4 Yawe di Oze ana, «Tinim sem ana Jizreel kay ana hin kak ŋgoo dagan na njokŋi an hin joɓ suu hu ɦoŋzi ma Jehuna kay busu Jizreel an hin bulum mulla Israella kiyo.
Akab goryom ka hu Samari gor njufiina ni dok-kiɗisiya. Jehu ɓii magaara ha maŋ suu ŋgolo suu hu Samarina u ŋgolora fok suu duunara u suu ka haɗ goryoŋ Akabmana ana,
Nam mba tew hu Samari may ni, Jehu ci u goryoŋ Akab suu hin iiri ka cuki hu Samarina ki bel bel, nam gi njaf dee ndaɗta ki ni na gaw, ni ko ndal Yawe di ay ki fun sa jok vun Lona, Elira, na.
Hu li ma Peka ka hu mullana ni Teglat Falasar, mul ma Asirina, mba tli ɦoŋzi ma Yon, Abel Bet-Maaka, Yanoha, Kedes, Hasor, Galaad, Galile u mbassa vi Neftalira halaŋ. Nam yow suu hu mbas ndaɗtana, tuɗusi ha ki Asirina.
Hu basara dok-hindira vi Azariya, mul ma Yudana, ni Zakari ma goŋ Jeroboamma, mul ma Israelna, kak a mulna kay suu Israelna may. Nam kak ay ni hu Samari, ti mulla ni tilna karkiya.
Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.
Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.
Na ɗaŋŋi Yawe, Lona vi Israel, ɓak kay suu taaram suu mamsina tinisi kay haɗna na anaba, «Agi ni suu hiningi suu mansina kay tasi asi njay kina. Agi tin saaragi ka kasiɗi. Na ɗaŋŋi an tanda hin tin saaran kagiya, gagi daŋgayna kay dla cora agi laɗta.» Yawe di na.
An wiya, gasi ni kay boy zoŋga an dik Israel ta cora kiyo, ɦaɗ magaara jokka ki koɗu. Na may wayaɗta, Yuda ta kaboyna, li ndaa ka na ndeɗi. Ndaɗ lay gi taɗ ki gawlaŋŋa.
Asi hiniɗ ki siiliya. Asi yowoɗ goryoɗ suu njufiina u gorɓiina kiyo. Taɗta asi caɗ ki u ŋgewna. Ndaɗ mbuɗ ni a cara tak ki maŋ boyogi suu daŋŋa halaŋga. Asi kaaɗ ɓakŋa kaɗu.
Ndaɗ vi wiina olo hin vuɗ go tamara. Nam Yawe hin di Oze ana, «Tiniɗ seɗ ana Lo Rouhama ni ana an ka minigi oloɗi. Kay ana an hin ka tuɗ fok u minda an min suu Israelna oloɗi. An hin bulum minda duk ɦoŋomira ki na bel.
Gola ii Bu Suuna, Loonna, ka tini kay mulla dlara vaɗta, an hin bulumuɗ ki kay yam ndaŋgara, na may ni an hin ka bulum ziŋ Yakobma ki halaŋ gawɗi, Yawe di na.