Magaara Vi Sa Jok Vun Lona OZE 13:7 - Boy Lonana

⁷ An mbuɗ ki kasi ko ndal dlona na, ko ndal sindilna na, an juɓ keŋ voɗta.

Magaara Vi Sa Jok Vun Lona OZE 13:7 ပူးပေါင်းရင်းမြစ်များ

Magaara Vi Sa Jok Vun Lona OZE 5:14

Suu na nde, an tanda hin li ni a dlona kay Efrayim, ko ndal goo dlona na kay suu vi Yudana. Ni anu, an sa hin haragi kina, olo an hin tuɗ u tliw manna, sa hin ka ɓaɗam konɗi.

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

YOORA 3:10

Nam kanni ko ndal bosogoona dleɓ kaŋgara na, ko ndal dlona dleɓ kaŋgara na.

AMOS 3:8

Dlona ŋgoɓ wa ni, sa ka li ndaaɗina ni gege? Bu Suuna, Lona, ɓak wa, sa ka jokom boy mamma kiɗina ni gege?

AMOS 3:4

Dlona ndak a ŋgoɓ duk gura hu li ma nam vi mbuu kaɗina lay su? Goo dlona ndak a tuk delem ay hu zulum hu li ma nam fi va ka a kombi layna su?

AMOS 1:2

Nam di ana, Hu Siyon Yawe ka ŋgoɓpa, hu Yerusalem nam ka ɦal voɗta, suu taa yoorina haɗ masina so ki wa. Yam ɦinira Karmella so ki wa.

EZAYI 42:13

Yawe ka kal ay ki ni ko sa ma saɓakŋa na, ko sa ma duuna na, nam ka tak yaamba kiyo. Nam bay bayra eŋga, ni eg suu babali mam suu ŋga tasi u namma.

WIRA ŊGAYRA 13:2

Vabak ma an wam namma tli tam ko ndafuruka na, sem ma tin kaŋgana ko bosokona na, vunum ko vun dlona na. Dragoŋ ɦam saɓakŋa u dlam mamba mulla, u ŋgol mamba kom halaŋ.

JOB 10:16

Lini an tli yan koloo ni gola aŋ ka digin ko ndal dlona na. Tew tew ni aŋ ka takan saɓak maŋŋa.

JEREMI 25:38

Suuna tuɗ ki ko ndal dlona col hin zulum kira na. Mbas masira mbuɗ ki ni li ma hahawra ko ŋgewra ka wi hahaw saɗi layra, fok yara vi Yawera.