Magaara Vi Sa Jok Vun Lona OZE 13:10 - Boy Lonana

¹⁰ Mul makŋa ni ara daŋge, a hin suɗuk ki hu ɦoŋzi ma halaŋ wannage, suu mak suu kaɓakŋa, suu ndak di kasi ana, «Ҥami mulna ay u suu ŋgolo suu sunda»?

Magaara Vi Sa Jok Vun Lona OZE 13:10 ပူးပေါင်းရင်းမြစ်များ

Magaara Vi Sa Jok Vun Lona OZE 8:4

Asi tin mulina fokosi bay an huwa, bay an huwa, asi tin suu mulina. U doono masira u lor masira asi min fulina, ni a bulumusi ki ni tasira.

Magaara Vi Sa Jok Vun Lona OZE 10:3

Cecem wanda asi di ana, «Aygi mul ka kaygiɗi, kay ana aygi ka li ndaa Yaweɗi ni mulna ndak li me kaygi ge?»

Boy Ma Ayra Ma JAŊ Ɓiirimma 1:49

Natanael dam ana, «Mala Haɗta, aŋŋi Goŋ Lonna, Mulna vi suu Israelna.»

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

Magaara Vi Sa Jok Vun Lona OZE 13:4

An tanda, Yawe, Looŋŋa, ay hu mbassa Egiptera day. Aŋ wan an kaɗi ni ka wi Lo ma daŋgi, sa suɗ ma daŋ kaɗi, ni an dew.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

JEREMI 2:28

Loogi suu minisi u konana ni arage? Asi col kolo li ni asi ndak a suɗuk hu li ma ndak ki hahawrana, kay ana loogi maksina mbuɗ ki bolow coco ko ɦoŋziikŋa na ndak Yuda.

EZAYI 43:15

Anni Yawe, Loogi ma Teteɗna. Anni sa ma li Israel, mul maginana.

EZAYI 33:22

Na daŋ may Yawe ni saaygi ma kaɓakŋa, nammi sa ma ɦaygi gaɗta, Yawe ni mul maygina, nam buɗuygi ki ni namu.

SOOLLA 149:2

Ko suu Israelna furi kay sa ma lasina, ko goryoŋ Siyonna li luu ma vi mul masinana.

SOOLLA 89:18

Na daŋ may aŋ ka ɦami saɓakŋa tew tew, u min maŋga ami ka su kay suu babali mamsina.

SOOLLA 74:12

Aŋ Lona ni mul manna ay hu jewra day, aŋŋi sa ma su kay suunana dew.

SOOLLA 44:4

Asi ti mbassa ni ka u saɓak masinaɗi, tlegeyesi suu duuna suɗusi ka ni asiɗi lay, ni u bik koŋ ma njufna, u kiɗik maŋga kay aŋ minisi ɦay.

SOOLLA 10:16

Yawe ni mulna a fafaɗta, suu bay vina sa ha ka egem oloɗi.

2 MULINA 17:4

Oze vi vunum u suuna kay mul ma Asirina. Nam sun suuna eg mul ma Egiptena hu Sais ka min a ɦal taara maŋ mul ma Asirina oloɗi. Hu li ma Salmanasar hum boy namma ki hummi, nam vi Oze gam daŋgayna.

1 MULINA 12:20

Hu li ma suu Israelna hum ana Jeroboam hoŋ ay vo wana ni asi yi tok masira kay tasiya. Asi kakam a mulna kay suu Israelna halaŋ. Njaf suu vi Yudana hin u suu vi Davidna ni asi doy hol.

Magaara Vi Sa Jok Vun Lona OZE 3:4

Ko ndaɗta na goryoŋ Israelna hin kak buuna bolowo, mul kaɗi lay, ɓivun kaɗi lay, ka ceɗ gogoyɗi lay, ka tli va kosi a tuɗ fok Lona u nambi lay.

Magaara Vi Sa Jok Vun Lona OZE 7:7

Asi halaŋ gi ki kura ko ndal ku jojokka na, asi ci suu ŋgolo masi suu fokosina kiyo, asi ci muli masisina kiyo, dukusi halaŋŋi sana dew lay a yan ha kolo kaɗi.

1 SAMUEL 8:7

Yawe di Samuel ana, «Aŋ hum dlara hin daŋgara halaŋ. Asi noyoŋ ka ki ni aŋgi, noyon ki ni anu. Asi ka min ana an ti mulla kasi oloɗi.

YOORA 4:20

Semeɗ ma sel ay ki cinimina, sa suɗta vi Yawe, hinimi ki mbaɓura hu li ma asi maaram kina, ma aygi di kam ana, Aygi hin kak iirira duk njaf suuna ni u saɓak mammana.