HEBRENA 9:28 - Boy Lonana

²⁸ Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

HEBRENA 9:28 ပူးပေါင်းရင်းမြစ်များ

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

ROMMA 6:10

A miɗna nam miɗ yam dew kay cora a fafatɗa, kakka kak iirira ni kay Lona may.

EZAYI 25:9

Hu buu namma suuna hin di ana, Nammi Loomina, ami tin hurumi kamu, nam buɗumi ki wa. Yawe ni sa ma ami tin hurumi kamma. Ŋgaaygina, furiyuygiya kay nam suɗuygi ki wa.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

ROMMA 8:23

Ni ka tlesuu Lona lasina doy holɗi, aygi suu fi Musuk Lonara ko ɦala jewra vi Londa nana lay, aygi u haɗ huna huruygi kay juɓ Lona a nam di ana aygi ni goryomu, hin buɗuygi ki hu mbalatara lay.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

SUNDA 1:11

hin dasi ana, «Agi suu Galilena agi lakagi tani a gologi me kolo ge? Ni Yesu ma ha dukugi tani kal ha kolo huulona ni nambi su? Nam hin hoŋ ay agi wam ko nam tuɗ kolo wanda na lay.»

1 TESALONIKŊA 1:10

Agi ka juɓum goromma hin mbay kolo huulona ni goromma Yesu ma nam paɗam ki kolo iiri duk suu miɗinana, ma hin buɗuygi ki hu yara vi Lona ta hin mbay wan daŋga.

MATIYE 26:28

Ni busuun ma Lona vi banara u agi u namma. Ni busu ma vo ki kay suuna halaŋ a bulumusi coosira ki na.

2 PIYER 3:12

Juɓugi buu ma vi Lonna, soogi tagiya kay nam hin tok a mbara hu buu ma huulona ɓalak ki wa u kura, tlesuu kolona ɓalak ki u kura.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

1 KORINTNA 15:54

Hu li ma mbalatara cim kira cuk ta cim kiɗira kaɗ wani, hu li ma miɗna cuk ma miɗ kiɗina kam lay, ni li kini boy ma magaara damma ɗaŋ, «Ni miɗna daɓ ki wa nam su kam wa.»

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

Boy Ma Ayra Ma JAŊ Ɓiirimma 14:3

An min li namma ha ki wa ni, an hin hoŋ aya mba yowogi ha ki egen tok, a agi li laki hu lii an huna may.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.

2 TESALONIKŊA 2:1

Kay hoŋga Bu Suuna Yesu Kristu hin hoŋ ayra, ay hin moli egem lay, gorsenna ami cenegiya kay tokka ay hin tok egemba,

1 KORINTNA 1:7

Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na.

ROMMA 5:15

Cora vi Adamba ka a ŋga ko oora vi Lona ta ɦaɗ ɦawara naɗi. Suuna ŋgolo miɗ ki kay cora vi sa ma dew namma. Oora vi Lona ta ŋgolla nam ɦaɗ ɦawara u sa ma dewna Yesu Kristu ni ŋgol cocoo.

ZAKARI 14:5

Agi hin pii ki hu ɦuɗugum ndaɗta, kay ana ɦuɗugum ɦinira hin tew ha ki hu Azal. Agi hin pii ko agi pii ki hu cokira ndaŋgara dlak hu li ma Oziyas a mulna hu Yudara na. Olo, Yawe, Loonna, hin mbay u suu mam suu teteɗna umu.

HEBRENA 9:25

Mul ŋgol ma li ɓivunna vi suu Juifna kal hu Li ma Teteɗna hu basara tew tew u busuna vi yoorina. Kristu kal hu li ma a li ɓivunna ni u tamba ka sem bolowɗi.

DLAŊ LEVIRA 10:17

«Agi kom ɦu ma ɓivunna hu Li ma Teteɗnaɗi ni kay mege? Kay ana nammi tliw ma teteɗna. Yawe ɦagi tliw namma ni a bulum cora vi suuna kira, kay a agi li dlara ɓivunna kayam fok Yawe a mbus cora vi suunara kira.

NDUMBA 18:23

Goryoŋ Levina li sunda hu Mbutluɓ ma Tokkana ni asi doy hol. Lini asi li dla co hu liisi ma sunda wa ni, coosi ndaɗta ni kay yasira eŋga. Gaɗ ndaɗta irigi ni a gaɗta din dinda, ka jokgi, suu vi Levina halaŋ fi joo ka duk suu Israelnaɗi.

NDUMBA 18:1

Yawe di Aaron ana, «Aŋu, goryoŋu u gorseŋŋa, agi ni suu may suu a hin hoŋ dira kay cora li hu Ziŋ Lonara, agi daɓaɗ ki ni agiya, na may cora li koŋ hu sunda li ɓivunnara, aŋ u goryoŋ daɓaɗ ndaɗta ni agi doy hol.

NDUMBA 7:33

bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

MATIYE 25:31

«Mayra Goŋ Sanna hin mbay kay mul mambara wanni, suu sunda huulona umu, nam kak kaŋga kay dlam mamba mulla ta bibiŋilla.

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

HEBRENA 1:14

Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.

HEBRENA 2:3

Lini aygi noyogi suɗta ŋgolla wanda kiwa ni, aygi hin ndak a pii ki ko ɓakŋa ni nanage? Bu Suuna u tamba di kay suɗ ndaɗta ni jewe, ŋgoo dagan suu hum boy nammana takaygi kini gasi mamba.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

HEBRENA 7:27

Nam ka ko muli suu li ɓivun suu hiŋŋa naɗi, nam ka li ɓivunna hu buuna tew tew kay coomba, ŋgoo dagan li ma vi suuna na tuwara naɗi. Hu li ma nam ɦal tamma ni nam li ɓivunna sem dew, ni daɓi halaŋ gaw.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 12:14

Soogi tagi a lakagi u heɓpa u suuna halaŋ kay a poy jivi teteɗ, bay poyra jivi teteɗ ndaɗta bani, sa ndak a wi Bu Suunaɗi.

Magaara JUD Ɓiiriɗta 1:21

Lakagi hu minda Lona minigira, juɓ Bu Suuna mayna Yesu Kristu u jivi mamba mba ɦagi iiri mayra ka daɓ kiɗira.