Magaara Vi Sa Jok Vun Lona OZE 4:8 - Boy Lonana

⁸ Asi wul tasi ni u suluk ma vi suu mansinana, hurusi ki tinira kay cora asi laɗta.

Magaara Vi Sa Jok Vun Lona OZE 4:8 ပူးပေါင်းရင်းမြစ်များ

EZAYI 56:11

Asi ni digini suu kurufukka ka hoɓbi lay, asi tasira ni a suu taa yoorina gaw. Asi ka wi dira di ana ndagami waraɗi lay. Asi ka wi ɓorow ii tlenaɗi lay. Gegelay dukusi ni hal ni fiimma. Gegelay hal ni ɓaɗta kay tam.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

1 SAMUEL 2:29

Ni kay me agi tayan ɓivun manna ki kaŋga may? Ҥalla ɦawara an ndumuɗ ka hu ziindara ni ge? Ni kay me aŋ ɦal ŋgara maŋ goryoŋ suunni ge? Ni kay ana agi ɗorogi tagi ki u tlesuu jivi suu suu man suu Israelna ɦansina ayna halaŋ halaŋga su?

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

SOOLLA 24:4

Ni sa ma kom u hurum lay ki teteɗna, ni ma ka maɗ kom a li dla coɗina, ka suu tam suura ganyambi lay.

EZEKIYEL 14:7

«Lini sa ma Israelna ma hu dee suu Israelna, ɗowba ŋgay ma ka cuki duk suu Israelna ɦuɗ tam ha ki egen day, vi fuli mamsina hurummi asiya, nam tin fokommi dlara daɓ sem a kalam hu dla cora, hin tuɗ eg sa ma jok vun Lona a joɓomba may. Ni an Yawe hin hoŋom dira ni u tanda.

EZEKIYEL 14:3

«Goŋ sanna, suu asina fokoŋ ca ni fuli masisina vi hurusi kurufuwa. Asi gi ki fokosi ni va ma daɓasi sesi a asi li cora na. Na ni an hin a hin tan a asi joɓon gasi may su?

SOOLLA 25:1

Soolla vi David. Yawe, saa manda halaŋ halaŋŋi aŋu.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

Magaara Vi Sa Jok Vun Lona OZE 10:13

Agi zumugi ni huu ma cona, agi feɗegi ni sulukŋa may. Agi tagi ni vuɗ kaboyna. Aŋ hin taŋŋi kay saɓak maŋŋa, kay suu maŋ suu duu suu bolowna.

Magaara Vi Sa Jok Vun Lona OZE 12:8

Kanaan vi va ma tli nekka ma ganyamba koɗu, ndaɗ minni kulla.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

DLAŊ LEVIRA 6:22

Tliw namma muli suu li ɓivunna halaŋ ndak komomu kay nammi va ma ki mbuɗi teteɗna.

2 MULINA 12:16

Sa ka joɓ u gursu namma ko suu ɦasina kosina ana asi li ni ana megeraɗi. Kay asi li sun masira ni u gasira u huu ma dewna.