Magaara Vi Sa Jok Vun Lona OZE 4:1 - Boy Lonana

¹ Humugi boy ma vi Yawena haa, goryoŋ Israelna. Yawe ka li ɓakŋa u suu hu mbassana, kay ana dlara gasira u minda kaɗi lay, wira wi Lonara ka hu mbassa oloɗi.

Magaara Vi Sa Jok Vun Lona OZE 4:1 ပူးပေါင်းရင်းမြစ်များ

1 MULINA 22:19

Mise hoŋ di hu olo ana, «Jiviya, aŋ hum boy ma Yawe damma haa. An wi Yawe kaki kay dlam mamba. Suu duu suu huulonana coli kolo u sesi egemu, kay bikim njuf may, bik gulu may.

SOOLLA 81:9

Suu mansina humugi haa, an dagi ha ni gasi, agi suu Israelna an min ana agi hum ha jiviya,

EZAYI 1:10

Humugi boy ma vi Yawena haa, agi suu ŋgolo suu Sodomma. Tin humugi hum haɗta vi Lonara agi suu Gomorna.

EZAYI 1:18

Yawe di ana, Mbaagi ay ɓakaygi boyna. Lini co magira tlawra na keŋ keŋ lay ni, ndaɗ hin mbuɗuɗ ki haɓpa ko fuɗta na. Lini ndaɗ tlaw ko busuna na lay ni, ndaɗ hin mbuɗuɗ ki haɓpa ko baraw haɓma na.

EZAYI 28:14

Kay ndaɗta agi suu mbaɗ suuna suu ka ti mulla kay Yerusalemma, humugi boy ma vi Yawena haa.

EZAYI 34:1

Agi njaf suuna halaŋ ɦuɗugi tagi aya, humugi boyna. Agi suuna halaŋ tin humugi jiviya. Ndaŋgara hum ha u tlegeyeɗ suu kaɗna halaŋ, duliyara u tlesuu huruɗna halaŋ.

EZAYI 34:8

Buu namma ii Yawe ni a buu ma sa sukulna. Ni basara nam a ŋgab dlara suu duu u nam hu Siyonna kira.

EZAYI 5:3

Cemi ni agi suu Yerusalemma u suu hu mbassa Yudara. Kaagi ii ɓakŋa dukumi u sene gugutlu manna gige.

EZAYI 59:4

Sa ma mbaa sekka gasi kaɗi, sa ma kal hu li ma kaɓakŋa u dlara ɗegee kaɗi. Asi lak fun ɓakŋa ni bay u dlara irisiya. Ɓak magina halaŋŋi um kaɗi. Agi mbaa ni dlara ɓalak suuna, zul ni cora na ɗow.

EZAYI 59:8

Asi ka wi voɗta tuɗuŋ hu heɓpaɗi, li ma asi jak huna halaŋ aŋ ka fi dlara ɗegee huɗi, voɗta asi tuɗ huruɗta guniya, sa ma tuɗ hu voɗ ndaɗtana ka a fi heɓpaɗi.

EZAYI 66:5

Humugi boy ma vi Yawena haa, agi suu lam ndaa boy mammana, gorsegi suu li gonokka u agina, suu dikigi ki kay senna, asi di ana, Yawe tak bibiŋil mamba ay ɗaŋgi su, ami wagi ki agi su ki kami ɗaŋ. Na may asi suu asina hin hom yasi gaa.

JEREMI 11:7

An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 19:3

Aŋ dasi ana, humugi boy ma vi Yawena haa, muli suu Yudana u suu Yerusalemma. Yawe, ma Saɓakŋa Kom Belna, Lona vi Israel, di anaba, «An hin mbaa dla cora ay hu li namma, gegelay ma hum dla ndaɗta na humma hin viɗ kiyo.

JEREMI 2:4

Humugi boy ma vi Yawena haa, agi suu vi Yakobma u dee suu Israelna halaŋ.

JEREMI 2:9

Na ɗaŋŋi an hin li ɓakŋa u agiya. Yawe di na. Hin li ɓakŋa u goryoŋ goryogina.

JEREMI 25:31

Vun ma nam lamma ndak ki kay ndaŋgara. Yawe cola li ɓakŋa u suuna. Nam mal voɗta a li ɓakŋa u suuna halaŋ. Suu dlara vasina nam casi ki u ŋgewna, Di na ni Yawe.

JEREMI 34:4

Na lay ni Sedesiyas, mul ma Yudana, hum boy ma vi Bu Suunana haa. Yawe ɓak kaŋ anaba, aŋ hin ka miɗ ki ko ŋgewraɗi.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 4:28

Ni kay ndaɗta ndaŋgara ka ni hu hahawra. Kolo wanni huulona mbuɗ ki ndufunda kay ana an kaɓakŋa ki kay dla ndaɗta, an vi ki kan a li dla ndaɗta. An hin ka hoŋ vunun ki daganɗi.

