Magaara Vi Sa Jok Vun Lona OZE 12:2 - Boy Lonana

² Efrayim taa tammi u semeɗna, liŋ duk semeɗna ta ta ci buuna ki u ndaɗta. Nam zul ni kaboyna u ci maɗna. Asi vi banara u Asiri, ɦal mbulna maŋ Egipte.

Magaara Vi Sa Jok Vun Lona OZE 12:2 ပူးပေါင်းရင်းမြစ်များ

2 MULINA 17:4

Oze vi vunum u suuna kay mul ma Asirina. Nam sun suuna eg mul ma Egiptena hu Sais ka min a ɦal taara maŋ mul ma Asirina oloɗi. Hu li ma Salmanasar hum boy namma ki hummi, nam vi Oze gam daŋgayna.

JOB 15:2

Sa ma wi dlara hoŋŋi dira duk semeɗna ɦawa na su? Nam hoŋ dira ni u boy ma buum kolo duk semeɗna ɦawa na su?

SOOLLA 78:36

Na may vunusi ka di dlara kaboyna, dlara asi daɗta halaŋŋi kaboyna.

DI BOLLA 5:15

Ndaɗta ni boy ma cona olo, a nam gi tam ɦawa na ka tli va kombi lay. Na ni nam hin loɓ tam ki a li sunda ni hin fi me kom hu nige? Halaŋ ca ni jak ki ni duk semeɗna.

EZAYI 10:12

Bu Suuna di ana, «Lini an daɓ sun manda ay kolo kay ɦinira Siyonda u Yerusalemba ki wa ni, an hin kaɓakŋa kay mul ma Asirina, kay ŋga taamba u tlira nam tli yam kolora.»

EZAYI 10:6

An sunum eg njaf suu ka wi Lonaɗina, an dikisi usi zak zak eg suu ka ɓalakan hurunna, kay a ɦurum jona, dikisi ziisi kira. Kay a tayasi ki ga ko ndal luɓuna tay ki u semmara na.

EZAYI 24:21

Hu buu namma ni Yawe kaɓakŋa kay suu duu suu kolo huulonna u suu muli suu hu duliyarna halaŋ.

EZAYI 3:11

Sa ma cona kak u hahawra, hahawra ka kamu, kay ɓakŋa hin ka kammi ko dlara nam laɗta na may.

EZAYI 30:6

Gola ni dlara kay tlebagi suu dalina. Asi hin yow ay hu mbassa dalira na. Ay hu mbassa yoora u hahawra u mbassa haw yona dlona ma gi ŋgoɓpa, makira u dragoŋ ma pii kolona, kolo kay korra may, ka ŋgoo jamballa may. Asi mbay u ɦiz masira u bege masira may, kolo kay kora may, ka ŋgoo jamballa may, ni maŋ suu ka lasi vaɗina.

EZAYI 59:18

Nam hin warak suuna ni u dlaasira asi laɗta, yaasira eg suu babali masisinara, warak ma vi suu gonokkana, suu cuki kay daarana halaŋ hin fi warak masina.

JEREMI 25:31

Vun ma nam lamma ndak ki kay ndaŋgara. Yawe cola li ɓakŋa u suuna. Nam mal voɗta a li ɓakŋa u suuna halaŋ. Suu dlara vasina nam casi ki u ŋgewna, Di na ni Yawe.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

Magaara Vi Sa Jok Vun Lona OZE 4:1

Humugi boy ma vi Yawena haa, goryoŋ Israelna. Yawe ka li ɓakŋa u suu hu mbassana, kay ana dlara gasira u minda kaɗi lay, wira wi Lonara ka hu mbassa oloɗi.

Magaara Vi Sa Jok Vun Lona OZE 4:9

Dla cora ko ndaɗta nara hin fi suuna u muli suu li ɓivunna. An hin ɓakasi ki kay tuɗ masira. An hin tinisi nek dla coosira kasiya.

Magaara Vi Sa Jok Vun Lona OZE 7:1

Hu li ma an a cil mbil Israel gawna ni, cora vi Efrayimba uɗ hin gi ki kolo u ci maɗ ma vi suu Samarina. Gasi asi li ni dlara li iira. Suu ɦulla sel ay vo hu zina, ha ki bunsu wanni suu li dla cora ɦurum suuna may.

Magaara Vi Sa Jok Vun Lona OZE 7:11

Efrayimmi gugukka giniŋga totoonoɗ kaɗira, asi yi Egipte lay, asi liŋ hu Asiri lay.

Magaara Vi Sa Jok Vun Lona OZE 7:2

Asi may ni ka ɓak tasi hurusi kurufu ana dla cora asi laɗta halaŋŋi an ka ndumuɗ kanuraɗi. Cecem wanda dla coosira ka tini kasiya, ndaɗ ka fokonu.

Magaara Vi Sa Jok Vun Lona OZE 8:10

Lini asi ka ɓorow tlena ki ɦawa maŋ suuna lay ni, an hin tokosi eg tasi cecemi, kak njok daŋŋi asi hin gijaŋ dlak ko nekka suu mulina hin tinisira kasira.

Magaara Vi Sa Jok Vun Lona OZE 8:13

Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

Magaara Vi Sa Jok Vun Lona OZE 8:9

Hu li ma asi tuɗ ha kay Asirina ko ndal korra viɗ ki duk bubura kay taɗ dewra na. Suu vi Efrayimma gus tasi ni gusiya.

Magaara Vi Sa Jok Vun Lona OZE 9:15

Dla coosira halaŋ tak taɗ ay ki hu Gilgal, ay ni hu li namma day an mbuɗ hurun ki egesi cora ni na gaw ni kay dla coosira asi laɗta an hin dikisi ki hu ziinda, an hin ka minisi oloɗi, muli masisina halaŋŋi suu duu u anna.

Magaara Vi Sa Jok Vun Lona OZE 9:9

Asi tuɗ ha ki duk na day u ganyamba ko ndal hu buu ma vi Gibeana na. Lona humum hin gam kay ci maɗ masina nam hin joɓosi ki kay suluk masina.

AMOS 2:4

Yawe ɓak anaba, Ni kay dla cora laɗ yamba hindira, kay dla cora suu Yuda suu yara laɗ yasi fiɗira, an ka col dukgi, kay ana asi noy gaɗta vi Yawera kiyo, li ka u gaɗ mambaɗi, kay ana kaboy masina viɗisi ki wa, suu may suu tli dlaŋ somoyosirana.

MISE 6:2

Ҥinira, humugi ɓak ma vi Yawena haa. agiya u ndaŋgara ka ɓeŋ kiɗira, gologi ɓak ma vi Yawe u suu mamma na, u Israel, nam kal hu ɓakŋa wa.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

ROMMA 2:6

Nam hin warak suuna ni u sun masira.

GALATENA 6:7

Ganagi yam tagiɗi sana ka ndak a pan Lonaɗi, sana hin feɗ ni va ma nam zaaramma.