Magaara Vi Sa Jok Vun Lona OZE 4:3 - Boy Lonana

³ Mbassa lay ni mbuɗ ki hahawi. Suu huruɗna hin miɗ kiyo. Mbuuri suu hu senenana lay, laygi suu huulonana lay, kuluf ma duk mbo lum ma ŋgolnana lay hin daɓ kiyo.

Magaara Vi Sa Jok Vun Lona OZE 4:3 ပူးပေါင်းရင်းမြစ်များ

EZAYI 33:9

Mbassa halaŋŋi hu hahawra, mbuɗ maŋiya, mbassa Libanda mbuɗ ki zolona ka jivi oloɗi, mbassa Saronda mbuɗ ki ko ŋgoo bagira na. Basan u Karmel hum ŋgusugi suu huna yak ki halaŋ halaŋ.

JEREMI 12:4

Ndaŋgara hin yoo taɗ ni buuna ta ta gage, usu ma bagina hin so ki ni saɓa mayge? Mburi suu bagina miɗ ki ni kay cora vi suu maɗsinara. Asi suu di ana, «Nam ka wami voɗomiɗi.»

JEREMI 23:10

Hu mbassa suuna halaŋ mbuɗ ki suu li zoŋga, mbassa ka yoo taɗu kay dla cora oy ki huruɗu. Kaa ma ŋguy kadna hawaɗ ki wa. Asi ɓaɗ tasi kay a li dla cora, tasi tli feɗta kay dlara bay uɗta.

JEREMI 4:25

An gol na ni, suu warna ka oloɗi lay. Layagina ŋgay ki halaŋ halaŋ.

JEREMI 9:10

An mbuɗ Yerusalem ki a gogoyra moli kay taɗta, li ma bayakka moli huna, ɦoŋzi ma Yudana ki li ma hahawra. Suu huna casi kiyo.

JEREMI 9:9

Ay kolo kay ɦinira tii ma hahawra kaa. Ay hu li ma taa yoorina soolla yoo tara kaa. Kay ana asi ki ŋgaliya, sa dew lay ka jak huɗi, yoorina sa ka humusi delesiɗi lay. Yoorina, layagina halaŋ ŋgay kiyo, va hin ka oloɗi.

EZEKIYEL 38:20

Kuluf ma ga duk mbonana, layagi suu pii kolona, halaŋ hin dlak ndaana fokonu u mbuuri suu ŋgoo bagina u tlesuu ɦaram kaŋga kay ndaŋgarana halaŋ. Suu war suu ka kolo kay ndaŋgarna lay, ɦinira ŋgolora hin cukki kaŋgaa, zul ɦinira hin bow ki lay. Gulumun ma ŋguy kay ɦoŋzinana halaŋ hin bow ki kaŋgaa.

JOEL 1:18

Ko yoorina oy tasiya, mbutlina ka guruɗta kiyo, kay li ma asi fi haɗna a tira ka oloɗi. Yoori suu gorina miɗ ki lay.

AMOS 1:2

Nam di ana, Hu Siyon Yawe ka ŋgoɓpa, hu Yerusalem nam ka ɦal voɗta, suu taa yoorina haɗ masina so ki wa. Yam ɦinira Karmella so ki wa.

AMOS 5:16

Na ɗaŋ, Yawe, Lona ma saɓakŋa, malanna, ɓak anaba, Hu lina halaŋ suuna yoo tasi hu voɗta halaŋ, asi hin di ana, Ҥii! Ҥii! Asi hin yi sa horokŋa ay hu li ma hahawra, hu li ma yoo tara suu yasi ayna hin yoo tasiya.

AMOS 8:8

Kay ndaɗta ndaŋgara hin ka dlak ki su? Suu huruɗna halaŋ hin mbuɗ ki hahawraɗi su? Ndaɗ hin tli kolo na feel ko yo lumma na. Ndaɗ hin tli ay koloo, hin hoŋ ndira kaŋga ko lumma Egiptena na.

NAHUM 1:4

Nam mbuɗ yara eg lum ma ŋgolna wa ni nam so kiyo, nam haɗak mbo lum ma gorina kiyo. Usu ma hu Basanna u ma keŋ ɦinira Karmella so kiyo, ɓo guguni suu hu Libanna logoɗ kiyo.

SOFONI 1:3

Yawe di ana, An hin bulum suu warna u mbuurina kiyo, laygina u kuluf ma duk mbo lum ma ŋgolona kiyo, tlege suu daɓ semma u suu cona lay, an hin bulum suu warna ki kay ndaŋgara.

ZAKARI 5:4

Yawe, ma Saɓakŋa Kom Belna, di ana, An gigiɗ ɦawa a ndaɗ tew ziŋ sa kulla a sa suu tam bay gasira tew tewna, ko ndaɗ kak hu ziimu, tamma kiyo, mbalna u gogoyra.