Magaara Vi Sa Jok Vun Lona OZE 2:21 - Boy Lonana

²¹ An hin vi banara u ndakŋi a fafaɗta. An hin vak banara ni anu, u jivira, ɗegeera, minda mintara cocora.

Magaara Vi Sa Jok Vun Lona OZE 2:21 ပူးပေါင်းရင်းမြစ်များ

ZAKARI 8:12

Na may an hin mba heɓpa aya, gugutlura hin vuɗa, ndaŋgara hin jiv tlena, huulona hin gi mbaɗagira, an hin ɓorow tle asina ki maŋ suu usi hinna.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

ROMMA 8:32

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

EZAYI 65:24

Jew bay vunusi yi kolo tu lay ni, an hoŋosi dira wa ɗow, asi ɓak ay na ni an humusi vunusiya.

EZAYI 55:10

Ko ndal mbo lona si ay kaŋga kay ndaŋgara, ɗowba dlaŋmagina siya, nam ka hoŋ kolo ɦawa bay laɓ yam ndaŋgara kiɗi, ka hin bay day ii tlena kiɗi, ka hin bay ɗuf hum tlenaɗi lay, ka hin bay a ɦal njaf tlena ka maŋ sa ma zaarasinaɗi, ɦal tina maŋ sana a tira lay.

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

EZEKIYEL 36:29

An hin buɗugi ki ko dlaagira njenjera halaŋ halaŋ. An hin yi wa blena. Nam hin jivigi cocoo. An ka hinigi mayra a cagi oloɗi.

Magaara Vi Sa Jok Vun Lona OZE 14:7

Gogoryoɗ hin zul kosiya, jivi maɗta hin li ni ko ŋgusu conora na, hiziɗ hin li ni ko duk gura Libanda na.

JOEL 2:19

Yawe hoŋ dira maŋ suu mamsina, «Na ɗaŋ, an ka ɦagi wana haa, summa u mbul ma heɓma, agi hin hoɓogiya. An hin ka mbuɗugi ki zolo duk suuna a fafaɗtaɗi.

MALASI 3:10

Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.

MALASI 3:11

An hin doorogi baari suu ti tlena ki kagi, ka asi tagi vuɗ tlesuu kay ndaŋga magirana kiɗi, ka a sene gugutlu magira ɓeŋ ki bay vuɗtaɗi, Yawe, ma Saɓakŋa Kom Belna, di na.

EZAYI 62:4

Sa ka di kaŋ ana, «Ҥoŋzi ma suuna noyom kina» oloɗi, ka di kay ndaŋga maŋga ana, «Ndaŋgara hahawra» na oloɗi lay. Ni na ɗow ana, «Li ma ii suuna jivi ɦayna.» Yaŋ ndaŋga maŋga ana, «Cara ɗumira.» Kay Yawe tin saa mamba ni kaŋu. Ndaŋga maŋga nam ɗumuɗ ki wa.

EZAYI 62:5

Na daŋ may ko gozoŋŋa ɗum caambara na, sa ma hin minik kolona hinni a njufuk may. Ko ndaɗta gozoŋŋa furi banamba nam ŋgaɓaɗta, Lookŋa ka furi kakŋi na may.

ZAKARI 8:8

An hin hoŋosi aya asi hin kak hu Yerusalem. Asi hin li ni suu mansina, an hin li ni Loosina may, hu ɗegeera u jivira.