Magaara Vi Sa Jok Vun Lona OZE 6:2 - Boy Lonana

² Tew buuna mba' ni nam hoŋoygi ki iiriya, hu buu ma hindina ni nam ka coloygi ki koloo, aygi hin kak iiri fokomu.

Magaara Vi Sa Jok Vun Lona OZE 6:2 ပူးပေါင်းရင်းမြစ်များ

URA TIN AYRA 17:18

Abraham di Lona ana, «Ismael poy fokoŋŋi nam gawni ge.»

2 MULINA 20:5

«Hoŋ dagan tuɗ di Ezekiyas, mul ma fok suu mansinana, ana, Yawe, Lo ma vi buŋ, Davidna, di ana, an humuŋ cen maŋgawa, waŋ simi maŋŋawa may, jiviya an min garaɗaŋ kiyo, hin buu hindi ni aŋ hin tuɗ kolo hu Ziŋ Yawera.

SOOLLA 61:7

Ҥuɗ buu ma vi mulnana foko, ko basa mamba kay ndaŋgara tuɗ ta ta su kissa.

SOOLLA 71:20

Aŋ takami dlara yoora u lassa cocoo, aŋ hin hinimi cecemi ni iiri tuwa. Aŋ hin tlan ki kay zul ŋgolla ka ga kay ndaŋgara wanda.

DI BOLLA 3:3

Buu ma ci kina ni dew, buu ma garaɗta ni dew may. Buu ma to zina kina ni dew, buu ma minda ni dew may.

EZAYI 26:19

Suu maŋ suu miɗina hin hoŋ ki iiriya, tliwisi ma miɗina hin paɗ ki kolo iiriya. Asi sawalla furira ana dliɗigi kiyo, agi suu ay ga duk ndaŋgarana, kay mbaɗagi magira ni mbaɗagi kiɗikka. Suu may suu ay hu ndufundana hin wi kiɗikka.

EZAYI 30:26

Kiɗikka vi tilnara hin mbuɗ ni ko kiɗik faɗtara na. Kiɗik faɗta hin mbuɗ seɗ na kiɗisiya sura jewra, ko ndal kiɗikka li buuna kiɗisiyara na. Hu li ma Yawe njun mbil suu mamsinana, tin tlena ii mbil ma asi famma.

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

Magaara Vi Sa Jok Vun Lona OZE 7:2

Asi may ni ka ɓak tasi hurusi kurufu ana dla cora asi laɗta halaŋŋi an ka ndumuɗ kanuraɗi. Cecem wanda dla coosira ka tini kasiya, ndaɗ ka fokonu.

Boy Ma Ayra Ma JAŊ Ɓiirimma 14:19

Hin a kak hu njokŋi, suu hu duliyara ka wan oloɗi. Lini agiya ni, agi hin wanu, kayme an ka iiriya, agi hin li iiri may.

ROMMA 14:8

Lini aygi kak iiriya aygi kak iiri ni kay Bu Suuna, lini aygi miɗ lay ay miɗni maŋ Bu Suuna lay. Lini ay ka iiri lay, miɗi lay, ni kay Bu Suuna.

1 KORINTNA 15:4

Nam ay ki pii kaŋgaa, paɗ ki kolo hu buu ma hindina iiri ko magaara dira na.