Magaara Vi Sa Jok Vun Lona OZE 10:14 - Boy Lonana

¹⁴ Ci wayra duuna col kolo duk suu maŋsina wa, ɦoŋzi maŋ ma saɓakŋa halaŋ hin toom kiyo, ko ndal Salman to ɦoŋzi ma Betel ta kura ki hu buu ma duu ma nam ci cara ki u goryoɗta na.

Magaara Vi Sa Jok Vun Lona OZE 10:14 ပူးပေါင်းရင်းမြစ်များ

URA TIN AYRA 32:11

An ka ndaki kay jivira u ɗegee maŋga aŋ laɗ kay saaŋ ma sundaraɗi, kay an calaɗ yo lum ma Yurdanna ay ki ni u tokolo manda ɦawaa, cecemi an ɓorow ii suu mansina ki kaŋŋa mba'.

2 MULINA 17:16

Asi noy gaɗta vi Yawe, Loosinara, ki halaŋ halaŋ. Asi yoo fuli gor mbutlina mba'. Asi pi gu ma vi Aserna fokosiya. Asi goɓ vogosi kaŋga fok tlesuu kolo huulona, asi sunni Baal may.

2 MULINA 17:3

Salmanasar, mul ma Asirina, duu u namu, su kamu. Nam mbuɗ ki ga umu, warakam taara hu basara ni mamu.

2 MULINA 18:33

Loogi suu vi njaf suu ɦawana hin suɗusi mbas masira ki ko mul ma Asirina faɗ su?

EZAYI 17:3

Hu li namma sa ma njun u suu vi Efrayimma kaɗi, mulla Damassa lay u suu hin hu Sirina ka ndum bolow su suu Israelnaɗi lay. Yawe, ma Saɓakŋa Kom Belna, di na.

EZAYI 33:14

Suu li dla cora suu hu Siyonna puk kaŋgaa, asi ka li ndaana ko ndaŋgara geŋeɗta. Asi di ana dukuygi ni sa ma hin colna ni gege? Kay ni kura ŋgalla sa ma dukuygi ma hin colna ni gege? Kay ni zul ŋgolla kura ta uɗ ka doɗira.

JEREMI 13:14

An hin ɗaɓasi eg tasiya, kususi ki gegelay eg ndaramma, somoyosi u goryosiya hu li ma dewna. Yawe di na. Hahaw kaɗi, gi deɓ kaɗi, oo kaɗi, a dooron bay ɓeŋesi ki kaɗi.»

JEREMI 48:41

Keriyot tlaɗ ki wa, Mesadot taɗ ki wa. Suu Moab suu saɓakŋa hurusi hin li hu buu namma ko ndal huu cara hu buu ma vuɗta na.

Magaara Vi Sa Jok Vun Lona OZE 10:15

Wanni dlara an hin lagira egegira, kay hurugi ma co ma kal ki saɓak ndena. Maɗii feɗeɗ ni dla ndaɗta hin li eg mul ma Israelna na may.

AMOS 3:14

Ni hu buu ma an hin kaɓakŋa kay Israel kay dla cooɗtana, an hin kaɓakŋa kay givin ma togolla ma Bethelna, asi hin to mek ma hu givin ma togolla kiyo, nam hin cuk ay ki kaŋgaa.

AMOS 3:8

Dlona ŋgoɓ wa ni, sa ka li ndaaɗina ni gege? Bu Suuna, Lona, ɓak wa, sa ka jokom boy mamma kiɗina ni gege?

AMOS 9:5

Bu Suuna, Lona ma Saɓakŋa Kom Belna, tin kom kay ndaŋgara kolo ndaɗ ka dlakka, suu kaɗna halaŋ mbuɗ ki hahawra, ndaɗ tli kolo u ŋgoloɗ halaŋ ko ndal lumma na, ndaɗ hoŋ ndi kaŋga ko ndal lum ma Egiptena na.

MISE 5:11

An hin yowoŋ kumu maŋŋa kiyo, suu li kumuna hin ka li varaŋ oloɗi.

NAHUM 3:10

Ndaɗ taɗta may ɗaŋŋi asi tlaɗ kiyo. Asi hin vaɗ daŋgayna, goryoɗ may ɗaŋŋi asi casi ki keŋ voɗta halaŋ halaŋ. Suu maɗ suu kaɓakŋa asi ɓorowosi ki kosiya, muli maɗ suu ŋgolona asi cukusi galina kelesiya.

NAHUM 3:12

Liik ma saɓakŋa halaŋŋi ko ndal gu tulum ma u vuɗta humumma na, va geŋeɗeɗ wa nde ni ndaɗ yak ki kaŋga, suuna taɗ kiyo.

HABAKUK 1:10

Nammi sa pan suu mulina. Goryoŋ mulinana ni tlegeyem suu luuna. Nammi sa pan suuna u saɓakasi bel belna. A tlasira ni nam mbu lina kolo u semu.