Magaara Vi Sa Jok Vun Lona OZE 5:4 - Boy Lonana

⁴ Dlara asi laɗta mbuɗusi hoŋ masira eg Loosinara ki loɓma kay ana saara li gawlaŋŋa oy ki varasi wa, asi ka wi Yaweɗi.

Magaara Vi Sa Jok Vun Lona OZE 5:4 ပူးပေါင်းရင်းမြစ်များ

Magaara Vi Sa Jok Vun Lona OZE 4:12

Suu mansina tuɗ joɓ ŋgusuna, gogor kom hin hoŋosi dira ni ndaɗu. Kay ana saara gawlaŋŋa viɗisi ki ni ndaɗu, u lira asi li gawlaŋŋa nara asi ɦuɗ tasi ki eg Loosina ni ɦuɗi day gaw.

Boy Ma Ayra Ma JAŊ Ɓiirimma 16:3

Asi hin li dla ndaɗta na ni kayra asi ka wi bunɗi lay ka wan anɗi layra.

Boy Ma Ayra Ma JAŊ Ɓiirimma 8:55

Na may, agi ka wambi, anu, an wamu. An di wa ana an ka wambi ni, an mbuɗ ni sa kaboyna ko agi na may. An wamu, an hum u boy mamma lay.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

Magaara Vi Sa Jok Vun Lona OZE 4:1

Humugi boy ma vi Yawena haa, goryoŋ Israelna. Yawe ka li ɓakŋa u suu hu mbassana, kay ana dlara gasira u minda kaɗi lay, wira wi Lonara ka hu mbassa oloɗi.

JEREMI 50:38

Ŋgewna, kal duk mbo maɗna nam so kiyo, ni mbassa tak foto tlena, foto tlesuu bolow asina ɓeŋesi yasi kiyo.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

JEREMI 9:24

Buuna ka mbaa, Yawe ɓak na, ma an hin kaɓakŋa kay suu caw ɗiwisi ki may, ɦal tasi ni hu tliwisi ɦawana,

JEREMI 9:6

Na ɗaŋŋi Yawe, ma Saɓakŋa Kom Belna, ɓak anaba. An hin yoorosi kiyo, hin saa kasiya. Aa, an a kaɓakŋa ni kay dla cora vi suu mansinara.

SOOLLA 78:8

Ko asi li ko somoyosi naɗi, asi suu hin vun Lona ki mbuɗ yara u namma, njaf suu hurusi cona saa masira ka taɓ ura vi Lonaraɗi.

SOOLLA 9:10

Yawe ni ɦoŋzi ma saɓakŋa kay suu ka lasna, hu li ma lassa ka lasina, nam suɗusiya.

1 SAMUEL 2:12

Goryoŋ Helina sunusi kaɗi. Asi ka wi Yaweɗi.

Magaara Vi Sa Jok Vun Lona OZE 4:14

An hin ka li ɓak kay gawlaŋ ma vi gorɓii magisinanaɗi, kay zoŋga vi boyogi suu vi goryoginaɗi, kay ana asi tasira muli suu li ɓivunna lay tuɗ viɗ tasi ha ki u suu gawlaŋŋina, ɓorow ɓivun ma teteɗna duk tasi u suu gawlaŋŋi suu hu Ziŋ Lonara. Suu may suu saara ka kasi ŋgolɗina tuɗ a ba ki ni baaya.

Magaara Vi Sa Jok Vun Lona OZE 7:11

Efrayimmi gugukka giniŋga totoonoɗ kaɗira, asi yi Egipte lay, asi liŋ hu Asiri lay.

Magaara Vi Sa Jok Vun Lona OZE 13:13

Ca mayra ka vuɗ tura tiitara hin mba kaɗu. Nammi goo ma hin ka wi yal dlaraɗina. Buurum ma vuɗta ndak wa ni nam hin ka tak tam a kal ay ki kaŋga u sumbi.

Magaara Vi Sa Jok Vun Lona OZE 4:11

Dla cora u guruɗ summa viɗ saara jivira kiyo.

Magaara Vi Sa Jok Vun Lona OZE 8:11

Efrayim zul otel ma li ɓivunna coco a bulum cora kira. Na may gologiya, otel ma li ɓivun namma mbuɗ ni va ma kalam hu cora.