Magaara Vi Sa Jok Vun Lona OZE 2:18 - Boy Lonana

¹⁸ Va hin li hu buu nammana ni, Yawe di ana ndak hin yan ana, «Njufunu». Ndak hin ka yan ana, «Baal manna, malanna,» oloɗi.

Magaara Vi Sa Jok Vun Lona OZE 2:18 ပူးပေါင်းရင်းမြစ်များ

EZEKIYEL 34:25

An hin vi galamba heɓpa u yoori mansina. An hin ci vabakgi suu co suu ka hu mbas ndaɗtana kiyo. Asi hin lakŋi u heɓpa ŋgoo bagi hu fulla, hin buu sen masina jivi duk gura may.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

EZAYI 2:4

Nam hin li ni a sa ma ka ii ɓakŋa duk njaf suunana. Nam hin gi ii dlara duk njaf suuna bolowo. Ŋgewegi masi suu duuna asi hin dlasi ki kawira. Saɓii masisina asi hin dlasi ki maragamba. Suuna hinni ka li dlara duu duk tasi oloɗi. Sa ka haɗ yal ma duu oloɗi lay.

SOOLLA 46:9

Tuɗugiya, gologi sunda Yawe laɗta, tlesuu nam ɓalakasi ki kay ndaŋgarana.

EZAYI 65:25

Bosogona u gor timigiina ti ko tasi dew, dlona u mbutlina ti ko tasi dew. Guyugina gugum ndaŋgara ni tiisina. Asi ka li va ma co eg saɗi. Ka ɓalak vaɗi lay, kay ɦini manda teteɗta, di na ni Yawe.

JOB 5:23

Kay gogoyra ŋgoo bagi hu senenara mbuɗ ki ni banayaŋŋa. Mbuuri suu ŋgoo bagina vi galamba ki u aŋ lay.

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

ZAKARI 14:4

Hu buu namma nam hin col sem kay ɦinira Conora mayra vok taɗ u Yerusalem u maɗiinara. Ҥinira Conora hin wak ki duk ay u maɗiina ta ta fiɗigina, mbuɗ ki ɦuɗugum ŋgolla. Keŋ ɦinira maa dew hin ɦuɗ ha ki dali may, koɗ ma hiŋŋa hin ɦuɗ ha ki mbayaw may.

ZAKARI 3:10

Yawe, ma Saɓakŋa Kom Belna, di ana, hu buu namma ni agi hin yagi tagi ay na zeɗ zeɗ u ŋgusu gugutlura, u ŋgusu tulumma.

ZAKARI 2:11

Tuɗuygiya, Siyon, pii kiyo, ndak mayra ha ki kaki hu Babilonda.

JEREMI 33:16

Hu buu namma ni Yuda hin suɗ ki may, Yerusalem hin kak u heɓpa may. Gola ni seɗ ma suuna hin yaɗ u namma, «Yawe ni jivi maygira».

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

EZAYI 26:1

Hu buu namma ni asi hin gi sool ndaɗta hu mbassa Yudara. Ami ka u ɦoŋzi ma saɓak cocona. Bu Suuna ka gol gulumun ma gi kay zi nammana.

EZAYI 2:17

Ŋga tara vi suu warna hin daɓ kiyo, suu ŋga tasina halaŋ hin hoŋ ki dagani. Hu buu namma geleɗta hinni maŋ Yawe doy hol.

EZAYI 2:11

Hu buu namma ni suu ŋga tasina yasi hoŋ gaa, suu tli yasi kolona halaŋ hin hoŋ ki dagani. Hu buu namma geleɗta hinni maŋ Yawe dew.

SOOLLA 23:2

Nam koɗon duk haɗ ma ŋgolomma, nam koɗon ha kay yo ma ɗilina.

ZAKARI 9:10

Nam hin bulum pupus ma duuna ki hu Efrayim lay, hu Yerusalem lay. Nam hin kus gu mburra duuna kiyo, hin mba heɓpa ay maŋ suuna. Nam hin ti mulla fun lumma ŋgolna ta ta tew fun lum ma hiŋŋa, col fun lumma ta ta tew ha ki keŋ mbassa ma daɓ ayna.

JOB 5:22

Ɓalakka u may ŋgolla aŋ sanni saniya. Tlebagi suu bagina aŋ ka li ndaa kosiɗi.

SOOLLA 148:10

tle bagina u yoorina, tlesuu ɦaram kaŋgana u laygina,

EZAYI 32:18

Suu mansina hin lak hu liisina ni u heɓpa. Ni hu zi ma asi lak ki fani dla kaɗina, li ma koɗ tara.

EZEKIYEL 39:1

Bu Suuna Yawe mbay egen dan ana, Goŋ sanna, tuɗ di dlara ha ki kay Gog. Aŋ tuɗ di ana, Bu Suuna di ana an hin mbay kaŋu, aŋ Gog, mul ma ŋgol ma Mesek u Tubalna.

EZAYI 54:5

Kay sa ma mbuɗ tam a njufukŋa sem ana Yawe, ma Saɓakŋa Kom Belna, ma Teteɗ ma vi suu Israelna, ni sa ma buɗuŋ ay kina. Yam ana, Lo ma kay ndaŋgara belna.