Magaara Vi Sa Jok Vun Lona OZE 2:3 - Boy Lonana

³ Dagi gorsegina ana, «Suu hurun minigi ɦayna, suu mansina.» Agi hin di gorsegi suu tamagina ana, «Suu hurun minigi ɦayna suu mansina.»

Magaara Vi Sa Jok Vun Lona OZE 2:3 ပူးပေါင်းရင်းမြစ်များ

KALKIRA 17:3

Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?»

EZAYI 33:9

Mbassa halaŋŋi hu hahawra, mbuɗ maŋiya, mbassa Libanda mbuɗ ki zolona ka jivi oloɗi, mbassa Saronda mbuɗ ki ko ŋgoo bagira na. Basan u Karmel hum ŋgusugi suu huna yak ki halaŋ halaŋ.

EZAYI 47:3

Suuna waŋ gandala maŋga kiyo. Suuna waŋ dlaaŋga aŋ laɗ ki ŋgay gumunda kiyo. Cemi ni an sa ki ni sukulna. An ka caa yan a hum boy ma vi saɗi lay.

EZAYI 64:10

Ziimira teteɗta, ta jivi cocora, ta somoyomi gi soolla geleɗeŋga ay hura, kura ŋgalaɗ ki wa. Li ma jivi ma ami minim cocona mbuɗ ki ni delbuɗna.

JEREMI 12:10

Bolow suu taa suuna ɓeŋen gugutlu manda kiyo, tayan sene manna ki kaŋga u sesiya. Sene man ma jivi namma asi mbuɗum ki fulla, va ka huɗira.

JEREMI 13:22

Ndak hin joɓ tak ana, «Dla ndaɗta mbay kanni kay mege?» Ni kay dla cookka ŋgolla asi mbay ɗuɗuk baraw makka ki kolo ni naɗi su? Asi durukŋi na lay.

JEREMI 13:26

Na ɗaŋŋi an fokok baraw makka ki kay yaku. Asi hin wak uk kiyo.

JEREMI 14:3

Suu ɓii magaara sun suu gorina ha hu li ma yona, asi tuɗ ha hu hurgukka ni asi fi yo ka hu oloɗi. Asi hoŋ ay vo u tlegeyesi yo ka huɗi, mbuɗi hahaw lay, mbuɗi zolo lay, ka furi oloɗi.

JEREMI 17:6

Ni ko ndaɗta na lay kay ŋgusu ma hu fullana, nam ka wi jivira hin mbayraɗi, nam hin kakŋi hu sene ma gogoyra hu fulla, ni ndaŋgara galakka sa ka kak huɗira.

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

JEREMI 2:6

Asi di ka ana, Yawe ni arage? Ma selemi ay ki hu mbassa Egiptera, ma takami voɗta ay hu fullana, hu mbassa gogoyra u dawna, mbassa faɗta ɦayra, li ma ci suuna kina, mbassa sa ka jak huɗira, sa ka kak huɗi layra?

JEREMI 22:6

Gasi, Yawe ɓak kay zi ma vi mul ma Yudana anaba, aŋ li irinni ko Galaad na lay, ko ndal duk gura Libanda na lay, an ka saa kaŋ a mbuɗuŋ ki fullaɗi. Ҥoŋzi ma sa ka kak hurumbinaɗi.

JEREMI 4:26

An gol na ni, mbas mayra bubura ɦayra mbuɗ ki fulla. Ҥoŋzina halaŋ ki ŋgaliya, ni ko yara vi Yawera.

JEREMI 51:43

Ҥoŋziiɗna mbuɗ ki ni li ma ki kiɗik ma hahawra, mbassa faɗta u fulla, mbassa sa ka kak huruɗ oloɗira ta sa wara ka jak voɗta tlira huɗira.

JEREMI 51:5

Kay ana mbas masira ki oyra u dla cora eg ma Teteɗ ma vi suu Israelna. Doli ɗaŋŋi sa Israel ɗowba ma Yuda ka ki hini dono ko Loosina Yawe, ma Saɓakŋa Kom Belnaɗi.

EZEKIYEL 16:22

Hu dla cora ndak ka laɗ ndaɗta halaŋŋi humuk ka gak kay buu ma ndak ay u way takŋaɗi su? Hu li ma ndak ay ki siiliya, baraw ka egekgi lay, hu li ma ndak ay mbusuk ga duk busuɗukŋa.

EZEKIYEL 19:13

Cemi ni ndaɗ ki pii ni ŋgoo bagi hu fulla, ni hu mbas mayra mbo ka huɗira ta laara huruɗ cocora.

Magaara Vi Sa Jok Vun Lona OZE 13:15

Efrayim fi begera coco duk gorsemma may. Semeɗ ma u maɗiinana hin col aya. Semeɗ ma vi Yawena hin col ay hu fulla, mbo ma ɓaɗta hin so ki lay, gor goloŋŋiina hin so ki lay. Asi hin yow begera u tlesuu jivi cocona.

Magaara Vi Sa Jok Vun Lona OZE 2:10

Ndaɗ wi ka doli ana an li ɦaɗ wana, sum veŋ ma wilina u mbul ma heɓma ay jew ni anuraɗi. An zuluɗ u gursura koɗ lay, may lorra asi ɦaɗ ki maŋ Baal.

WIRA ŊGAYRA 17:16

Mekka doogo aŋ waɗta u vabak ma noy cara gawlaŋga kiyo, asi hin yow tlegeyesi suu egeɗna kiyo, hiniɗ ki siiliya, asi hin komoɗ tliwiɗ may, ŋgalaɗ ki u kura may.

SUU KAƁAKŊA 15:18

Ŋgoo dagan wanni Samson laara cam cocoo. Nam cen Yawe di ana, «Aŋ ɦal saɓakŋa maŋ saaŋ ma sunda a su kay suuna ni aŋu, cem wanda an laɓ ki ko laara ni laɓiya, hin ki ni duk ko suu ɗiwisi bay cawra.»