JEREMI 5:4

An may ni joɓ tan ana, asi ni suu ka wi vaɗina. Asi ka yalɗi lay. Asi ka wi voɗta vi Yaweraɗi, gaɗta vi Loosinaraɗi lay.

JEREMI 51:5

Kay ana mbas masira ki oyra u dla cora eg ma Teteɗ ma vi suu Israelna. Doli ɗaŋŋi sa Israel ɗowba ma Yuda ka ki hini dono ko Loosina Yawe, ma Saɓakŋa Kom Belnaɗi.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 7:28

Aŋ dasi ɗaŋ, gologiya, suu ka hum vun Yawe, Loosinaɗina, ka li u gaɗ mambaɗina, gasira viɗ ki wa, ndaɗ bulum ki funusi wa.

JEREMI 9:20

Kay ana maɗna ka ɗiŋ ay kolo ii zi maygira, nam ka kal ay hu ziiygi ma jivina, nam mbay ŋgaɗ gorkemba ki hu voɗta, gorzoŋŋina hu lina may.

JEREMI 9:3

Kakagi jejegee, gegelay ko tam u ndaram ma poy u namma. Ganagi yam tagi u sa wayagi ma dewɗi lay. Kay ana wayagi managelay juɓ mi a li dla cora. Sa poy u tagi managelay min hummi dla cora.

JEREMI 9:7

Sinisi ni ko ndal sin mbuurura ci maɗna na. Asi ɓakŋi dlara ganyamba. U vunusi asi ɦal heɓpa maŋ suu poy u asina, na may hurusi kurufu ni asi minisi ni dawna kaŋga fokosi gunda.

EZEKIYEL 16:35

«Gawlaŋga, hum boy ma vi Yawena haa.

Magaara Vi Sa Jok Vun Lona OZE 12:2

Efrayim taa tammi u semeɗna, liŋ duk semeɗna ta ta ci buuna ki u ndaɗta. Nam zul ni kaboyna u ci maɗna. Asi vi banara u Asiri, ɦal mbulna maŋ Egipte.

Magaara Vi Sa Jok Vun Lona OZE 12:3

Yawe ɓakŋa ka kom u Yuda, a Yakob ɓak ki kay dlaamba, kay tuɗ mamba a hin kaam ɓakŋa kam u sun mamba.

Magaara Vi Sa Jok Vun Lona OZE 5:1

Humugi dlara wanda haa, agi muli suu li ɓivunna, tinigi humugi jiviya suu Israelna. Suu vi mulnana tinigi humugi jiviya. Agi ni suu a kaɓakŋa u ɗegeera na, doli ɗaŋŋi agi ni ko ndal daw ma gunum hu ɦoŋzi ma Mispana na, ko ndal bay ma gunum kolo kay yam ɦinira Taborra na.

Magaara Vi Sa Jok Vun Lona OZE 5:4

Dlara asi laɗta mbuɗusi hoŋ masira eg Loosinara ki loɓma kay ana saara li gawlaŋŋa oy ki varasi wa, asi ka wi Yaweɗi.

JOEL 1:2

Humugi haa, agi suu ŋgolona, tinigi humugi jiviya, agi suu kay yam mbassana halaŋ. Dla ndaɗta li ay hu coki magira, ɗowba hu cokira vi somoyogira su?

AMOS 3:1

Humugi boy ma Yawe ɓakam kagi agi goryoŋ Israelna haa, kay suu an selesi ay ki hu mbassa Egiptera halaŋ.

AMOS 7:16

Cecem wanda ɗaŋŋi aŋ hum boy ma vi Yawena. Aŋ di ana, Aŋ hin ka jok boyna ki maŋ suu Israelnaɗi, ka gi vunuŋ kuf kay zi ma vi Isaakŋaɗi.

MISE 6:2

Ҥinira, humugi ɓak ma vi Yawena haa. agiya u ndaŋgara ka ɓeŋ kiɗira, gologi ɓak ma vi Yawe u suu mamma na, u Israel, nam kal hu ɓakŋa wa.

Boy Ma Ayra Ma JAŊ Ɓiirimma 8:55

Na may, agi ka wambi, anu, an wamu. An di wa ana an ka wambi ni, an mbuɗ ni sa kaboyna ko agi na may. An wamu, an hum u boy mamma lay.

ROMMA 1:28

Asi ŋgel humusi ki kay min wi gasira vi Lonaraɗi. Ni nam Lona hinisi buɗi hu yal masi ma viɗ kina, dla mayra ka gin a liɗira asi mbuɗ laɗu.

1 KORINTNA 15:34

Hoŋogi ay hu gasira ko ay lira na, lagi coraɗi, suu dukugi ɦiw ni ka wi Lonaɗi an di na ni kay zolo magina.

WIRA ŊGAYRA 2:11

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓakŋa na gak gak su kay ndaŋgarana, miɗ ma mbana hin ka fasiɗi.

WIRA ŊGAYRA 2:29

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya.