Magaara Vi Sa Jok Vun Lona OZE 11:10 - Boy Lonana

¹⁰ Asi hin tuɗ ha kay cee Yawe, nam hin ndi ay ki ko ndal dlona na, hu li ma nam mbuɗ yara, ŋgobba, wani gor kemba hin col liŋŋa ay u fiɗigina day dlak ko ndaana mbay egemu.

Magaara Vi Sa Jok Vun Lona OZE 11:10 ပူးပေါင်းရင်းမြစ်များ

JOB 37:1

Kay ndaɗta hurun ka mbusuk kurufu hurun cocoo. Nam ka bu na vik vik.

SOOLLA 119:120

Tan halaŋ ka dlak coco kay ndaa ma an ka lam koŋŋa, an liŋ ndaa boy ma aŋ damma cocoo.

SOOLLA 2:11

Sunugi Yawe u ndaana, lakagi u furira u tagi dlak ndaana may.

EZAYI 11:11

Hu buu namma ni Bu Suuna hin maɗ kom njun kay suu mamsina a yamba mbara, kay a buɗ u suu mam suu hin ay ko suu Asirina u suu Egiptena ndena kira, suu ay hu Patros, Kus, Elam, Sinear u Hamatna u suu ay kay daara duk lum ŋgolnana may.

EZAYI 2:5

Agi njaf suu vi Yakobma mbaagi aya, tuɗuygi hu kiɗikka vi Yawera.

EZAYI 31:4

Yawe dan ana, ko ndal dlona u gorom gi ŋgomba hu li ma asi vi buunara na. Suu taa yoorina bolow sawalla lay ni nam ka mbuɗ ndaa ko soo masiraɗi. Ni na may Yawe ma Saɓakŋa Kom Belna hin cuk sem ay ga kay ɦinira Siyonda kay a li duuna ni na may.

EZAYI 42:13

Yawe ka kal ay ki ni ko sa ma saɓakŋa na, ko sa ma duuna na, nam ka tak yaamba kiyo. Nam bay bayra eŋga, ni eg suu babali mam suu ŋga tasi u namma.

EZAYI 49:10

Suu asina may ka casi oloɗi, laa ka lasiɗi lay. Sa ka poŋosi oloɗi. Faɗ ka ŋgalasi sesi oloɗi lay kay sa ma hurum haɗ kay suuna cocona ka taarasi ni namu, nam tuɗusi ni fun mbo ma jivina asi ci kay laa masira.

EZAYI 64:2

Lini aŋ a li dlara mbuɗ mbuɗta ka juɓbira ni na daŋ may, aŋ cuk seŋ ay kaŋga ni ɦinira halaŋ geŋeɗa.

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

EZAYI 66:5

Humugi boy ma vi Yawena haa, agi suu lam ndaa boy mammana, gorsegi suu li gonokka u agina, suu dikigi ki kay senna, asi di ana, Yawe tak bibiŋil mamba ay ɗaŋgi su, ami wagi ki agi su ki kami ɗaŋ. Na may asi suu asina hin hom yasi gaa.

JEREMI 2:2

Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

JEREMI 25:30

Aŋ may ni hin ɓakasi boy ma vi Yawe namma kiyo. Aŋ dasi ana, Ay kolo day ni Yawe hurum mbuɗ ki yara. Ay kolo hu ziim day ni Yawe ka ɓak ay u delemu. Nam mbuɗ ki yara, gasi nam mbuɗ ki yara eg suu mamsina. Nam yi ay kolo u delemba to tlena kira kay suu kay ndaŋgarana halaŋ.

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

JEREMI 5:22

Agi hin ka ŋgaan kiɗi olo su? Yawe di na. Hin ka lagi ndaana fokonɗi su? An sa ka ii lumma ŋgolna ki u ŋgetlna na, ii hakara nam hin ka jak ki kaɗɗi a fafaɗta. Nam zal walak walak lay ni saɓakam kaɗi. Bil mamma ndak soo coco lay, hin ka jakgi.

JEREMI 50:4

Hu li namma na ni, Yawe ɓak hu li namma na gaw ana, Suu Yudana u suu Israelna ka mbay u tasiya. Tuɗ ay may, tii may, asi hal ni Yawe, Loosina.

JEREMI 7:6

Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

EZEKIYEL 26:16

Muli suu ŋguy fun lumma Mediteranena halaŋ hin dlam masira mulla ki tani lak ki gaa. Asi fok barawi masi suu ŋgolona kiyo, cuk barawi suu cona ki tasiya, lak ki ga duk ndaŋgara. Asi dlak ndaana cocoo, yoo tasi coco kagi agi suu Tirna.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

AMOS 1:2

Nam di ana, Hu Siyon Yawe ka ŋgoɓpa, hu Yerusalem nam ka ɦal voɗta, suu taa yoorina haɗ masina so ki wa. Yam ɦinira Karmella so ki wa.

AMOS 3:4

Dlona ndak a ŋgoɓ duk gura hu li ma nam vi mbuu kaɗina lay su? Goo dlona ndak a tuk delem ay hu zulum hu li ma nam fi va ka a kombi layna su?

AMOS 3:8

Dlona ŋgoɓ wa ni, sa ka li ndaaɗina ni gege? Bu Suuna, Lona, ɓak wa, sa ka jokom boy mamma kiɗina ni gege?

MISE 4:5

Lini suuna halaŋ gegelay tuɗ ni u sem loom ma ɦawana ni, aygi may ni tuɗuygi u sem Yawe Lo maygina a fafaɗta.

HABAKUK 3:16

An hum na ni hurun ɓeŋ ki ni na gaw. Vunun dlak ko vun namma, tan mbuɗ ki maŋira gaw, an kak hu li ma dewna hurun ki ɓeŋiya. Kay an ndak juɓ buu ma ɓeŋga ka ŋgen tan a tuɗ li yara u suu duu u aminaɗi.

ZAKARI 10:10

An hin hoŋosi ay hu mbassa Egiptera. An hin tokosi hu mbassa Asirira. An hin tuɗusi hu mbassa Galaaɗta u Liban, na lay ni dla ndaɗta ndak ka tuɗi.

ZAKARI 10:12

Asi hin hin saɓakasi ni kay Yawe. Asi hin tuɗ ni u semu. Yawe di na.

ZAKARI 8:7

Yawe, ma Saɓakŋa Kom Belna, ɓak ana, Gasi an hin buɗ suu mansina ay ki hu li ma faɗta day ay huna lay, hu li ma faɗta ɗik huna lay.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

SUNDA 24:25

Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

2 PIYER 2:10

Suu li dlara njenjera u minda vi mbalatasina ŋgul ŋgolla vi Lonara ni nam hin cukusi daŋgayna. Suu haɗ haɗta cora an dagi kasina, ni suu ŋga tasina, suu li tlena zak, bay saara, asi ka ɦal ŋgara maŋ suu ŋgolo suu huulonaɗi, ŋgulusi ŋguliya.

WIRA ŊGAYRA 10:3

Nam bay u delem kolo eŋga ko dlona gi ŋgoɓpa na. Ŋgoo dagan nam bay na bay ni lo ma bayra kiɗisiya hoŋom dira u bay masira.