Magaara Vi Sa Jok Vun Lona OZE 3:1 - Boy Lonana

¹ Yawe dan ana, «Tuɗ olo, min ca mayra sa daŋŋa miniɗta ta ɦal ki a li zoŋgara. Kay ana minda vi Yawe kay goryoŋ Israelna ni na. Asi may ɗaŋŋi pereɗ irisi eg loogi suu daŋŋa. Asi minni komnjoɗi ma vi loogi suu ɦawanana.»

Magaara Vi Sa Jok Vun Lona OZE 3:1 ပူးပေါင်းရင်းမြစ်များ

2 SAMUEL 6:19

Olo nam hin ɓorow komnjodira ki maŋ suuna halaŋ, maŋ suu Israel suu bolowna, njufiina u boyogina gegelay bel. Suuna halaŋ gegelay hin tuɗ vo varamu.

2 MULINA 13:23

Na may Yawe hin wi hahaw suu Israelna. Nam takasi oo mamba, mbuɗ irim ay egesiya, ni kay galam mamba nam vaɗ ay u Abraham u Isaak u Yakobpa. Nam ka min a gasi njafasi kiɗi. Kay ndaɗta nam dikisi ha ka ki egem dayɗi.

1 DLAŊ MULINARA 16:3

Olo, nam hin ɓorow nus mappana may, komnjoɗi tumura may, komnjoɗi wana may maŋ suu Israelna halaŋ, njufiina ɗowba boyogina.

NEHEMI 9:31

U oo maŋga ŋgolla aŋ hin ka a casi kiɗi. Aŋ noyosi ka kiɗi lay kay aŋŋi Lo ma irim ka tini na ŋgem ma oo cocona.

SOOLLA 123:2

Na daŋ may, ko ndal mborɓiina irisi kolo u ko malayasinara na, ko ii goo mbaɓura kolo u ko malaɗta na, na may irimi halaŋ ka yowi kolo u Yawe, Loomina. Ami ka juɓummi oo mamba.

KALKIRA 32:6

Vin maɗii feɗet a asi yow kolora ni, asi li ɓivun ma ŋgalam kina, mbaa ɓivun ma heɓpa, suuna mol ga tiya, ciya, yow kolo luuna.

SOOLLA VI SALOMON 2:5

Ҥan ti ma jivina u vuɗ gugutluna a ɦan saɓakŋa, koɗon tan u vuɗ maŋgora, kay ana tuguɗi zoŋga ka lanu.

EZAYI 45:22

Mbuɗugi irigi ay egenu, suɗ tagi kiyo, agi suu kay yam ndaŋgarana halaŋ kay anni Lona dew daŋ, lo ma daŋ kaɗi.

JEREMI 3:20

Na gasi daŋ may ko ndal cara kaboyna eg njufuɗ, poy u tasira na, agi kaan gii boyna egenu, suu Israelna. Yawe dina.

JEREMI 31:20

Efrayimmi goron ma an minim ɦayna su? Ni goo ma li dlara hurun vaɗta su? Tew tew hu li ma an ɓakŋa ni, an hin yam sem olo. Hurun minim cocoo. An saa kam ɦay. An minimu, gasi an minimu. Yawe di na.

Magaara Vi Sa Jok Vun Lona OZE 11:8

An hin lakŋi nanage Efrayim, an hin ɦakŋi maŋ gege, Israel? An hin lakŋi nana ko ndal Adma nage, an hoŋok ki ni ko ndal Seboim na su? Hurun ɓeŋŋi hurunu, na may ni oora hurunda mbuɗ yoo taɗ gaw may.

Magaara Vi Sa Jok Vun Lona OZE 2:5

Li ka naɗi ni an hin fokoɗ barawi suu egeɗna ki hin hiniɗ ki siiliya. An hin hiniɗ ki ni ko hu buu ma ndaɗ vuɗ ay ki huu suɗna na. An hin mbuɗuɗ ki ko ndal fulla na. An hin mbuɗuɗ ki ko ndaŋga koɓona na. An hin caɗ ki ni u laa yona.

Magaara Vi Sa Jok Vun Lona OZE 4:11

Dla cora u guruɗ summa viɗ saara jivira kiyo.

Magaara Vi Sa Jok Vun Lona OZE 7:5

Hu buu ma vi mul mayginana ni suu mulina hin mbuɗ tasi ki tuguɗiira u ndoos sum veŋŋa, asi hin maɗ kosi maŋ suu pan suuna.

AMOS 2:8

Ni kay barawi suu deŋga suu asi molosi eg givin ma togolla na u sum veŋ ma taaram kaŋga cam hu zira vi loosinara.

AMOS 6:6

Ci sum veŋŋa hu koɓma, mbuɗ tasi his fayaɗta u mbul vuɗ tlesuu jewna, na may ka wi ana ni ganyamba a ɓeŋ Yosef kiraɗi.

MISE 7:7

An may ni ka saa ni kay Yawe, ka saa ni kay Lona saan ma suɗta, nam hin humunu Loonna.

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

MATIYE 26:50

Yesu dam ana, «Banna, li dlara aŋ mba kaɗta.» Suu ay u Yudasna ŋguf Yesu, vam gaw.

1 KORINTNA 10:21

Agi ka ndak a ci va cira vi Bu Suuna u ma vi fulina jakgi, agi ka ndak a ti funa vi Bu Suuna u ma vi fulina jakgi lay.

1 KORINTNA 10:7

Ni agi vagi u tlesuu suuna golosi ko Lona nana, ko suu ɦiw dukusi lira naɗi. Ko magaara dira na, «Suuna laki kaŋga kay tiya ciya, hin yow kolo luura.»

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

SUU KAƁAKŊA 10:16

Asi njay loogi suu daŋ suu vo varasina kiyo. Asi gijaŋ a sun Yawe ma ka wi lassa vi suu Israelna u irimbina.

SUU KAƁAKŊA 9:27

Suu asina halaŋ tuɗ ki ŋgoo bagi hu senena a em veŋ masina. Asi em sum veŋŋa may, tin luuna a li furira may. Asi mbay hu ziŋ loogi masisina ti may, ci may, pan Abimelek may.