Magaara Vi Sa Jok Vun Lona OZE 11:9 - Boy Lonana

⁹ An hin ka ɦal so ura maŋ saɓak yaandaɗi. An hin ka hoŋ ay bulum Efrayim kiɗi. Kay ana anni Lona, ka sa warnaɗi. An ka ki teteɗ vo varaŋu. An hin ka mbay u yaraɗi.

Magaara Vi Sa Jok Vun Lona OZE 11:9 ပူးပေါင်းရင်းမြစ်များ

2 SAMUEL 20:10

Amasa wi ŋgew ma ko Joabma ka ki jiviɗi. Sa namma cokom hayam selem yoroɗom ki kaŋgaa. Nam miɗ ki ni bay Joab tew a cokom a yamba mbara. Joab asi u wayamma Abisay cuk tasi a cuɗ u Seba ma goŋ Bikrina.

SOOLLA 46:5

Mbo lum ma namma vun kom furi suu hu ɦoŋzi ma vi Lonna cocoo, ni zi ma ki teteɗ ma vi Lonna.

SOOLLA 78:38

Lona ma wi hahaw suuna nam hin dlara casi kira tani bulumusi coosira kiyo. Nam tew tew ni heɓ yaamba gaa, nam ka tak yaamba ki kiɗik belɗi.

SOOLLA 85:4

Aŋ hin yaaŋga laɗ egemira ki wa, cemi aŋ cuk huruŋ ga egemi wa.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.

EZAYI 41:14

Yawe di ana, li ndaaɗi njaf Yakob, agi suu suuna tayagi ki ga ko njufulna nana, an min njunugiya. Sa ma suɗugi ay kina ni ma Teteɗ ma vi suu Israelna.

EZAYI 41:16

Aŋ siirisi ki ko suuna a sii wanara na, semeɗna njayasi kiyo. Aŋ may ni hin li furi mayra Yawe ɦaŋgara, ni kay ma teteɗ ma vi suu Israelna.

EZAYI 48:9

An vi yaan ga ni kay sen ɦawaa, an vi tanni kay ŋgol manda bibiŋilla. An ka min bulumugi ki hu duliyaraɗi ni kay sen ma yina ɦawaa.

EZAYI 5:24

Ko ndal usuna kura ŋgalam kira na, ko ŋgay wana ŋgal ki duk kura na may, asi hin cim ki u sariyasi halaŋ, ɓoosi hin yak ki duk semeɗna, kay asi hin haɗta vi Yawe, ma Saɓakŋa Kom Belna, kiyo. Asi noy boy ma vi sa ma Teteɗ ma vi suu Israelna kiyo.

JEREMI 26:3

Asi li hin hum kala, li hin hom ki kay dlaasira cora kay dla cora asi laɗta kala, an hin doorosi dla cora an tinisira kasi ginda ki kala kay dla cora asi laɗta.

JEREMI 30:11

An ka u aŋ a buɗuŋ kira. Di na ni Yawe. An hin ci njaf suu an njayagi ha ki dukusina ki halaŋ. Na may aŋ wani an ka caŋ kiɗi. An haɗaŋŋi a aŋ hum u gaɗta ka hin ta jak kiɗi.

Magaara Vi Sa Jok Vun Lona OZE 12:1

Efrayim ŋguyun ki u kaboyna, suu Israelna u dla cora may. Na may Yuda ka tuɗ u Lona tuwa, kaki u ɗegeera eg ma ki Teteɗna.

Magaara Vi Sa Jok Vun Lona OZE 14:4

Asiri ka ndak a suɗumiɗi. Ami ka ful kolo kay kulumbi, ami hin ka di olo ana tlesuu ami minisina ni Loominaɗi, aŋ taŋga sa ma ka wi hahaw goo ma kuyuna.»

MALASI 3:6

Ҥawaa! An, Yawe, mbuɗ hurun kaɗi. Agi may ni a njafna vi Yakobma tew tew.

NDUMBA 23:19

Lona nam ka sa war a kaboyɗi. Nam ka goŋ Adam a mbuɗ saa mamba na zakgi. Lona di dlara wa ni nam hin bay laɗ su? Nam di boyna di ni hin doli bay lambi su?

GA 8ATAMBARA 13:17

Tlegeyesi suu hu zinna halaŋ agi tokosi ay duk gayra hu ɦoŋzi namma, agi ŋgal zi namma ki u tlege suu hurumma halaŋ maŋ Yawe Loogina, zi namma fi ni ɓalakka ŋgolla a fafaɗta, sa ka min ɦoŋzi namma kolo oloɗi.

1 SAMUEL 26:8

Abisay di David ana, «Karam Lona ɦaŋ saaŋ ma babalira ki koŋ wa. Ҥan voɗta an ɓalam ki kaŋga kay ndaŋgara u saɓ manda ɗaŋ. An hin ka cokom a yanda mbara oloɗi.»