Magaara Vi Sa Jok Vun Lona OZE 3:5 - Boy Lonana

⁵ Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

Magaara Vi Sa Jok Vun Lona OZE 3:5 ပူးပေါင်းရင်းမြစ်များ

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

EZAYI 17:7

Hu buu namma ni suuna cuk irisi ni kay sa ma lasina, irisi hin wi ma Teteɗ ma vi suu Israelnana.

EZAYI 2:2

Buu maa hin mbaa ni ɦinira hu ziŋ Yawera hin mbuɗ fiyek a su ɦinira daŋga halaŋ, ndaɗ hin kak a ŋgolla kay ɦinira daŋga bel bel. Njaf suu daŋŋa halaŋ hin taɓ ay ki uɗu.

EZAYI 2:3

Suuna bolowo hin yow kolo di ana, «Mbaygi aya ɗiŋiygi kolo kay ɦinira vi Yawera, hu zi ma vi Lo ma vi Yakobma. Nam hin takaygi voɗ mamba, aygi hin tuɗ hu voɗ ndaɗta.» Na daŋ may gaɗ ndaɗta col ay ni hu Siyon, boy ma vi Yawena col ay ni hu Yerusalem.

EZAYI 60:5

Aŋ hin wi u iriŋu, aŋ hin furiya, huruŋ hin oy ki u furira cocoo, kay begera ay hu mbo lum ŋgolnara mbuɗ ki ni maŋu, begera vi njaf suu warnara halaŋ hin mba ki ni koŋu.

EZAYI 9:13

Kay ndaɗta Yawe ka yamba u njawra hu Israella kiyo. Nam ka manawna u cerewna ki ni buu ma dewna.

JEREMI 23:5

Buuna hin mbaa, Yawe di na, ma an hin ɦal goona hu njafna vi Davidna. Nam hin ti mulla u saɓakŋa. Nam hin njun kay ma ɗegeena u ma jivina hu mbassa.

JEREMI 30:24

Saɓak yara vi Yawera hin ka heɓbi. Nam hin li dlara nam min a laɗta ki li gi. Agi hin fagi yalna ha fok tuwa.

JEREMI 30:9

Asi hin sunni Yawe, Loosina u David mul ma an hin tinim kasina.

JEREMI 33:17

Na ɗaŋŋi Yawe ɓak anaba hu njafna vi Davidna sa hin ka hin bay kak kay mulla fok suu Israelnaɗi.

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

EZEKIYEL 16:63

Kay ana humuk hin gaku, ndak hin mbuɗ ki zolona. Hu li namma ni ndak ka a mal vunuk a di boy oloɗi. Hu li ma an bulumuk dla cookka ndak laɗta kina. Di ni Bu Suuna, Yawe.»

EZEKIYEL 38:16

Aŋ hin tuɗ duu u suu man suu Israelna. Aŋ hin kuluɓ mbas ndaɗta ki u suu maŋsina ni ko ndal ɗugulla kuluɓ lina kira na. Dla ndaɗta hin li ni hu li ma lina hin tokŋa. An hin mbaaraŋ ay a duu u mbas manda kay a njaf suu ɦawana wan ki u irisi ana an tak teteɗ manda ki eg Gog.»

EZEKIYEL 38:8

Ŋgoo dagan basara ŋgolo hu li ma lina ndak wa ni, an hin ɦaŋ voɗta aŋ tuɗ hu mbas mayra dayra, suu huna ka laki u heɓpa. Asi ka li ndaa duuɗi lay hu li ma asi toki kel tasi cocona. Aŋ hin dug ɦinira Israella ndaɗ hin mbuɗ ki ni ŋgoo bagira ɦawaa, may cemi ni suuna ka laki hu u heɓpa.

DANYEL 10:14

An mbay ni a takaŋ dlara hin mba kay suu maŋŋa hu fokkara, kay ana dla ndaɗta hin tak taɗ ki fok jew kay buu namma tuwa.»

DANYEL 2:28

May Lo ma kolo huulonana ka dew, ma tak u dlara mbuɗ mbuɗta kina, hin tak maŋ mulna Nabukodonosor dlara hin mbay hu fokkara. Doyra daŋga u tlesuu ŋgusuŋ wasi hu liiŋ ma buunana wanni.

Magaara Vi Sa Jok Vun Lona OZE 11:10

Asi hin tuɗ ha kay cee Yawe, nam hin ndi ay ki ko ndal dlona na, hu li ma nam mbuɗ yara, ŋgobba, wani gor kemba hin col liŋŋa ay u fiɗigina day dlak ko ndaana mbay egemu.

Magaara Vi Sa Jok Vun Lona OZE 5:15

An hin tuɗa. An hin hoŋ vo varan ta ta hu buu ma asi hin di ki u vunusi ana asi ni suu li corana. Asi halanni anu na. Hu hahaw masira asi hin gijaŋ joɓon dlanu.

Magaara Vi Sa Jok Vun Lona OZE 5:6

U yoori masi suu gorina lay, suu ŋgolona lay asi mbay a hal Yawe may asi hin ka fambi. Nam ɓorow duk ɦoŋom ki u asi wa.

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

MISE 4:1

Hu fokka lina hin mbaa, ɦinira vi Yawera hin li ki tinira kolo kay ndarayaɗna, ndaɗ hin ti mulla kasiya. Njaf suuna hin hoŋ irisi ha kolo kaɗu.

NDUMBA 24:14

Jiviya cemi ni an tuɗ wa vi suu mansina, may ni mbay an daŋ dlara suu asina hin laŋga eg suu maŋsinara ka kiyo.»

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

GA 8ATAMBARA 4:30

Hu li ma agi ka hu yoora, lini dlara yoora fagi wa hu buu ma ha fokŋa, agi hoŋogi ay eg Yawe, Looŋŋa, agi mba humum delemu.