Magaara Vi Sa Jok Vun Lona OZE 7:1 - Boy Lonana

¹ Hu li ma an a cil mbil Israel gawna ni, cora vi Efrayimba uɗ hin gi ki kolo u ci maɗ ma vi suu Samarina. Gasi asi li ni dlara li iira. Suu ɦulla sel ay vo hu zina, ha ki bunsu wanni suu li dla cora ɦurum suuna may.

Magaara Vi Sa Jok Vun Lona OZE 7:1 ပူးပေါင်းရင်းမြစ်များ

Magaara Vi Sa Jok Vun Lona OZE 7:13

Cora ka kasiya kay asi ŋgay tasi konu. Ɓeŋga ka kasiya kay asi mbuɗ tasi ki suu babali mansina. An may ni hin buɗusi ay ki ni buɗiya, asi suu kaan boyna kanna.

Magaara Vi Sa Jok Vun Lona OZE 6:4

An hin laŋŋi nanage, Efrayim? An hin laŋŋi nanage Yuda? Min magira ni ko ndal ɗugulla maɗiira na, ko ndal mbaɗagira jakka na.

Boy Ma Ayra Ma LUK Ɓiirimma 19:42

di ana, «Aŋ humbi su, ay fokka wanni heɓpa kaa. Cecemi heɓ ndaɗta ŋgay ki iriŋ wa. Aŋ ka waɗ oloɗi.

Magaara Vi Sa Jok Vun Lona OZE 4:2

Gi vunna, ganyamba, ci maɗna, ɦulla, li zoŋga zul ni zuli na ɗow ɗow. Busu ma voom ki kaŋgana fi tam ha ni na gaw gaw.

Boy Ma Ayra Ma LUK Ɓiirimma 13:34

«Yerusalem agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗta yan gage? Agiya agi min kaɗi lay.

MATIYE 23:37

«Yerusalem, Yerusalem, agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗ nara yan gage? Aŋu, aŋ min kaɗi lay.

MISE 6:16

Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.

AMOS 8:14

Suu suu tasi u loogi suu vi suu Samarina suu di ana, «Ko Looŋŋa kak iiriya, Dan,» ɗowba, «Saɓakŋa vi Bersebana ka a fafaɗtana,» hin ndi kaŋgaa ka col kolo oloɗi.

Magaara Vi Sa Jok Vun Lona OZE 10:5

Suu hu Samarina dlak u ndaana ko mbutlugi tamagi suu hu Bethel ta kura kay ana suu maɗsina ka yoo tasi kay goo mbutl masina, muli maɗ suu li ɓivunna lay. Ko asi li furira kay jivi mamba, cecemi ni ndaɗ ha ki tuɗi egeygi day.

Magaara Vi Sa Jok Vun Lona OZE 8:9

Hu li ma asi tuɗ ha kay Asirina ko ndal korra viɗ ki duk bubura kay taɗ dewra na. Suu vi Efrayimma gus tasi ni gusiya.

Magaara Vi Sa Jok Vun Lona OZE 8:5

Goo mbutl makŋa noyom kiyo, Samari. Yaanda ndi kasi wa, ta ta hu buu ma asi ka tew a li dla cora oloɗina su?

Magaara Vi Sa Jok Vun Lona OZE 5:1

Humugi dlara wanda haa, agi muli suu li ɓivunna, tinigi humugi jiviya suu Israelna. Suu vi mulnana tinigi humugi jiviya. Agi ni suu a kaɓakŋa u ɗegeera na, doli ɗaŋŋi agi ni ko ndal daw ma gunum hu ɦoŋzi ma Mispana na, ko ndal bay ma gunum kolo kay yam ɦinira Taborra na.

Magaara Vi Sa Jok Vun Lona OZE 4:17

Efrayimmi sa taɓ ki ko tam u fulina dewna, hinim haa.

EZEKIYEL 23:4

Gola, ni sem gorɓii asina, ta ŋgolla yaɗ ana Ohola, wayaɗta yaɗ ana Oholiba. Gorɓii asina jakŋi an ɗumusiya. Asi vuɗun gor njufiina u gorɓiina. Gola ni sem gor asina, Ohola tak ki ni Samari, Oholiba tak ki ni Yerusalem may.

EZEKIYEL 16:46

Wayakka ŋgolla ni Samari. Ndak ay cuki bikik gulu na u goryoɗ may. Wayakka goora cuki bik njuf na may ni Sodomma u goryoɗ may.

JEREMI 51:9

Ami hal yal ma cil mbil Babilon kina may ndaɗ ka a cilɗi. Hinigira dukugi ni gegelay hoŋ i hu mbas mamba. Boy maɗna tew ki huulona. Nam tew ki duk ɗugulla.

EZAYI 59:12

Ҥii, dla coomira zul saɓaki cocoo, suluk mamina ka ŋgalamiya, dla cora ami laɗta ka egemiya, cemi ami wi coomira wa.

EZAYI 28:1

Hahawra ka kay mulla Efrayimba, bibiŋil maɗta tak ki kolo kay suu ŋgolo maɗsina ko ɓo tlena na, asi tew tew gurɗiya, asi li mbul ma jivina kasiya, na may tew tew ni asi ki gurɗi buuri ga u summa.

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

EZAYI 59:13

Ami ŋgeleŋ vunuŋu, Yawe, ami ɓakaŋ dlaŋ ki cora, ami min ka a tuɗ uŋ aŋ Loominaɗi, ami ɓakŋi dlara ciwayra u aŋga, hiniŋ ha ki na day. Dlara ka hurumira u dlara ami saaraɗta halaŋŋi kaboyna.

EZAYI 59:14

Kay ndaɗta ɗegeera mbuɗ ha ki dagan na day. Ɓak ma ɗegeena ka oloɗi. Gasira mbuɗ ni va ma daɓ sem suuna hu hoŋzi ma ŋgolna. Dlara jivi ka kal ay varasi oloɗi.

Magaara Vi Sa Jok Vun Lona OZE 12:1

Efrayim ŋguyun ki u kaboyna, suu Israelna u dla cora may. Na may Yuda ka tuɗ u Lona tuwa, kaki u ɗegeera eg ma ki Teteɗna.

Magaara Vi Sa Jok Vun Lona OZE 12:2

Efrayim taa tammi u semeɗna, liŋ duk semeɗna ta ta ci buuna ki u ndaɗta. Nam zul ni kaboyna u ci maɗna. Asi vi banara u Asiri, ɦal mbulna maŋ Egipte.

AMOS 3:9

Tiirigi kay zigini suu hu Asdodna, kay zigini suu hu mbassa Egiptera dagi ana, tokogi tagi kolo kay ɦinira Samarira, gologi dla co mayra zeɗ zeɗta toki hura, dlara tiitara ka huruɗ cocoo.

AMOS 3:10

Asi ka u yal ma li dlara ɗegeeraɗi, suu tok dla cora varasi a ɦurum tlena hu ziisina kira, Yawe di na.