Magaara Vi Sa Jok Vun Lona OZE 14:2 - Boy Lonana

² Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

Magaara Vi Sa Jok Vun Lona OZE 14:2 ပူးပေါင်းရင်းမြစ်များ

2 SAMUEL 12:13

David di Natan ɗaŋŋi ana, «An li sulukŋa eg Yawe.» Natan di David ana, «Yawe u saa mamba bulumuŋ suluk maŋŋa ki wa. Aŋ hin ka miɗɗi.

2 SAMUEL 24:10

David vun dikim gijaŋ ɓikim hu li ma nam ndum suuna ay kina. David di Yawe ana, «Ni suluk ma ŋgol ma an lamma. Cecem wanda ɗaŋŋi Yawe bulum cora vi saaŋ ma sundara ki bulumge. Kay ana an li dla ndaɗta ni ko sa puluɗina na.»

JOB 7:21

Aŋ min ka a bulumun coonda kiɗi. Aŋ min bulumunda kiɗi ni kay mege? Gola cemi an ka bulum duk ndaŋgara. Aŋ halanni. Ka fan oloɗi.

SOOLLA 119:108

Yawe van ɦal manda u cen manda gi deɓpa, haɗan gaɗ maŋga.

SOOLLA 50:14

Ɓivun ma agi lam maŋ Lonna ni ŋgara ŋgaamba, dlara aŋ di ki u vunuŋ ana, aŋ laɗ maŋ Lonara, aŋ laɗu.

SOOLLA 51:16

Loonna, Lo ma suɗta, suɗun ki ko busuna, hin a vunun daŋ ki ni ɗegee maŋga.

SOOLLA 51:17

Bu Suuna, malan vunun kiyo, hinin an gi ni soolla ŋgaaŋga.

EZAYI 44:22

An bulumuŋ cooŋga ki ko ɗugulla valaw kira na. An bulumugi suluk magina ki ko kuɗna valaw kira na. Hoŋ ay egenu, an suɗuŋ ki wa.

EZAYI 6:7

Nam ŋgenen vunun u kura di ana, «Hu li ma ku ndaɗta ŋgeneŋ vunuŋ na gawni, dla cooŋga daɓ ki wa. Suluk maŋŋa bulum ki wa.»

JEREMI 3:12

Aŋ tuɗ ɓak boy ma wanna ha ii ko ma mbayawna di ana, hoŋ ay ɗaŋ Israel ta noy Lona kira. Yawe di na. Kak manna dukugina hin ka lagi va oloɗi. Gasi an ɗegee, Yawe di na. An ka col saɓakŋa a fafaɗtaɗi.

Magaara Vi Sa Jok Vun Lona OZE 12:7

Aŋ may ni hin hoŋ ay vi Looŋŋa aŋ li u ɗegeera, teteɗta, tin saa maŋga tew tew kay Looŋŋa.

Magaara Vi Sa Jok Vun Lona OZE 5:5

Ŋga tara vi Israella ɓak ki kaɗu. Israel u Efrayim ka daɓ sesi eg coosira, Yuda may ni ka daɓ seɗ u asi may.

Magaara Vi Sa Jok Vun Lona OZE 6:6

Kay ana minda ni va ma hurun furiyumma, ka ni ɓivun ma liraɗi, wira wi Lonara an miniɗ ŋgolla ni suu ɓivun ma ŋgalam ki ŋgalina.

JOEL 2:17

Duk ɦoŋ vun goŋga u givin ma togolla, muli suu li ɓivunna u suu ŋgolo suu sunda vi Yawena tii tasi huwa. Asi di ana, «Yawe wi hahaw suu maŋsina, mbuɗ jooŋŋa ki zolonaɗi a suuna pan suu maŋsinaɗi. Ka a suuna di duk tasi ana Loosina ni arageraɗi.»

JONAS 2:9

Suu goɓ loogi suu hawana, ɦuɗusi ha ki egeŋ day.

ZAKARI 3:4

Sa sunda huulona hoŋ dira maŋ suu coli fokomma ana, «Fokom barawi suu zozod suu egemma kiyo.» Nam hin di Josuwe ana, «Gola an yowoŋ cooŋga ki wa, hin cukuŋ egeŋŋi baraw ma luuna.»

MATIYE 7:11

Agi suu cona wi a ɦal tlesuu jivina maŋ goryogiya, Bugi ma kolo huulona ɦal tlesuu jivina maŋ suu joɓomma ni nam ɗowɗi su?

Boy Ma Ayra Ma LUK Ɓiirimma 11:13

Agi suu cona wi a ɦal tlesuu jivina maŋ goryogiya. Bugi ma kolo huulona ɦal Musuk mamba maŋ suu joɓomma ni nam ɗow.»

Boy Ma Ayra Ma LUK Ɓiirimma 18:13

Sa vi taara col ha ki na day ndak ka a tli irim kolo huulonaɗi lay, ɗuɗ kom hurumu di ana, Lona, Bu Suuna, wan hawan aya, kay an ni sa cora.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

ROMMA 11:27

Galamba an hin laɗ u asira wanni, an hin yowosi coosira ki halaŋ.»

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 10:4

Kay busu mbutlina u ɦugunina ka ndak a yow cora vi suuna kiɗi.

HEBRENA 13:15

Geleɗeygi Lona tew tew ni ko ɓivunna u Yesu Kristu na, ni di ana geleɗem u vunuy tew tew.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.