Magaara Vi Sa Jok Vun Lona OZE 5:5 - Boy Lonana

⁵ Ŋga tara vi Israella ɓak ki kaɗu. Israel u Efrayim ka daɓ sesi eg coosira, Yuda may ni ka daɓ seɗ u asi may.

Magaara Vi Sa Jok Vun Lona OZE 5:5 ပူးပေါင်းရင်းမြစ်များ

VUN ŊGOLNA 11:21

Yam boyna a daɓpa ni suu dlasi cona ka hin bay kaasi ɓakŋa kasiɗi. May ni suu ɗegeena hin suɗ kiyo.

VUN ŊGOLNA 11:5

Ɗegeera vi sa ma gasina mbuɗum poy mamba ɗegee, may sa ma dlam cona ka mbusuk u dla coom ndaɗta may.

VUN ŊGOLNA 14:32

Cora vi sa ma dlam cona vam ga ni ndaɗ tok. Hu buu ma miɗna lay, Sa ma ɗegeena, ɗegee mamba suɗumu.

VUN ŊGOLNA 24:16

Kay sa ma ɗegeena puk kaŋga ni yam na kiɗisiya lay ni, nam hin col koloo, na may sa ma dlam cona sem ndi ni hu dlara yoora.

VUN ŊGOLNA 30:13

Suu daŋŋa kaa ni gol tasi ki ni kolo kay ndarayasina halaŋ, suuna halaŋŋi usi kaŋgaa.

EZAYI 3:8

Na daŋ may Yerusalem daɓ sem wa, Yuda bow ki ga wa. Dlara asi daɗta u sunda asi laɗ fok bibiŋilla vi Yawe ni ciwayra.

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

EZAYI 44:9

Suu min loogi suu ɦawana ki ni ɦawaa. Sun masira asi laɗta ka fi va huɗi. Suu a diki kasina ka wi vaɗi lay. Zolona vasi wa asi ka wi vaɗi.

EZAYI 59:12

Ҥii, dla coomira zul saɓaki cocoo, suluk mamina ka ŋgalamiya, dla cora ami laɗta ka egemiya, cemi ami wi coomira wa.

JEREMI 14:7

Lini suluk mamina ka kaami ɓakŋa kamiya, kay seŋ aŋ Yawe a fi ŋgara ni aŋ li ko aŋ minda na. Gasi ami ka bay hin tinda tin vunumi kaŋga ki tuwa, ami ki suluk fokoŋu.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

Magaara Vi Sa Jok Vun Lona OZE 4:5

Aŋ hin daɓ taŋ kolo hu buuna, sa jok vun lona lay hin daɓ tam kolo u aŋ njeŋgee. An hin mbuɗuŋ suŋ vunuɗ ka ɓakgi.

Magaara Vi Sa Jok Vun Lona OZE 5:14

Suu na nde, an tanda hin li ni a dlona kay Efrayim, ko ndal goo dlona na kay suu vi Yudana. Ni anu, an sa hin haragi kina, olo an hin tuɗ u tliw manna, sa hin ka ɓaɗam konɗi.

Magaara Vi Sa Jok Vun Lona OZE 7:10

Ŋga tara vi Israella kaaɗ ɓakŋa kaɗ lay, asi ka hoŋ ay eg Yawe Loosinaɗi. Dla ndaɗta li na lay ni asi ka min a halambi.

Magaara Vi Sa Jok Vun Lona OZE 8:14

Israel maa ki kay sa laɗna wa, na may ndaɗ min zigini suu jivina kaɗu. Yuda may ni zul ɦoŋzi ma jivi ma saɓakŋa ni zuliya. Na may an hin sun kura ay kay ɦoŋzi namma ndaɗ hin ŋgal zigini suu jivi asina kiyo.

AMOS 5:2

Ndaɗ ndi kaŋga wa, ndaɗ ka col kolo oloɗi, go tamara, Israella, ndaɗ ka kaki kay ndaŋga maɗta. Sa ka coloɗ koloɗi.

MATIYE 23:31

Agi tagira wi ki ana agi ni goryoŋ suu ci suu jok vun Lonna kina.

Boy Ma Ayra Ma LUK Ɓiirimma 19:22

Mulna hin dam ana, Aŋ sa ma li sunda cona, an kaaŋ ɓakŋa kaŋŋi u boy maŋŋa aŋ damma. Aŋ wi kaŋ ana an ni sa irin eŋŋa, vana li ka mannaɗi lay ni, an tlam lay, an feɗ wa ma an zaaram kaɗina ki lay ni,