Magaara Vi Sa Jok Vun Lona OZE 14:8 - Boy Lonana

⁸ Asi hin hoŋ aya, suu li ay kaki u ŋgusuɗna, asi hin holoŋ wana zumma, asi hin hoŋ ɦussa ko ndal gu gugutlura na. Asi hin ɓak kaɗ ko ɓak kay sum veŋ ma Libanna na.

Magaara Vi Sa Jok Vun Lona OZE 14:8 ပူးပေါင်းရင်းမြစ်များ

JOB 33:27

Nam hin gi soolla fok suuna di ana, An li cora, an ŋgel gaɗta. Nam may ni li ka ko an lira naɗi.

JOB 34:32

Va ma ŋgay ma an ka wambina aŋ takanna u taŋga. Lini li coo ni an ka li dla ndaɗta na oloɗi.»

EZAYI 41:19

Duk gura ŋgus ka huɗira an hin day gu akasiyana, gu ma his jivina, u conona ki huwa. An hin day ŋgusugi suu jivina ki hu li ma ŋgus ka huɗina, gi teppe, sipre, orme u buwisna, halaŋ ko tasi dew.

EZAYI 55:13

Wayra hin dlara day hu liigina tani, day ni ŋgusugi suu ŋgolona, usu ma cona ka day hu sene maginaɗi, day ni mbitl mayra his jivira. Tle asina a tak ki ni ŋgolla bibiŋilla vi Yawera. Ni dlara a tak ha ki na gak gak ka daɓ kiɗira.

EZAYI 60:13

Ŋgolla vi gu ma Libanna hin ki ni magiya, Gu ma yam ana Sipre, orme u buis halaŋ mba ki ni varagiya. Ni kay a minin ziinda ki jivira. An hin tak bibiŋilla vi li ma an tin sen huna kiyo.

EZEKIYEL 17:23

An pammi kay ɦinira kolo dayra vi suu Israelna. Nam hin ɗuf humba cocoo, vuɗ vuɗta lay hin mbuɗ ni a gu sedre ma jivina. Njaf layagina zeɗ zeɗ hin buu ni humumu. Asi hin basa ni hu ŋgusum kolo hu gogor komu.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

Boy Ma Ayra Ma LUK Ɓiirimma 15:20

Nam hoŋ ay a nda vi bumba gaw. «Nam ay ki eg zina day tu ni, bum wam ay na ni, nam mbuɗ irim hahaw cocoo. Bum ndi liŋŋa ha a ŋgafamba gaw, mboɗom hurumu.

Boy Ma Ayra Ma JAŊ Ɓiirimma 1:16

Aygi halaŋ fi tlesuu col ay komma ni u ɦiz mamba oora ha ŋgoo dagan na gak gak olo.

EFESNA 5:9

Kiɗikka vuɗ ni njaf jivira, zeɗ zeɗ halaŋ, u ɗegeera u gasira.

FILIPINA 1:11

Iiri magira hin hoɓi u sunda ɗegeera ta Yesu Kristu laɗta, sun ndaɗta li u ŋgolla u geleɗta vi Lonara.

FILIPINA 2:13

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

FILIPINA 4:13

An ndak a li tlena halaŋ kay Kristu ma ɦan saɓak nammana.

1 TESALONIKŊA 1:9

Asi ɓak kagi kay vira agi vami ami ay varagira, agi hin ɓivunna maŋ fulina, pereɗ irigi eg Lona ma iiri ma gasina a sunumba.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.