Magaara Vi Sa Jok Vun Lona OZE 7:13 - Boy Lonana

¹³ Cora ka kasiya kay asi ŋgay tasi konu. Ɓeŋga ka kasiya kay asi mbuɗ tasi ki suu babali mansina. An may ni hin buɗusi ay ki ni buɗiya, asi suu kaan boyna kanna.

Magaara Vi Sa Jok Vun Lona OZE 7:13 ပူးပေါင်းရင်းမြစ်များ

NEHEMI 1:10

Asi ni suu maŋ suu sunda, suu maŋsina, suu aŋ gususi u saɓak maŋ ma ŋgolna, u saɓak koŋu.

JOB 22:17

Suu asina di Lona ana, «Ҥuɗ taŋ ha ki egemiya, hinimi na en.» Lona ma Saɓakŋa ndak a lami me egemi nige?

SOOLLA 106:10

Nam suɗusi ki ko suu babali masisina, nam doo kasi ko suu duu u asina.

EZAYI 30:1

Yawe di ana, hahawra ka kay gor suu li gonokka u anna. Asi vi vunusi kay dla mayra col ay ka konɗira. Taɓ vunusi kay dlara an ka miniɗira. Tok dla cora ha kay taɗ na ɗow ɗow.

EZAYI 30:2

Asi tuɗ hu Egipte ni joɓon kaɗi lay. Asi min ana suu duu suu vi Farawna njun kasiya, ŋgay tasi u ŋgus suu Egiptena.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.

EZAYI 41:14

Yawe di ana, li ndaaɗi njaf Yakob, agi suu suuna tayagi ki ga ko njufulna nana, an min njunugiya. Sa ma suɗugi ay kina ni ma Teteɗ ma vi suu Israelna.

EZAYI 43:1

Cemi ni Yawe di ana, aŋ Yakob sa ma laŋŋa ni gege? Israel sa ma miniŋŋa ni gege? Li ndaaɗi kay An suɗuŋ ki wa. An yaŋŋi u seŋu, aŋŋi varanu.

EZAYI 59:13

Ami ŋgeleŋ vunuŋu, Yawe, ami ɓakaŋ dlaŋ ki cora, ami min ka a tuɗ uŋ aŋ Loominaɗi, ami ɓakŋi dlara ciwayra u aŋga, hiniŋ ha ki na day. Dlara ka hurumira u dlara ami saaraɗta halaŋŋi kaboyna.

EZAYI 63:8

Nam di ana, «Gasi asi ni suu mansina daŋ may. Asi ni goryon suu ka mbaɗanɗina.» Nammi a sa ma suɗusi kina may.

JEREMI 14:10

Na ɗaŋŋi Yawe ɓak suu asina ana, «Gasi, asi min ni poyra, asi ka gol tasi hu poy masira jiviɗi.» kay ana asi ka jivi ii Yaweɗi. Cecem wanda nam gasi u dla coosira ki koloo. Nam gasi daŋgayna kay coosira lay.

JEREMI 42:20

Agi hal ni dlara viɗ iiri magira kira. Agi tagira sunungi eg Yawe, Loogina, dangi ana, tuɗ tii taŋ eg Yawe, Looygina. Aŋ hin hoŋomi boy ma Yawe, Looygina, damma ki dira jiviya, ami hin li um may.

JEREMI 51:9

Ami hal yal ma cil mbil Babilon kina may ndaɗ ka a cilɗi. Hinigira dukugi ni gegelay hoŋ i hu mbas mamba. Boy maɗna tew ki huulona. Nam tew ki duk ɗugulla.

JEREMI 7:15

An hin dikigi ha ki egen na day, ko ndal an dik gorsegina ki egenda na, njaf suu vi Efrayimma na may.

YOORA 5:16

Bella kay yamira ndi ki kaŋga wa, ɦii dla cora fami wa, kay ana ami li dla cora wa.

EZEKIYEL 16:23

«Ŋgoo dlaakka ndak laɗ co ndaɗta halaŋ, hahawra, hahawra ka kaku. Di ni Bu Suuna, Yawe.

EZEKIYEL 18:2

«Vun ŋgolna di hu mbassa vi suu Israelna ana, Somira muɗ gugutlu ma bay nera, sii gorra halaŋ dlay ki may.

