Magaara Vi Sa Jok Vun Lona OZE 1:2 - Boy Lonana

² Oze gijaŋŋa u boy ma vi Yawena. Yawe di Oze ana, «Tuɗ ɗum ca mayra hin taɗ ki gawlaŋŋara ndaɗ hin vuɗuŋ gor suu gawlaŋina, kay ana mbassa min ŋgolla ni gawlaŋŋa noy Yawe kiyo.»

Magaara Vi Sa Jok Vun Lona OZE 1:2 ပူးပေါင်းရင်းမြစ်များ

2 DLAŊ MULINARA 21:13

Aŋ hin zaŋ tli ni dlara vi muli suu Israelna na ɗow. Aŋ zuɗ suu Yerusalemma u suu Yudana a pereɗ irisi u loogi suu ɦawana ko ndal suu vi Akabma lira na may. Aŋ tuɗ ta ta ci gorseŋŋa ki lay. Asi ni suu a li dlara jivira. Dlasi ŋgol suuŋŋa na ɗow.

SOOLLA 106:39

Asi mbuɗ tasi ki nje njera u dlara asi laɗta, asi mbaɗ Lona u fuli suu asi goɓosina.

SOOLLA 73:27

Na daŋ may suu tuɗ ha ki egeŋ dayna hin ba kiyo, aŋ hin ɓalak suu goɓ lo ma ɦawana kiyo.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:20

Ay day day lay ni ndak kus gu ma kelekŋa kiyo, ja duk ɦoŋok ki u an di ana, An ka min a li mbaɓu oloɗi. Kolo kay ɦinira fiyekka, kaŋga u ŋgusu ma ɗufina ndak buu kaŋga li gawlaŋŋa.

JEREMI 2:23

Ndak hin di ana, «An ka ki mbuɗi njenjeɗi. An ka liŋ kay cee Baalɗi,» ni nanage? Gol tuɗ makka hu ɦuɗugumba, gol dlara ndak laɗta. Jamballa cara taɗ feɗta ŋguy kay balam seɗtana.

JEREMI 3:9

U tuɗ maɗta cora feɗta ndaɗ ɓeŋ ndaŋgara ki lay. Ndaɗ li zoŋga u gogoyra lay u guna lay.

EZEKIYEL 6:9

U suu maa nde asina humusi hin gasi kanu. Ay duk njaf suu ɦawana an hin kususi hursi ma li dla cora kiyo. Asi hin hoŋ irisi ay egenu. May fuli masi suu asi goɓosina ka li kasi oloɗi. Ni ko dla coosira asi laɗta, ko suluk masi ma asi lam namma halaŋ.

Magaara Vi Sa Jok Vun Lona OZE 2:7

Gasi, susi gi taɗ ki gawlaŋga ndaɗ mayra vasi wirisira, zolona mba kaɗ hu li ma ndaɗ di ana, «An hin hoŋ liŋŋa u banayanna, suu ɦan funa u yona, suu ɦan baraw ma cili u tlimiɗ timigiinana u baraw dlemba may. ɦan mbulna u summana.»

Magaara Vi Sa Jok Vun Lona OZE 3:1

Yawe dan ana, «Tuɗ olo, min ca mayra sa daŋŋa miniɗta ta ɦal ki a li zoŋgara. Kay ana minda vi Yawe kay goryoŋ Israelna ni na. Asi may ɗaŋŋi pereɗ irisi eg loogi suu daŋŋa. Asi minni komnjoɗi ma vi loogi suu ɦawanana.»

Magaara Vi Sa Jok Vun Lona OZE 5:3

An tanda wi Efrayim, Israel lay ni ka ki irin ŋgayɗi. Efrayim u zuɗta aŋ zuɗ Israel a li dla corara, Israel ɓeŋ ki wa.

MARK 1:1

Gola ni gijaŋŋa vi Boy ma Ayra ma di ki kay Yesu Kristu, Goŋ Lonna.

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

2 PIYER 2:14

Irisi hal ni dlara zoŋga, cora ka ndakasi liraɗi, asi ganyam suu maŋina, hurusi oyra u kurufuk begera, givun ma vi Lonna ka kasiya.

WIRA ŊGAYRA 17:5

Semma dlaamba ŋgayna ɓiiri vokoɗu, «Ni Babilon ta ŋgolla, su boyogi suu gawlaŋina u dla cora hu ndaŋgara halaŋga.»