Magaara Vi Sa Jok Vun Lona OZE 12:8 - Boy Lonana

⁸ Kanaan vi va ma tli nekka ma ganyamba koɗu, ndaɗ minni kulla.

Magaara Vi Sa Jok Vun Lona OZE 12:8 ပူးပေါင်းရင်းမြစ်များ

SOOLLA 49:6

An hin li ndaana ko buu ma cona ni kay mege, lini suu babali mansina ŋgufun yan ki na cutl lay?

SOOLLA 52:7

Kay ndaɗta Lona baaŋ kini a fafaɗta, nam dikiŋ ay ki hu ziiŋŋa, nam dikiŋ ki hu ndaŋgara suu iirina ka hura.

SOOLLA 62:10

Na daŋ may suu warna ni semeɗna ɦawaa, asi suu ŋgolona takŋi kaboyna. Lini sa a ŋgaasi nekesiya ni, asi ki ni fet ko semeɗna na.

VUN ŊGOLNA 11:1

Yawe ka min kelew ma ka tlam u voɗombina ɗi. Nek mayra tli jivi u voɗoɗta ni irim jivi ɦay.

VUN ŊGOLNA 30:12

Suu daŋŋa kaa ni gol tasi ni ana asi ki ni teteɗ, doli ɗini zozoɗta egesira ka ki mbusiɗi.

VUN ŊGOLNA 30:20

Poyra vi cara li zoŋga ni ko ndaɗta na may. Ndaɗ ti vana ay ti ni kuuɗ vunuɗ ki mbaɗ gaw hin di ana, «An li va ma co kaɗi.»

JEREMI 2:23

Ndak hin di ana, «An ka ki mbuɗi njenjeɗi. An ka liŋ kay cee Baalɗi,» ni nanage? Gol tuɗ makka hu ɦuɗugumba, gol dlara ndak laɗta. Jamballa cara taɗ feɗta ŋguy kay balam seɗtana.

JEREMI 2:35

Ndak di ana, «An li va kaɗi, gasi daŋ may yaamba hin jak ki kanu.» Doli may ni an ka ciɗik uk ta ta li ɓakŋa u ndaku, kay ndak di ana, «An li dla co kaɗi.»

JEREMI 5:27

Ko ndal kaalamba oyra u layaginara na, ziisi ki oyra u tlesuu ɦurumba ni na may. Ko ndaɗta na asi mbuɗ ŋgolora u begera kosi coco lay,

EZEKIYEL 28:5

U mbeleŋ maŋ ma coco namma u paara aŋ laɗta, bege maŋga zul ŋgol cocoo. Kay ndaɗta aŋ mbuɗ ŋga taŋ coco u ɦiz maŋga.

Magaara Vi Sa Jok Vun Lona OZE 13:6

Tew ha ki hu li ma ti haɗna may, ni asi hoɓ kiyo. Asi hoɓ ki wa ni hurusi mbuɗ va daŋŋa, ni kay ndaɗta asi noyon ki ni na.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

Magaara Vi Sa Jok Vun Lona OZE 4:8

Asi wul tasi ni u suluk ma vi suu mansinana, hurusi ki tinira kay cora asi laɗta.

AMOS 8:5

Agi suu di ana, «Vun tilna hin daɓ ki ni saɓage? Ami hin gus wana ki may buu ma vi Lonna hin daɓ ki ni saɓa ami hin mal vun sawal wa blemina nige, hoŋ ŋgoɗta ŋgara ki kaŋga may, cuk begera kam may, ka tli nekka u kilona oloɗi kay nam kaboyo.

HABAKUK 1:16

Na ɗaŋŋi nam li ɓivunna maŋ bay mamma, ŋgaɗ mbitla maŋ zew mamma, kay ana asi ɦam ti ma ŋgolna ni asiya.

ZAKARI 11:5

asi suu malayasi suu gususina ŋgaɗasi ki bay dlara kasi babana, asi suu asi gususi ki di ana, ŋgayagi Yawe, an mbuɗ ki bege wa, doli ɗaŋŋi suu taarasina ka wasi hahawasiɗi.

MALASI 2:17

Agi loɓogi Yawe ki u ɓak magi ma bolowna. Agi di ana, «Ami loɓom ki ni u mege?» Dira agi di ana, «Gegelay ma li cora jivi ii Yawe, nam furi kay suu li ko ndaɗta nana.» Ɗowba agi di ana, «Lo ma min li ɗegeera arage?»

MALASI 3:13

Saa magira eŋ cocoo, Yawe di na, agi di ana, «Ami daŋŋi dla me egeŋ ge?»

Boy Ma Ayra Ma LUK Ɓiirimma 10:29

Mul ma wi magaara gaɗta a ɗoɓ boy mamma ii Yesura ni, nam joɓom ana, «Ndaranna ni gege?»

Boy Ma Ayra Ma LUK Ɓiirimma 12:19

An hin di tan ana, An li tlena ŋgolo asi ndakan a li basara cocoo, koɗ tanu. An hin ti may, ci may, furi ɗaŋ.

Boy Ma Ayra Ma LUK Ɓiirimma 16:13

«Sa sunda ndak ka a li sunda fok mulina mba'ɗi. Nam hin ma ki dew, li min ma hiŋŋa. Nam li ɗegee u ma dew ni hin noy ma hiŋŋa ki may. Agi ndak a sun Lona may gursura may na jakgi.»

Boy Ma Ayra Ma LUK Ɓiirimma 16:15

Yesu dasi ana, «Agi suu li tagi ɗegee ii suuna, Lona wagi hurugi kiyo. Kayme va suuna golom irisi ŋgolna, ii Lona ni ko va kaɗira na.

GA 8ATAMBARA 8:17

Agi mba ŋga tagi ana, «Ami ɦiz ki ni u saɓak tamiya naɗi.»

1 TIMOTE 6:17

Gaɗ suu ka ɦizi hu duliyara tanina asi ŋga tasiɗi, dasi ana asi tin saa masira kay ɦizza bay gasira ndaɗtaɗi, tiniɗ ni kay Lona ma ɦaygi tlena ndakaygi ki halaŋ a aygi mba lak u furira.

1 TIMOTE 6:5

Suu u saara cora egesina ciwayra duk ɦoŋosira ka daɓ kiɗi lay, asi ka wi gasiraɗi lay, asi gol ko vira hu boyna vi Lona ni va ma a ɦiz tasi kina na.

WIRA ŊGAYRA 3:17

Aŋ di ana, «Anni sa ɦizina, li tlena halaŋ jiviya, va ma kaɗakan kaɗi.» Aŋ doy ka wi hahaw maŋga ana aŋŋi sa ma kaɗakina naɗi. Aŋ sa hawra, dugi lay, siili lay.