Magaara Vi Sa Jok Vun Lona OZE 12:7 - Boy Lonana

⁷ Aŋ may ni hin hoŋ ay vi Looŋŋa aŋ li u ɗegeera, teteɗta, tin saa maŋga tew tew kay Looŋŋa.

Magaara Vi Sa Jok Vun Lona OZE 12:7 ပူးပေါင်းရင်းမြစ်များ

URA TIN AYRA 49:18

An ka juɓuŋŋi suɗ maŋga, Yawe.

VUN ŊGOLNA 11:1

Yawe ka min kelew ma ka tlam u voɗombina ɗi. Nek mayra tli jivi u voɗoɗta ni irim jivi ɦay.

VUN ŊGOLNA 16:11

Tlesuu ŋga nekka halaŋŋi ko Yawe. Nam min ana nek tlena halaŋ li fun tasi dew.

EZAYI 3:5

Suuna halaŋ hin li dla cora eg tasiya, sana u ndaram ma vok zina. Gorzoŋina li tasi u suu maarina sa ma va ka kombina li tam u sa ma ɦizina.

EZAYI 56:1

Yawe di ana, Lagi dlara jivira, tuɗugi u ɗegeera. Kay suɗ manda hin tok a fagira, ɗegee manda tak taɗ ki wa.

EZEKIYEL 16:3

Aŋ hin dasi ana, Bu Suuna, Yawe, di suu Yerusalemma ana, Ukka col ayra u vuɗ makka halaŋ ndak ay ni hu ndaŋgara Kanaanda, bukŋi ma Amorna, sukŋi ta Hetta.

EZEKIYEL 22:29

Suu hu ɦoŋzinna li dla cora, li dlara kulla lay. Asi yow tlesuu vi suu wihawra u suu hawra kiyo. Asi ɓaɗ tlesuu vi koyogi suu tuɗ kolona ki u saɓakŋa.

EZEKIYEL 28:5

U mbeleŋ maŋ ma coco namma u paara aŋ laɗta, bege maŋga zul ŋgol cocoo. Kay ndaɗta aŋ mbuɗ ŋga taŋ coco u ɦiz maŋga.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

JOEL 2:12

Cecem wanda, Yawe di ana hoŋogi ay egen u hurugi halaŋ, u laara lira, u tiina, u yoo tara.

AMOS 2:7

Kay ana asi min a ko gugumma kay suu maŋŋina, asi li ii suu lalamma kay bege masira, ko ndaɗta na goona u bum tuɗ ha ni vi goora dewra a ɓeŋen sen ma teteɗna kira.

AMOS 3:9

Tiirigi kay zigini suu hu Asdodna, kay zigini suu hu mbassa Egiptera dagi ana, tokogi tagi kolo kay ɦinira Samarira, gologi dla co mayra zeɗ zeɗta toki hura, dlara tiitara ka huruɗ cocoo.

AMOS 4:1

Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.

AMOS 5:11

Na ɗaŋŋi agi yowogi tlesuu vi sa maŋinana kiyo, agi yowom ii waam ma ki lay. Zigini mam suu mini u gogoyra ceɗirana agi hin ka kak huɗi. Ŋgus gugutlu mayra jivira agi paɗta hin ka cagira sumuɗɗi.

MISE 2:1

Hahawra ka kay suu njay boy ma cona kina, suu hal dlara cora ay kaŋga kay lay masi ma buuna layna. Ŋgarpii wanni asi li dla ndaɗta kay ana saɓakŋa ni kosiya.

MISE 7:2

Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.

ZAKARI 14:21

Doyogi suu hu Yerusalemma u suu hu Yudana halaŋ hin hinisi ki maŋ Yawe, ma Saɓakŋa Kom Belna. Suu hin mbay a li ɓivunnana halaŋ hin li sunda u asi a zal tlegeyesi suu ɓivunna. Suu paara hin ka li hu zira vi Yawe, ma saɓakŋa kom belna, hu buu namma oloɗi.

ZAKARI 5:8

Na ɗaŋŋi nam di ana, «Ni cora.» Nam hin hoŋoɗ zuɗta ha kaŋga hu va ma tli nek tlena kurufuna, hin duguɗ vun doyra tusuna kaɗu.

ZAKARI 7:9

«Yawe, ma Saɓakŋa Kom Belna, ɓak ana, Kaagi ɓak ma gasina, gegelay li ni dlara ɗegeera u oora kay wayamma.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

Boy Ma Ayra Ma JAŊ Ɓiirimma 2:16

Nam di suu gus gugukka kina ana, «Yowogi tlegeyegi asina ha ki tani. Lan ki ziŋ Bunda ki zira paaraɗi.»

Magaara JAK Ɓiiriɗta 5:4

Suu li sunda hu sene magina agi min ka warakasi sunusi kiɗi. Agi humugi sek masira haa, suu feɗegi waagina vona tii masina kal hum Lona, Bu Suuna ma Saɓakŋa Kom Belna wa.

1 SAMUEL 12:3

An wanni tokogi ɓak magi ma egenna fok Yawe, fok sa Lona fuurumma. Sa an vam mbutl mammana ni gege? Sa an vam korro mambana ni gege? Sa an lam irim u bege mambana ni gege? Sa an doorom ki kay tlegyenmma ni gege? Sa an tlam gursura kom balna ta ni hin duk irin ki kamma ni gege? An hin hoŋogira kiyo.»