Magaara Vi Sa Jok Vun Lona OZE 5:6 - Boy Lonana

⁶ U yoori masi suu gorina lay, suu ŋgolona lay asi mbay a hal Yawe may asi hin ka fambi. Nam ɓorow duk ɦoŋom ki u asi wa.

Magaara Vi Sa Jok Vun Lona OZE 5:6 ပူးပေါင်းရင်းမြစ်များ

KALKIRA 10:9

Moiz dasi ana, «Ami tuɗni u goryomiya u suu mami suu maarina, ami tuɗ u gorɓii mamisina u gor njufiina lay u yoori mami suu ŋgolona u suu gorina lay, kay koy ndaɗta kami ni a ŋga ni Yawe.»

VUN ŊGOLNA 1:28

Asi hin yan lay ni an ka humusiɗi, asi hin halan lay ni, ka fanɗi lay.

VUN ŊGOLNA 15:8

Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.

VUN ŊGOLNA 21:27

Ɓivun ma vi suu dlasi cona ka jiviɗi. Kay asi li ɓivun masina ni u mbambara.

SOOLLA VI SALOMON 5:6

An mal vunna ki maŋu, galanna, gola ni nam tuɗ wa, nam ka coli oloɗi. An kal ay ki tuɗ a cuɗum semba, an halammi ka fambi. An yam kolo cocoo, nam ka humbi lay.

EZAYI 66:3

Suu ka li ɓivunna hu mbutlnana hin ci sa warna tok may, suu li ɓivunna u timigiina hin ŋgaɗ del dina lay. Sa ma ŋgalan mbul ma hisna, hin goɓ fulina lay. Asi manni voɗ masira hurusi ka furi kay sun masira co ndaɗta.

JEREMI 11:11

Na ɗaŋŋi, Yawe ɓak anaba, an hin mbaasi dla cora ay kasiya, asi hin ka ndak a taɗ tasi kiɗi. Asi hin yan ay ana an mbay njunusiya, an hin ka humusiɗi.

JEREMI 11:14

«Aŋu, tli dlaŋ suu asinara kaŋgi. Yoo taŋ kasiɗi lay, cen kasiɗi lay, kay ana hu li ma asi hin yan an hin ka humbi, hu li ma hahawra mba kasina.»

JEREMI 14:12

Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

JEREMI 7:4

Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

YOORA 3:44

Aŋ mbuɗ yara ay kolo duk ɗugulla wa ni cenda ka tew egeŋ oloɗi.

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

EZEKIYEL 8:6

Nam dan ana, «Goŋ sanna, aŋ wi dlara asi laɗta wa su? Aŋ wi dlara ɓalakka vi suu Israelna tani wa ɗaŋ su? Ni ana an ɦuɗ tan ha ki day eg ziinda naɗi su? Aŋ hin nda wi dlara ki saɓaki co suu ndaɗtara olo.»

Magaara Vi Sa Jok Vun Lona OZE 8:13

Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

AMOS 8:12

Asi hin tuɗa, viriw fun mbo lumma ŋgolna ta ta tew fun mbo lumma ŋgoo hiŋŋa, ta ta mbayawi, ta ta tew u faɗ maɗiiya, a hal boy ma vi Yawena, na may asi hin ka fambi.

MISE 3:4

Hu li ma asi hin tii ha eg Yawena nam hin ka hoŋosi diraɗi, nam hin ŋgay tam ki irisi hu li namma, kay suluk ma asi lamma.»

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

Boy Ma Ayra Ma LUK Ɓiirimma 5:16

Yesu hin suu molina ha ki tani, tuɗ ha ki ŋgoo bagi a cen Lona.

Boy Ma Ayra Ma JAŊ Ɓiirimma 7:34

Agi hin halanu ka fanɗi. Agi ndak ka tew hu li ma an tuɗ hunaɗi.»