Magaara Vi Sa Jok Vun Lona OZE 13:2 - Boy Lonana

² Cecem wanda asi ka tuɗ fok u cora lira. Asi min tlesuu yoo kina u doono masira u yal masina asi li fulina. Halaŋ ca ni tlesuu suuna ceɗesina. Suuna ɓak kasi ana, «Suu wara suu li ɓivunna, furi tasi u gor mbutli suu asi minisina.»

Magaara Vi Sa Jok Vun Lona OZE 13:2 ပူးပေါင်းရင်းမြစ်များ

1 MULINA 19:18

Na may an hin hin u suuna hu mbassa Israella ni na buɓ buɓ kiɗisiya, ni suu may suu goɓ vogosi ka ga fok Baalɗina, suu ŋgaf vunusi ka u nambi layna.»

2 DLAŊ MULINARA 28:13

Asi dasi ana, «Mbaaragi suu daŋgay asina ay taniɗi. Agi mbaarami cora ŋgolla kami fok Yawe wa. Agi min a zulumi u coomira ha kami na ɗow ɗow. Ndaɗ ki kami jewni nek da. Yawe ki day day ni u yara eg suu Israelnaɗi su?»

2 DLAŊ MULINARA 33:23

Na may nam hin wi coomba ka fok Lona ko bum Manase lira naɗi. Nam hoŋ li dla cora ni su bum na ɗow.

SOOLLA 2:12

Li Goona jiviya kay nam mbuɗ yaɗi, agi viɗ ki hu voɗtaɗi, kay yaamba hin ay ni na tok daŋ. Furira ka kay suu ŋgay tasi hurumma.

EZAYI 1:5

Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

EZAYI 30:1

Yawe di ana, hahawra ka kay gor suu li gonokka u anna. Asi vi vunusi kay dla mayra col ay ka konɗira. Taɓ vunusi kay dlara an ka miniɗira. Tok dla cora ha kay taɗ na ɗow ɗow.

EZAYI 44:11

Gola suu goɓ loogi asina halaŋ mbuɗ ki zolona, suu yoo tle asina ni suu warna ɦawaa. Asi tok tasi ay halaŋ, asi dlak ndaana mbuɗ ki zolona u dlasira halaŋga.

EZAYI 45:20

Agi njaf suu warna suu hin iirina, tokogi aya, ko tagi dew ɦuɗugi ay egenu. Suu goɓ fuli gugunina, suu cen lo may ma ka suɗ saɗina, suu asina ki ni ɦawaa, yasi kaɗi.

EZAYI 46:6

Suu daŋŋa ɓalak lorra ki yooroɗu yow doonora ŋgolo tlam kelewem lay. Yoo loogi suu ɦawana ki u namu. Asi hoŋ yasi gaa, goɓ fokomu.

EZAYI 46:8

Humugi gagiya, agi suu babalira, lagi tagi jiviya, ɗiligi irigiya.

JEREMI 10:4

Guluɗum tam ki u doonora u lorra, ɓalam ki kaŋga u pondina u do caffa ka nam gun ki oloɗi.

JEREMI 10:8

Asi halaŋ, sa hin ka ki dewɗi, ganyam tasiya, viɗ tasi ki lay. Haɗasi ki u dlara bay uɗta asi hin ba ni huwa.

JEREMI 8:5

Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

Magaara Vi Sa Jok Vun Lona OZE 10:1

Israel gugutlu mayra mbiira ɦayra, vuɗ coco ɦay lay. Vuɗuɗ zul ha fok zuli na ɗow ɗow may, ndaɗ zul otel ma li ɓivunna zuli na ɗow ɗow may. Ndaŋga maɗta li tlena coco may, ndaɗ zul gogoyra ceɗta zuli na ɗow ɗow.

Magaara Vi Sa Jok Vun Lona OZE 10:5

Suu hu Samarina dlak u ndaana ko mbutlugi tamagi suu hu Bethel ta kura kay ana suu maɗsina ka yoo tasi kay goo mbutl masina, muli maɗ suu li ɓivunna lay. Ko asi li furira kay jivi mamba, cecemi ni ndaɗ ha ki tuɗi egeygi day.

Magaara Vi Sa Jok Vun Lona OZE 11:2

Suu may suu yasina, asi ɦuɗ tasi ki egesi na day. Asi li ɓivunna ni maŋ Baal, ni maŋ fuli suu ceɗesi u kosina asi lasi ɓivun ma ŋgalam ki ŋgalina.

Magaara Vi Sa Jok Vun Lona OZE 11:6

Ŋgewra hin gik mberwenna hu ɦoŋzi namma. Ndaɗ hin bulumusi saɓakasi kiyo. Ndaɗ hin casi ki kay dla coosira.

Magaara Vi Sa Jok Vun Lona OZE 14:3

Vagi boyna kogi hin hoŋogi ay eg Yawe dam ana, «Aŋŋi sa bulum cora ki halaŋŋa, min dlara jivira, balam bolo mbutlina ami hin ɦaŋ a ɓivunna ni boy ma funumina.

Magaara Vi Sa Jok Vun Lona OZE 2:8

Kay ndaɗta an hin dukuk voɗ makka ki u wayra, hin cakaɗ ki u guna. Ndaɗ hin ka fi voɗ maɗta oloɗi.

Magaara Vi Sa Jok Vun Lona OZE 4:17

Efrayimmi sa taɓ ki ko tam u fulina dewna, hinim haa.

Magaara Vi Sa Jok Vun Lona OZE 8:4

Asi tin mulina fokosi bay an huwa, bay an huwa, asi tin suu mulina. U doono masira u lor masira asi min fulina, ni a bulumusi ki ni tasira.

Magaara Vi Sa Jok Vun Lona OZE 8:5

Goo mbutl makŋa noyom kiyo, Samari. Yaanda ndi kasi wa, ta ta hu buu ma asi ka tew a li dla cora oloɗina su?

Magaara Vi Sa Jok Vun Lona OZE 8:6

Nam mbay ni hu Israel, sa ceɗ tlena lammi namu, nam ka Lonaɗi. Gasi goo mbutl ma Samarina hin hoŋŋi kamiyamu.

NDUMBA 32:14

Agi goryoŋ suu co asina hal a tlagi ni dlaŋ somoyogira olo, min a mbaa yara vi Yawera ay kay suu Israelna.

ROMMA 11:4

Ni Lona hoŋom dira ana mege? «An ŋgom suu manna ka bup bup kiɗisiya suu goɓ ka gaa fok Baalɗina.»

ROMMA 2:5

Aŋ sa ma huruŋ cona ka min a jok huruŋ zeɗɗi, ni kay ndaɗta aŋ tok ɓak ma ŋgolna kaŋ wa, falira Lona hin a kaɓak mamma ɗegeena.

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

1 SAMUEL 10:1

Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?