Magaara Vi Sa Jok Vun Lona OZE 5:1 - Boy Lonana

¹ Humugi dlara wanda haa, agi muli suu li ɓivunna, tinigi humugi jiviya suu Israelna. Suu vi mulnana tinigi humugi jiviya. Agi ni suu a kaɓakŋa u ɗegeera na, doli ɗaŋŋi agi ni ko ndal daw ma gunum hu ɦoŋzi ma Mispana na, ko ndal bay ma gunum kolo kay yam ɦinira Taborra na.

Magaara Vi Sa Jok Vun Lona OZE 5:1 ပူးပေါင်းရင်းမြစ်များ

JEREMI 11:7

An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 13:18

Di ha maŋ mulna, u su mulna, «Jum makka mulla cecemmi ndaɗ ndi ay ki kaŋga ni kay yakka su? Jum makka mulla ta jivira.

JEREMI 46:18

An ka iiriya, mul ma sem ana Yawe ma Saɓakŋa kom Belna. Ko ndal ɦinira yaɗ ana Tabora duk ɦinira na, ko ndal Karmel duk mbo lum ma ŋgolnara na an hin mbaya.

Magaara Vi Sa Jok Vun Lona OZE 10:15

Wanni dlara an hin lagira egegira, kay hurugi ma co ma kal ki saɓak ndena. Maɗii feɗeɗ ni dla ndaɗta hin li eg mul ma Israelna na may.

Magaara Vi Sa Jok Vun Lona OZE 13:8

An gasi jaŋŋasi duuna ko ndal bosogo ma asi yowom goryomma na, an coosi hurusi kiyo, ko ndal dlona na an komosi hu li namma, mbuuri suu bagina hin palawasi kiyo.

Magaara Vi Sa Jok Vun Lona OZE 4:1

Humugi boy ma vi Yawena haa, goryoŋ Israelna. Yawe ka li ɓakŋa u suu hu mbassana, kay ana dlara gasira u minda kaɗi lay, wira wi Lonara ka hu mbassa oloɗi.

Magaara Vi Sa Jok Vun Lona OZE 6:9

Ko ndal suuna yow u tasi bolowra ŋgay tasi kaŋga voɗ suuna, muli suu li ɓivunna u tasi bolowra ci suuna hu voɗta Sekemba na. Gola ni dla cora asi laɗta.

Magaara Vi Sa Jok Vun Lona OZE 9:8

Sa golla vi Efrayim ka eg Loonna, ni sa jok vun Lona. Asi gunum dawna kaŋga hu voɗ mamba halaŋ, asi duurum ta ta hu zira vi Loommara.

JOEL 1:2

Humugi haa, agi suu ŋgolona, tinigi humugi jiviya, agi suu kay yam mbassana halaŋ. Dla ndaɗta li ay hu coki magira, ɗowba hu cokira vi somoyogira su?

AMOS 3:1

Humugi boy ma Yawe ɓakam kagi agi goryoŋ Israelna haa, kay suu an selesi ay ki hu mbassa Egiptera halaŋ.

AMOS 7:9

Li ma mbuy ma vi Isaakŋa hin bulum kiyo, givin ma togolla ma Israelna hin bulum ki hu li ma an hin col ay kolo u ŋgewra kon kay suu vi Jeroboamma.»

MISE 3:1

An di ana, «Humugi ha ɗaŋ muli suu vi Yakobma, suu kaɓakŋa vo vi Israelna, agi a wi ɗegeera ni agiɗi su?

MISE 3:9

Humugi boy namma ha ɗaŋ, agi muli suu vi Yakobma, suu kaɓakŋa vi Israelna asi suu mbuɗugi boy ma jivina ki balam dla corana, dlara ɗegeera agi mbuɗuɗ ki gunira na ɗowna.

MISE 7:2

Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

MALASI 2:1

Cecem wanda an gagi ni humugi agi suu li ɓivunna.

SUU KAƁAKŊA 4:12

Suuna tuɗ di Sisera ana Barak ma goŋ Abinoamma ka kolo kay ɦinira Taborra.

SUU KAƁAKŊA 4:6

Ndaɗ yi Barak ma goŋ Abinoamma hu Kedes ta Neftalira, dam ana, «Yawe, Lo ma vi suu Israelna, di ana, aŋ tuɗ kay ɦinira Tabor, tok suu njufiina na buɓ buɓ doogo duk njaf suu vi Neftali u Zabulonna.

1 SAMUEL 7:16

Nam tuɗ hu basara tew tew poy ɦoŋzi ma Betelna, ma Gilgalna, ma Mispana, nam kaɓakŋa kay suuna hu li namma halaŋ halaŋ.

1 SAMUEL 7:5

Samuel di ana, «Tokogi suu Israelna halaŋ hu Mispa. An hin joɓogi Yawe kagiya.»

1 SAMUEL 7:6

Asi tok tasi ki hu Mispa. Asi go yona ay voom kaŋga fok Yawe. Asi li laara hu buu namma hin di hu li namma ana, «Ami li sulukŋa eg Yawe.» Samuel kaɓakŋa kay goryoŋ Israelna hu Mispa.