Magaara Vi Sa Jok Vun Lona OZE 2:14 - Boy Lonana

¹⁴ An ɓeŋeɗ sene maɗna kiyo. Ŋgus tulum maɗna ki lay, ndaɗ hin di ana, «Gola, ni warak ma banayanna ɦanna na.» An hin mbuɗum ki bubura, mbuuri suu bagina hin ti ni huwa.

Magaara Vi Sa Jok Vun Lona OZE 2:14 ပူးပေါင်းရင်းမြစ်များ

URA TIN AYRA 34:3

Hurum min Dina goŋ Yakobpa cocoo. Nam ɓakaɗ u della jivira a heɓeɗ huruɗta.

JOB 36:16

Aŋ may ni nam min paɗaŋ ay ki duk wihawra, mbaraŋ ki hu li ma va ka ɦeɓeŋ oloɗina. Tabul ta aŋ ti kaɗta yaɗ hin oy ki u ti ma jivina.

SOOLLA VI SALOMON 1:4

Van kolo hu duk koŋu, taɗanu, liŋiya, aŋŋi mul manna. Tuɗun ha kalafi hu ziiŋga buuna, «Puluɗuy tay ki u furira.» Geleɗey min maŋga, ndaɗ guruɗ sana ki su sum veŋŋa. Gorɓiina miniŋ cocora na ni u voɗoɗ daŋ may.

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

EZAYI 5:5

Ni an min haɗagi dlara an hin a laɗ eg sene gugutlu mannara haa. Hawaɗagi dlaɓpa kamba ki hin tlena tam kiyo, an min to gulumun ma gi kamma kiyo, hin voɗta duk suuna tayam ki gaa.

JEREMI 16:14

Na ɗaŋ buuna mba wa, Yawe di na. Hu buu namma wanni sa hin ka di ana, «Yawe ma sel suu Israelna ay ki hu mbassa Egiptena ka iiri» ɗi.

JEREMI 2:2

Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

JEREMI 45:4

Gola ni dlara aŋ hin dambara, Yawe ɓak anaba, Va ma an minimma an ɓeŋem ki ni an lay. Va ma an pamma, an paɗam ki u sarayam halaŋ kay ndaŋgara.

EZEKIYEL 20:10

«An cukusi ay ki hu mbassa Egiptera, an tuɗusi ki ŋgoo bagi hu fulla.

EZEKIYEL 20:33

An suu tan u iiri manda. Di ni Bu Suuna, Yawe. An ti kagi u saɓakŋa u yara lay.

Magaara Vi Sa Jok Vun Lona OZE 2:3

Dagi gorsegina ana, «Suu hurun minigi ɦayna, suu mansina.» Agi hin di gorsegi suu tamagina ana, «Suu hurun minigi ɦayna suu mansina.»

MISE 1:7

An hin tooɗ fuli maɗsina kiyo, begera ndaɗ faɗta halaŋ an hin cukuɗ ki duk kura. Fuli maɗsina halaŋ an hin toosi ki na njeɓ njeɓ, kay ana taɓira ko tasi u begera vi gawlaŋiinara, asi hin mbuɗ ki ni ko bege ndaɗta na may.

MISE 4:10

Mbusuk ko ti tara hin gurniya, goora vi Siyon, ko ndal cara a vuɗta na kay cecem wanda ndak hin kal ki hu zina, ndak hin kak ki hu senena, ndak hin tuɗ ta ta tew Babilon, ndak hin fi buɗta ni hu li namma, hu li namma Yawe hin buɗuk ay ki ko suu babali maksina.

Boy Ma Ayra Ma JAŊ Ɓiirimma 12:32

Anu, hu li ma asi colon ki kolo kay ndaŋgara wani, an hin mbaa suuna ki egenu.»

Boy Ma Ayra Ma JAŊ Ɓiirimma 6:44

Sa ka ndak a mba egen bay Bun ma sunun ayna gam irim ayɗi. An hin paɗam ki kolo iiri ŋgoo dagan hu buu ma kaɓakŋa.

WIRA ŊGAYRA 12:14

Cara fi garaŋ bakŋa egeɗ mba' a pii gak gak tew hu li ma ŋgoo bagina, hu li namma ndaɗ ti hu gak gak basara hindi u nus, guyna ka faɗɗi.

WIRA ŊGAYRA 12:6

Cara pii ki ŋgooro, hu li namma Lona miniɗ lina kaɗu, haɗ tina ndaɗ ti gak gak buuna bup duk kis kis mba' duk dok karkiya.

SUU KAƁAKŊA 19:3

Njufuɗ tuɗ ha uɗ a vaɗ yara, tayaɗ ay vo may. Nam tuɗ ni u tam ha saam ma sunda u koora usi mba may. Caamba vam vo vi buɗu. Kunumma wam na ni mba ŋgafam u furira cocoo.