11:5

Nam hin ka hoŋ ay hu mbassa Egipteraɗi, Asiri hin li a mul mamma kay ana asi min ka a hoŋ ay egenɗi.

Magaara Vi Sa Jok Vun Lona OZE 11:7

Suu mansina taɓ tasi u suu ɓeŋesi kina. Asi ka yasi ay koloo. Asi may ni ko wanda na halaŋ ka min a col koloɗi.

Magaara Vi Sa Jok Vun Lona OZE 6:4

An hin laŋŋi nanage, Efrayim? An hin laŋŋi nanage Yuda? Min magira ni ko ndal ɗugulla maɗiira na, ko ndal mbaɗagira jakka na.

Magaara Vi Sa Jok Vun Lona OZE 7:13

Cora ka kasiya kay asi ŋgay tasi konu. Ɓeŋga ka kasiya kay asi mbuɗ tasi ki suu babali mansina. An may ni hin buɗusi ay ki ni buɗiya, asi suu kaan boyna kanna.

Magaara Vi Sa Jok Vun Lona OZE 9:3

Asi hin ka tew a kak hu mbassa vi Yaweraɗi. Efrayim hin hoŋŋi hu Egipte, hu Asiri ni asi hin ti ni tlesuu njenjena.

Magaara Vi Sa Jok Vun Lona OZE 9:4

Asi hin ka mba sum veŋŋa ay a li ɓivunna maŋ Yaweɗi, ɓivun masi ma asi lamma hurum hin ka furiyumbi. Nam hin li kasi ni ko ndal fu ma tam u hahawrana na, suu tamma halaŋ hin mbuɗ ki njenjee, kay ana fuusi na hin ɦuɗusi iiri masira fokŋi namu, nam hin ka kal hu zira vi Yaweraɗi.

Magaara Vi Sa Jok Vun Lona OZE 9:6

Gola, asi ŋgay tasi ki ko ɓeŋga wa, Egipte hin tokosi eg tasiya. Memfis hin li ni a zulusira tososira. Bege masira jivira gu njaana hin taɗ kiyo, gu wayra hin tlasi liisi ma mbutluɓma huna kiyo.

MALASI 3:13

Saa magira eŋ cocoo, Yawe di na, agi di ana, «Ami daŋŋi dla me egeŋ ge?»

MALASI 3:14

Agi min a di ana, «Sunuygi Lona oloɗi, jivira aygi a faɗ hu lira aygi li u gaɗ mamba may, tuɗuygi u doona fok Yawe ma Saɓakŋa Kom Belna ni arage?

MATIYE 12:36

An dagi anaba, Hu buu ma kaɓakŋa Lona hin joɓ suuna kay dlara dawira asi njaɗaɗta halaŋ.

Boy Ma Ayra Ma LUK Ɓiirimma 8:13

Suu tli tasi u ndaŋga goyra na ni suu hum Boy ma vi Lonna, vam u ayra ka hinim a kal sariyam hurusiɗi. Nam kak hurusi ew daŋ. Dlara loɓma mba wa ni, asi hinim voɗom gaw.

Magaara JAK Ɓiiriɗta 3:5

Sinda duk mbalatara ni va goo ko ndaɗta na may na ndaɗ ndak di boy ma ŋgal tara u tlena ŋgolo. Saaragi gige lamba ŋgolla kura goo ew daŋga ŋgalaɗ ki halaŋ.

2 PIYER 2:8

Nam sa ma ɗegeena kaki dukusi wi lay, hum lay, hu buuna tew tew hurum ɓeŋ ki cocoo kay sun masira cora.

WIRA ŊGAYRA 13:5

Vabak namma fi saɓakŋa a di boy ma ŋga tamma, a ŋgul Lona, ɦam voɗta a nam li ko ndaɗta na til dok fiɗi yam mba'.