Magaara Vi Sa Jok Vun Lona OZE 6:1 - Boy Lonana

¹ «Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

Magaara Vi Sa Jok Vun Lona OZE 6:1 ပူးပေါင်းရင်းမြစ်များ

2 DLAŊ MULINARA 30:6

Suu vun sunda ŋguf yam mbassa ki u magaara mulna u suu muli mamsina ɓiiriɗta halaŋ ki u mbassa Israella ura Yudara bel. Dasi ko mulna dira na ana, «Suu Israelna hoŋ ay ki eg Yawe, Lona vi Abraham, vi Isaak, vi Israel. Nam hin hoŋ ay egegi may. Agi suu hin ka iiri tu suu suɗ ay ki ko mul ma Asirinana.

JOB 16:9

Lona hurum ɓeŋ ki egen cocoo. Nam ka hawan kiyo. Aŋ ka muɗ siiŋ egenu. Aŋ ŋgaras iriŋ kan ka golonu. An mbuɗ ki ndaana cocoo.

JOB 22:23

Lini aŋ hoŋ ay eg ma Saɓakŋa ni aŋ hin fi saɓakŋa. Ni aŋ hin dik dla cora ha ki hu ziiŋu.

JOB 34:29

Lini nam seŋ tam ki wa ni sa ma hin kaasi ɓakŋa kasina ni gege? Lini nam kuluɓ irim ki wa ni sa ma hin wasina ni gege? May Lona ka saa kay njaf suuna ko sa warna na.

JOB 5:18

Lona ndak a las sana may nam ndak a garaɗam ki lay. Lini nam dak sana wa ni, nam hin njunum mbilimmi nam tok.

SOOLLA 30:7

Anu an kak en di tan ana, «An hin kak eŋe, ka geŋeɗɗi,

SOOLLA 6:2

Yawe, u huruŋ ma ɓeŋŋa, kaan ɓakŋa kanɗi, gaɗan u huruŋ ma yaraɗi.

SOOLLA 71:20

Aŋ takami dlara yoora u lassa cocoo, aŋ hin hinimi cecemi ni iiri tuwa. Aŋ hin tlan ki kay zul ŋgolla ka ga kay ndaŋgara wanda.

DI BOLLA 3:3

Buu ma ci kina ni dew, buu ma garaɗta ni dew may. Buu ma to zina kina ni dew, buu ma minda ni dew may.

EZAYI 17:7

Hu buu namma ni suuna cuk irisi ni kay sa ma lasina, irisi hin wi ma Teteɗ ma vi suu Israelnana.

EZAYI 2:3

Suuna bolowo hin yow kolo di ana, «Mbaygi aya ɗiŋiygi kolo kay ɦinira vi Yawera, hu zi ma vi Lo ma vi Yakobma. Nam hin takaygi voɗ mamba, aygi hin tuɗ hu voɗ ndaɗta.» Na daŋ may gaɗ ndaɗta col ay ni hu Siyon, boy ma vi Yawena col ay ni hu Yerusalem.

EZAYI 30:22

Fuli magi suu agi minisi u lorra u doonora agi hinisi kiyo, u lorra u doonora agi yorosi eg fuli magisinana agi hinisi kiyo. Agi cukusi ki ko tlesuu njenjena na. Agi dasi ana ɦuɗugi tagi ha ki egemiya.

EZAYI 30:26

Kiɗikka vi tilnara hin mbuɗ ni ko kiɗik faɗtara na. Kiɗik faɗta hin mbuɗ seɗ na kiɗisiya sura jewra, ko ndal kiɗikka li buuna kiɗisiyara na. Hu li ma Yawe njun mbil suu mamsinana, tin tlena ii mbil ma asi famma.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

JEREMI 30:12

Yawe ɓak anaba, dlara aŋ daɗta sa ka mbuɗuɗ ki zeɗɗi. Mbil ma aŋ kaamma ka cilɗi.

JEREMI 30:17

Aŋ may ni an hin mbuɗuŋ ki mariyaɗ, an hin ciliŋ mbiliŋ kiyo. Di na ni Yawe. Kay asi yaŋ semma kaŋ ana, «Va ma jivi ka huɗi, Siyon mayra sa humum ka gam kaɗɗira.»

JEREMI 33:5

Asi gijaŋ duu suu Kaldena, ni dlara oy ziginina u maɗ suunara ɦawaa, suu an hin casi ki u yaandana. An ŋgay tan ki ii ɦoŋzi namma wa, kay dla cora nam laɗta halaŋ.

JEREMI 33:6

Na may an golom tuguɗii mamba, hin cilim mbilim ki lay. An hin cilisi mbilisi kiyo. An hin takasi begera ki irisi bel bel u heɓpa, asi hin kak u heɓpa may.

JEREMI 50:4

Hu li namma na ni, Yawe ɓak hu li namma na gaw ana, Suu Yudana u suu Israelna ka mbay u tasiya. Tuɗ ay may, tii may, asi hal ni Yawe, Loosina.

JEREMI 50:5

Asi joɓ kay voɗta Siyonda. Asi tin irisi ni hu voɗ ndaɗta. Asi mbay taɓ ko tasi u Yawe vi banara u nam a fafaɗta, ka a maa kiɗi.

YOORA 3:11

Nam viɗin voɗta ki irinu. Nam hinin an da wa, u voɗta ka irinɗi.

Magaara Vi Sa Jok Vun Lona OZE 11:10

Asi hin tuɗ ha kay cee Yawe, nam hin ndi ay ki ko ndal dlona na, hu li ma nam mbuɗ yara, ŋgobba, wani gor kemba hin col liŋŋa ay u fiɗigina day dlak ko ndaana mbay egemu.

Magaara Vi Sa Jok Vun Lona OZE 12:6

«Yawe, Lona ma Saɓakŋa Kom Belna, Yawe» agi yammi ko wanda na.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

Magaara Vi Sa Jok Vun Lona OZE 14:4

Asiri ka ndak a suɗumiɗi. Ami ka ful kolo kay kulumbi, ami hin ka di olo ana tlesuu ami minisina ni Loominaɗi, aŋ taŋga sa ma ka wi hahaw goo ma kuyuna.»

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

DLAŊ LEVIRA 14:48

Na may hu li ma mul ma li ɓivunna kal hu zira dagan hu li ma asi paɗ ɦinira ki lay horokoɗ huruɗu, hooroɗ ki layna lini nam fi zozoɗ ndaɗta ɦuɗ ka fok oloɗi ni, nam di ki kay zi ndaɗta ana ndaɗ ki ni teteɗ. Kay ana tuguɗi maɗta hiniɗ ki wa.

SOFONI 2:1

Mologi kay tagiya, mologi kay tagiya, agi suu zolo ka cagiɗina.

GA 8ATAMBARA 32:39

Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.

1 SAMUEL 2:6

Yawe ndak ci sana ki lay, hoŋom ki iiri lay. Kal sana kaŋga hu zulla kura lay, hin tlam ay ki kolo lay.

1 SAMUEL 7:3

Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»