Magaara Vi Sa Jok Vun Lona OZE 2:13 - Boy Lonana

¹³ An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

Magaara Vi Sa Jok Vun Lona OZE 2:13 ပူးပေါင်းရင်းမြစ်များ

2 MULINA 1:2

Fali taa dew ni Ahaziyas ay kolo hu zira mini kolo kay ndaraɗtara. Nam ndi ay kaŋga dag ki cocoo. Nam cuk suuna vun sunda dasi ana, «Tuɗugi joɓogi Baal-Zebub, lo ma vi suu Ekronna aya, na ni an ndak a garaɗ ki ko dagka fan wandara ko su?»

2 MULINA 10:28

Jehu bulum cenda cen Baalla ki hu mbassa Israella ni ko ndaɗta na.

2 MULINA 21:3

Nam hoŋ min li ma kolo mbuyna ma bum Ezekiyas hawaɗam ka kina. Nam min otella maŋ Baal, pi gu ma ceɗi teteɗna ma vi Aserna ko Akab, mul ma Israelna, lira na. Nam goɓ kaŋga fok tlege suu kolo huulona halaŋ, sunusi lay.

JOB 8:13

Suu maa Lona kina ni ko ndal ndaɗta na may. Dlara suu ka wi Lonaɗina saaraɗta ba ki ni ɦawaa.

SOOLLA 106:13

Na gawni humusi maa ki kay sun mamba, asi juɓ dlara Lona min a laɗ kasi fokka kaɗi.

SOOLLA 106:21

Humusi maa ki kay Lona ma suɗusina, ma li dlara mbuɗ mbuɗta ŋgolora ay hu Egiptena,

SOOLLA 78:11

Asi maa dlara mbuɗ mbuɗta Lona laɗ u asira kiyo, Maa dlara nam takasira zeɗ zeɗta ki lay.

KALKIRA 32:34

Cemi aŋ tuɗa, tin suuna hu li ma an daŋ kamma, sa sun huulona manna hin tuɗ fokoŋŋi namu. May buu ma an mbay u tanda wa ni an hin cukusi daŋgayna kay dla coosira.»

EZAYI 17:10

Kay aŋ maa ki kay Lona sa ma suɗuŋŋa wa, humuŋ gaŋ ka kay ɦini maŋŋa aŋ ŋgay taŋ irimbaɗi. Aŋ zaa ŋgusugi suu jivina, aŋ zaa ni ii tlesuu ay ki keŋŋa.

EZAYI 65:7

Coogira agi laɗta ura vi somoyogira lay di na ni Bu Suuna u tamba, suu may suu ŋgal mbul ma hisna ay kolo kay hinirana, suu mbuɗun sen ki zolona fok suunana, An hin vasi u sun masira asi laɗ ndaɗta ki halaŋ.

JEREMI 11:13

«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 2:32

Go tamara ndak maa tlesuu humuɗna ki su? Goora ki ɗumira ndak maa baraw maɗna ki su? Na may asi suu mansina maaran ki day day buuna bolow cocoo.

JEREMI 23:2

Na ɗaŋŋi Yawe, Lona vi Israel, ɓak kay suu taaram suu mamsina tinisi kay haɗna na anaba, «Agi ni suu hiningi suu mansina kay tasi asi njay kina. Agi tin saaragi ka kasiɗi. Na ɗaŋŋi an tanda hin tin saaran kagiya, gagi daŋgayna kay dla cora agi laɗta.» Yawe di na.

JEREMI 7:34

Hu ɦoŋzi ma Yudana, hu voɗta Yerusalemba, an seŋ soolla furira kiyo, luu ma furira ki lay, soolla suu ɗum tasi wilina gaɗta ki lay kay ana mbassa hin mbuɗ ki ni jona.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

YOORA 1:4

Voɗta Siyonda mbuɗ ki hahawi. Sa ka mbay a li luuna huɗi. Vun zigini maɗsina ki ɓeŋŋi bel bel. Muli maɗ suu li ɓivunna ka yoo tasiya. Gorɓii maɗsina mbuɗ ki hahawra. Ni dla co me kasi na ɗaŋge?

YOORA 5:14

Suu basina seŋ tasi ka tuɗ hu li ma tokka gaɗta oloɗi. Gorzoŋŋina ka gi sool masira oloɗi.

EZEKIYEL 16:12

Kalak walakka ki cinik may, cukuk walakka ki humuk may, tinik jumba weleɗ cocora ki kak may.

