Magaara Vi Sa Jok Vun Lona OZE 2:9 - Boy Lonana

⁹ Ndaɗ hin cuɗ sem banayaɗna ka fasiɗi. Ndaɗ hin halasi ta ta ka fasiɗi. Ndaɗ hin di ana, «An hin hoŋ vo vi njufun ma jewna kay an ay kaki jew u heɓpa suu cemmi wan daŋga.»

Magaara Vi Sa Jok Vun Lona OZE 2:9 ပူးပေါင်းရင်းမြစ်များ

EZEKIYEL 16:27

Gola an tin kon kak wa. An hin dagarak suu maksina kiyo. An hin hinigi ni duk ko suu babali maksina, gorɓii suu Filistinna tasi mbuɗ ki zolona ko dlaagira cora.

EZEKIYEL 16:39

An hin hinikŋi hu duk ko banayakŋa. Asi hin took liik ma mbuy kolona kiyo, ɓalakak tlesuu ndali jivi asina kiyo. Asi hin ɦurumuk barawi maksina kiyo, yowok gi walak makka mini egek jivi mbuura ki lay. Asi hin hinik ki ni siili bay baraw egeku.

EZEKIYEL 23:26

Asi hin ɦurumuk barawi maksina kiyo, hin yowok tlegeyek suu mini egek mbuuna ki lay.

DANYEL 11:13

Mul ma mbayawna hoŋ voo, yow suuna um ŋgolla sura jewra olo. Kak ŋgoo dagan na njokŋi, tew basara na ca ni, nam hoŋ ay u suu duuna um ŋgolla olo, u tlegena ŋgol coco lay.

Magaara Vi Sa Jok Vun Lona OZE 2:3

Dagi gorsegina ana, «Suu hurun minigi ɦayna, suu mansina.» Agi hin di gorsegi suu tamagina ana, «Suu hurun minigi ɦayna suu mansina.»

Magaara Vi Sa Jok Vun Lona OZE 8:7

Asi zaa kaŋga ni semeɗna, asi hin feɗ ni babaana may. Wa ma bay yam iinana hin ka luɗ fuɗɗi, lini fuɗta ka na nde lay ni suu koyogina taɗ ki ni asiya.

Magaara Vi Sa Jok Vun Lona OZE 9:2

Li ma to wana huna u li ma em mbulna huna hin ka heɓek hurukgi. Sum veŋ ma wilina hin viɗisi juɓ masira kiyo.

JOEL 2:14

Sa wi ana nam li ka yoo tam tu olona ni gege, ŋgoo dagan wanni nam hin hin paɗvun mamma kay ɦalla ɦawara u ɓivun ma lira maŋ Yawe Loogina.

SOFONI 1:13

Na ɗaŋŋi bege masira suuna hin ɦurumuɗ kiyo, suuna hin toosi ziisi kiyo, asi min ziginina coco may hin ka kak hurusiɗi, asi vi sene gugutlura coco may hin ka caɗ sumuɗɗi.

MALASI 1:4

Yawe, ma Saɓakŋa Kom Belna, di ana, «Lini suu Edomma di ana, Ami ki ɓeŋiya may ami hin hoŋ tlegeyemi kolo minda. Ko asi hoŋosi kolo minda may, an tanda hin hawaɗasi ki may. Hin tinisi sesi ana mbassa sulukŋa, suu Yawe hurum ka heɓ ki egesi na zakgina.

MALASI 3:18

Na ɗaŋŋi agi hin wagi dlara duk ɦoŋ sa jivina u ma cona ki daŋgadla, duk ɦoŋ sa sun Lona u sa ka sunumbina.