EZEKIYEL 18:25

Agi hin di ana, Voɗta vi Bu Suunara ka jivi oloɗi. Humugi haa, agi suu Israelna, voɗ manda ka jiviɗi ni ndaɗ na ɗow su? Voɗ magira ka jiviɗi ni ndaɗ na ɗow.

EZEKIYEL 34:6

Yoori mansina njay ha ki kolo kay ɦinira na dew dew, ha ki kolo kay lii mbuyna aragelay, yoori mansina njay ha ki hu mbassa daŋga na zeɗ zeɗ. Sa ma tuɗ a halasi ay kaɗi lay. Sa ma ɦal tam a halasi kaɗi.

Magaara Vi Sa Jok Vun Lona OZE 11:2

Suu may suu yasina, asi ɦuɗ tasi ki egesi na day. Asi li ɓivunna ni maŋ Baal, ni maŋ fuli suu ceɗesi u kosina asi lasi ɓivun ma ŋgalam ki ŋgalina.

Magaara Vi Sa Jok Vun Lona OZE 5:7

Asi gi u Yawe kiyo, kay asi vuɗ gor suu mboymona. Cecem wanda luu ma asi luu fun tilna hin casi ki u tlesuu hu joosina lay.

Magaara Vi Sa Jok Vun Lona OZE 7:1

Hu li ma an a cil mbil Israel gawna ni, cora vi Efrayimba uɗ hin gi ki kolo u ci maɗ ma vi suu Samarina. Gasi asi li ni dlara li iira. Suu ɦulla sel ay vo hu zina, ha ki bunsu wanni suu li dla cora ɦurum suuna may.

Magaara Vi Sa Jok Vun Lona OZE 7:3

U dla coosira asi pan mulna u ganyam masira asi pan suu ŋgolona lay.

Magaara Vi Sa Jok Vun Lona OZE 9:12

Li ni asi wul gorra lay ni, an hin casi ki jew bay asi mbuɗ ki suu warna. Ni gasi, hahawra ka kasiya hu li ma an hin ɦuɗ tan ki egesina.

Magaara Vi Sa Jok Vun Lona OZE 9:17

Loonna hin zuɗusi kiyo, kay ana asi humum kaɗi. Asi hin gijaŋ poy kolo duk njaf suuna.

JONAS 1:10

Asi paɗ ki ndaana cocoo, dam ana, «Aŋ a li na ni dla mege?» U boy ma nam dasinana, asi wi ana nam pii kini a tin yam ki day eg Yawe.

JONAS 1:3

Jonas col kolo colni pii tin irim ki hu ɦoŋzi ma Tarsisna a ŋgay tam ki day eg Yawe. Nam tuɗ ga hu Yoppe, tuɗ fi lum kawi ma asi minim a tuɗ Tarsisna huwa. Nam warak suu lum kawina, ful usi a tuɗ ki hu Tarsissa may. Ki day eg Yawera.

MISE 6:12

Ҥoŋzi ma suu begera hurumma li ni dlara saɓakŋa, suu hu zi nammana ɓakŋi boy ma ganyamba, ay funusi u sinisi ni boy ma viɗ suuna kina.

MISE 6:4

Ni kay sella an selegi ay ki hu Egiptera su? Buɗta an buɗugi ay ki hu mbaɓurara su? U sunda an sunugi Moiz, Aaron u Miriyam ha ana asi takagi voɗtara su?

MATIYE 23:37

«Yerusalem, Yerusalem, agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗ nara yan gage? Aŋu, aŋ min kaɗi lay.

GA 8ATAMBARA 15:15

Humuŋ gaŋ kay mbassa Egiptera hu li ma aŋ ay mbaɓura huna, Yawe Looŋŋa buɗuŋ ay kiyo, ni kay ndaɗta an ɦagi gaɗ ndaɗta cemi wanna.

1 JAŊ 1:10

Lini aygi di ana aygi li co kaɗi ni, aygi mbuɗuygi Lona ki ni sa kaboyna, ni boy mamma ka huruygiɗi lay.

WIRA ŊGAYRA 8:13

An gol irin olo ni wi bakŋa pii ha kolo huulona day tii ay u delem eŋga ana, «Hahawra, hahawra, hahawra kay suu ka hu ndaŋgarana, falira suu sunda huulona suu hindina hin bu dif masina.»