EZEKIYEL 16:17

Tlegeyek suu an miniksina egekŋa ndak yowosi yoorosi ki a loogi suu njufiina suu ndak goɓ fokosina, gi lorra u doonora.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

EZEKIYEL 23:35

Kay ndaɗta Bu Suuna, Yawe, di ana, ni kayra ana humuk maa ki kanu. Ndak zuɗun ki ŋgorok dagan ni ndak zii nek dla cookka ndak laɗta u dla zoŋ makka tu ɗaŋ.»

Magaara Vi Sa Jok Vun Lona OZE 11:2

Suu may suu yasina, asi ɦuɗ tasi ki egesi na day. Asi li ɓivunna ni maŋ Baal, ni maŋ fuli suu ceɗesi u kosina asi lasi ɓivun ma ŋgalam ki ŋgalina.

Magaara Vi Sa Jok Vun Lona OZE 13:1

Hu li ma Efrayim ɓak tuna, nam tuɗ boy ma ndaana hu Israel. Na may u Baal nam mbuɗ tam ki mala dlara hin miɗ kiyo.

Magaara Vi Sa Jok Vun Lona OZE 13:6

Tew ha ki hu li ma ti haɗna may, ni asi hoɓ kiyo. Asi hoɓ ki wa ni hurusi mbuɗ va daŋŋa, ni kay ndaɗta asi noyon ki ni na.

Magaara Vi Sa Jok Vun Lona OZE 2:5

Li ka naɗi ni an hin fokoɗ barawi suu egeɗna ki hin hiniɗ ki siiliya. An hin hiniɗ ki ni ko hu buu ma ndaɗ vuɗ ay ki huu suɗna na. An hin mbuɗuɗ ki ko ndal fulla na. An hin mbuɗuɗ ki ko ndaŋga koɓona na. An hin caɗ ki ni u laa yona.

Magaara Vi Sa Jok Vun Lona OZE 2:7

Gasi, susi gi taɗ ki gawlaŋga ndaɗ mayra vasi wirisira, zolona mba kaɗ hu li ma ndaɗ di ana, «An hin hoŋ liŋŋa u banayanna, suu ɦan funa u yona, suu ɦan baraw ma cili u tlimiɗ timigiinana u baraw dlemba may. ɦan mbulna u summana.»

Magaara Vi Sa Jok Vun Lona OZE 4:13

Kolo kay yam ɦinira asi li ɓivunna tew tew huwa, kolo kay ɦinira asi li ɓivun ma ŋgalam ki ŋgalina, kaŋga u ŋgus guna, ɦoyna, peplierna, terebintena, ŋgususi jivi cocoo. Na may gorɓii magisina hin cuk tasi ki gawlaŋŋina, boyogi suu vi goryogina hin li zoŋga.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

Magaara Vi Sa Jok Vun Lona OZE 8:14

Israel maa ki kay sa laɗna wa, na may ndaɗ min zigini suu jivina kaɗu. Yuda may ni zul ɦoŋzi ma jivi ma saɓakŋa ni zuliya. Na may an hin sun kura ay kay ɦoŋzi namma ndaɗ hin ŋgal zigini suu jivi asina kiyo.

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

AMOS 8:10

An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.

GA 8ATAMBARA 32:18

Ҥini may ma vuɗugina agi ka golom jiviɗi. Agi maa ki kay Lona ma cukugi ga kay ndaŋgarana.

GA 8ATAMBARA 6:12

Lagi tagi jiviya, maaragi ki kay Yawe ma cukugi ay ki hu mbassa Egiptera nadi, nammi sa ma buɗugi ay ki hu mbaɓurana.

SUU KAƁAKŊA 10:6

Suu Israelna hoŋ li dlara ka ii Yawe jiviɗira olo. Asi sun loogi suu ɦawana gi Baal u Astart, loogi suu Aramma u loogi suu Sidonna, loogi suu Moabma u loogi suu vi goryoŋ Amonna, loogi suu vi suu Filistinna. Asi noy Yawe kiyo, ka min a sunum oloɗi.

SUU KAƁAKŊA 3:7

Suu Israelna li dlara ka ii Yawe jiviɗira. Asi maa Yawe, Loosina kiyo. Asi gijaŋ sunni Baal u Asera.

1 SAMUEL 12:9

Na lay ni asi hin maa Yawe Loosina kiyo. Nam may ni hin gususi ha ki maŋ Sisera, ŋgol asgaa ma vi Hasorna, maŋ suu Filistinna, maŋ mul ma Moabma, suu li duuna u asina.