Magaara Vi Sa Jok Vun Lona OZE 2:15 - Boy Lonana

¹⁵ An hin ɓakaɗ ki kay buu ma vi Baalna, ma ndaɗ lam ɓivun ma ŋgalam ki ŋgalina ma ndaɗ min taɗ u walakka del konara may, ɦeɗewra deleɗ may liŋ kay cee banayaɗna, maaran an tanda ki gaw mayna. Yawe di na.

Magaara Vi Sa Jok Vun Lona OZE 2:15 ပူးပေါင်းရင်းမြစ်များ

EZEKIYEL 28:26

Asi hin lakŋi u heɓpa, asi hin min ziginina, hin pi sene gugutlura. Hu li ma an hin ka ɓakŋa kay suu lasasina ni asi hin lakŋi u heɓpa. Asi hin wi ki ana anni Yawe.»

JEREMI 2:2

Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

Magaara Vi Sa Jok Vun Lona OZE 11:1

Hu li ma Israel ay goo tuna, an miniɗu. An yi goronna ay ki hu Egipte.

JOSUWE 7:26

Asi molom gogoyra kay usumu, gogoy ndaɗta ka ta ta cemi. Yawe hurum hin heɓ ki kay yaamba coco ndaɗta. Kay ndaɗta li namma ta ta cemi ni asi yam ana, Ҥuɗugumba Hahawra.

SUNDA 14:27

Asi mba Antiok tok suu vi Kristuna halaŋ egesiya, vasi u boy ma Lona li sunda ay u asina halaŋ, u mayra nam mal voɗta ki maŋ njaf suu daŋŋa asi vira lay.

Boy Ma Ayra Ma JAŊ Ɓiirimma 10:9

An ni vun goŋga. Sa kal ha hurunna hin suɗ kiyo. Nam ndak a kal huwa, hin hoŋ kiyo, fi tina funum lay.

AMOS 9:14

An hin mbuɗ ɦalla vi suu man suu Israelna kiyo, asi hin hoŋ ɦoŋzi ma ɓeŋem kina minda, kak huwa. Asi hin pi ŋgusu gugutlura a hin caɗ sumuɗta, asi hin horok senena, tam vuɗum may.

EZEKIYEL 16:60

An humun gan kay galam manda an vaɗ u ndakka hu li ma ndak ay u way tak tuna. An hin vi galamba tuɗ din dinda u ndaku.

EZEKIYEL 16:22

Hu dla cora ndak ka laɗ ndaɗta halaŋŋi humuk ka gak kay buu ma ndak ay u way takŋaɗi su? Hu li ma ndak ay ki siiliya, baraw ka egekgi lay, hu li ma ndak ay mbusuk ga duk busuɗukŋa.

EZEKIYEL 16:8

An jak egek na ni waku, ndak ki jeŋi hu li ma a li zoŋga lay. An baarak baraw manna kaku, kuluɓuk siili makka kiyo. An suu tan kiyo, vi galamba u ndaku. Di ni Bu Suuna, Yawe. Ndak hin ki ni manu.

EZAYI 65:21

Asi hin min ziginina, hin cuk hurusi may. Asi hin pi gugutluna, hin ti vuɗ vaasina may.

ZAKARI 9:12

Tuɗugi hu liigi ma saɓakŋa daŋgay suu hurusi tinina. Karam gaw an di boy namma na. An hin ɦagi warakŋa ŋgol su olo.

YOORA 3:21

Gola humun hin gijaŋ gan kay dlara an saa gin kaɗta.

JEREMI 32:15

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, hu mbas ndaɗta suuna hin gus ziginina olo, senena, sene ŋgusugina lay.»

SOOLLA 106:12

Suu mamsina vi u boy mamma asi gi soolla geleɗ Lonara.

NDUMBA 21:17

Hu li namma ni suu Israelna gi soolla ana, Ndak goloŋga law yona aya Ami cami u soolla.

Magaara Vi Sa Jok Vun Lona OZE 12:9

Efrayim di ana, «An mbuɗ ni tan bege ɦawaa, an taa kolo egenni begera, sunda an laɗta halaŋŋi sa kafan boy co ma suluk egenɗi.»

EZAYI 65:10

Li ma yam ana Saranna asi hin taa timigii masisina ni huwa, ɦuɗugumba Akorra hinni a katlaŋ mbutlugi masisina, ni maŋ suu man suu halanna.

Magaara Vi Sa Jok Vun Lona OZE 2:12

Cecem wanda an hin ɓakaɗ dlaaɗta zolona ki ii banayaɗna. Sa hin ka ɓaɗaɗ ki kon oloɗi.

SOOLLA 129:1

Soolla suu tuɗ luu ma vi Lonna gaɗta. Asi duurun ay ni u zoŋ tan day ta ta cemi, Suu Israelna di na.

JEREMI 2:1

Yawe ɓakan boy mamma ana,

JEREMI 3:4

Olo, cecem wanda na ni ndak ka yan ana, «Bunu, aŋ ma minin ay u gooron daynaɗi su?»

JEREMI 29:11

An wi dla mayra an vi vunun kaɗ a lagira egegira. Di na ni Yawe. Ni vi vun ma ɦagi begera, ka vi vun ma mbuɗugi hahawɗi. An hin ɦagi jivira, agi hin saa kan may.

EZEKIYEL 28:25

«Bu Suuna, Yawe, di ana, hu li ma an tok yam suu Israelna ay ki kel tasi hu li ma an njayasi ay ki huna halaŋ halaŋ, an hin tak teteɗ manda ki dukusi ii njaf suu daŋŋa halaŋ. Asi hin mba cuk ziisi ki hu mbas masira, mbassa an ɦaɗ maŋ saan ma sunda Yakobpa.

Magaara Vi Sa Jok Vun Lona OZE 12:13

Yakob ŋgay tam ki hu fulla Aramba. Israel li sunda ko ndal cara na, mbuɗ taɗ a gol yoorina.

Magaara Vi Sa Jok Vun Lona OZE 13:4

An tanda, Yawe, Looŋŋa, ay hu mbassa Egiptera day. Aŋ wan an kaɗi ni ka wi Lo ma daŋgi, sa suɗ ma daŋ kaɗi, ni an dew.

SUU KAƁAKŊA 8:34

Suu Israelna humusi ka gasi kay Yawe, Loosina, ma tuɗusi ay ki ko suu babali masi suu ŋguyusinaɗi.

1 MULINA 16:31

Ka irim jivi a li dlara Jeroboam goŋ Nebatna laɗtaɗi ni, nam tuɗ ta ta ɗum Jezabel ta goŋ Etbaal mul ma vi suu Sidonna. Nam goɓ kaŋga fok Baal, cenemu.