Magaara Vi Sa Jok Vun Lona OZE 5:10 - Boy Lonana

¹⁰ Suu muli suu vi Yudana ni suu jok u ii hakara, an hin tinisi yaanda kasi ŋgol cocoo.

Magaara Vi Sa Jok Vun Lona OZE 5:10 ပူးပေါင်းရင်းမြစ်များ

SOOLLA 32:6

Ni na suu ɗegeena halaŋ ka ceneŋu, hu li ma nam ŋgaf u aŋŋa. Lini mbona tli coco lay, nam ka lam vaɗi.

SOOLLA 69:24

Ko irisi dug kiyo, mbuɗ wi oloɗi, hinisi u furusi tew tew loɓiya.

SOOLLA 88:17

Yaaŋga halaŋ jak ki kanu, ndaaraŋ ka viɗin kiyo.

VUN ŊGOLNA 17:14

Gijaŋ a li honira ni ko ndal aŋ ka voɗ mbona ay ki a nam ɓaɗta na. Jew bay gijaŋ yara tu ni mariyaɗ ni hiniɗu.

VUN ŊGOLNA 22:28

Jak ki kay ii hakara somoyoŋ suu jewna ŋgaaɗ ka ki day dayraɗi.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZEKIYEL 22:22

Ko ndal suuna yoo doonona ga fun zul caffara na. An hin yoorogi ki hu Yerusalemmi na may. Ni agi hin wi ki ana an Yawe gi yaanda ay kagi ni an daŋ may.»

EZEKIYEL 7:8

Cecem gaw ni an min voogi yaanda kagiya. An daɓ yaanda ki egegi ni na ndeŋ ndeŋ. An kaagi ɓakŋa kagi ni u poy magira. An tokogi dlaagira cora ni kagi halaŋ.

MATIYE 7:27

Lona siya, mbona tli cocoo, babaana paɗ coco kay zi ndaɗta, ndaɗ bow ki halaŋ gaw.»

Boy Ma Ayra Ma LUK Ɓiirimma 6:49

Sa hum boy manna ka li umbina, tli tammi ko sa min zira kay ŋgetlna bay vekeɗ uɗ kaŋgara na. Lona siya, yona tli wani, zi ndaɗta bow ki gaw, kayme ndaɗ mini kay ŋgetlna, ni ndaɗ bow ki kaŋga kirim.»

GA 8ATAMBARA 19:14

Hu li ma agi cuk zina wa hu mbassa Yawe Loogina ɦagirara wa ni, ii haka mayra sa ma cuk jewna ŋgaaɗ ka na ŋgara sa jokoɗ uɗ kiɗi.

GA 8ATAMBARA 27:17

«Sa may ma kul li ma vi ndarammana ay ki u liimma na sa namma ba ki wa. Suu halaŋŋa hoŋ dira ana, Amin.