HEBRENA 9:26 - Boy Lonana

²⁶ Lini naɗi ni nam gijaŋ wihawra sem bolowo ay u minda min duliyara day. A gasira nam li cecemi na sem dew ni a fafatɗa. Ni lina hin tok a daɓa, nam a bulum cora kira wanni ɦal tamba a ɓivunna gaw.

HEBRENA 9:26 ပူးပေါင်းရင်းမြစ်များ

2 SAMUEL 12:13

David di Natan ɗaŋŋi ana, «An li sulukŋa eg Yawe.» Natan di David ana, «Yawe u saa mamba bulumuŋ suluk maŋŋa ki wa. Aŋ hin ka miɗɗi.

2 SAMUEL 24:10

David vun dikim gijaŋ ɓikim hu li ma nam ndum suuna ay kina. David di Yawe ana, «Ni suluk ma ŋgol ma an lamma. Cecem wanda ɗaŋŋi Yawe bulum cora vi saaŋ ma sundara ki bulumge. Kay ana an li dla ndaɗta ni ko sa puluɗina na.»

JOB 7:21

Aŋ min ka a bulumun coonda kiɗi. Aŋ min bulumunda kiɗi ni kay mege? Gola cemi an ka bulum duk ndaŋgara. Aŋ halanni. Ka fan oloɗi.

SOOLLA 103:12

Ko u maɗiina ha ki day eg u fiɗigina, nam cukuygi cooygira ha ki egeygi day ni na may.

EZAYI 2:2

Buu maa hin mbaa ni ɦinira hu ziŋ Yawera hin mbuɗ fiyek a su ɦinira daŋga halaŋ, ndaɗ hin kak a ŋgolla kay ɦinira daŋga bel bel. Njaf suu daŋŋa halaŋ hin taɓ ay ki uɗu.

DANYEL 10:14

An mbay ni a takaŋ dlara hin mba kay suu maŋŋa hu fokkara, kay ana dla ndaɗta hin tak taɗ ki fok jew kay buu namma tuwa.»

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

MISE 4:1

Hu fokka lina hin mbaa, ɦinira vi Yawera hin li ki tinira kolo kay ndarayaɗna, ndaɗ hin ti mulla kasiya. Njaf suuna hin hoŋ irisi ha kolo kaɗu.

MATIYE 13:39

Sa ma zaa ciŋrira duk wana ni Satanna. Buu ma feɗ wana ni daɓpa vi duliyara. Suu feɗ wana ni suu sunda huulona.

MATIYE 13:40

Ko asi ka ciŋrira, ŋgalaɗ ki kura may ni, falira duliyara daɓ kira ni, hin li ni na may.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

1 KORINTNA 10:11

Yoo mayra ndaɗta mbay kasi ni kay a takasi ki maŋ suu hiŋŋa, boy namma ɓiirim ay ni kay a neeygi aygiya, kay aygi cecemi fun daɓpa hin tok.

GALATENA 4:1

Gola an dagi u boy ma daŋŋa olo, goŋ sana ma yowom joomma goo tuwa ni nam fun tammi u mbaɓuna dew, lini nam goo lay nammi mala tlena halaŋ.

EFESNA 1:10

Hu daɓpa vi lina wanni Lona hin li dlaamba ŋgay ndaɗta kiyo, ni kay a tok suu ha kolona u suu kaŋgana halaŋ u mulna dew ni Kristu.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 10:12

Kristu li ɓivunna sem dew kay cora. Ni ɓivun ma dlaamba tuɗ ha fok na gak gakŋa ŋgoo dagan nam kak hu bik ko Lona ma njufna.

HEBRENA 10:26

Hu li ma aygi waygi gasira wi, lini aygi laygi cora na gak gaki ni, ɓivun ma yow cora kina ka oloɗi.

HEBRENA 10:4

Kay busu mbutlina u ɦugunina ka ndak a yow cora vi suuna kiɗi.

HEBRENA 4:3

Aygi suu vina hin tuɗ cukuygi hu li ma koɗ ta namma, ma Lona di kamma ana, «An mbuɗ yara, suu tan ana, asi ka cuk hu li ma koɗ tara egenna oloɗi.» Nam di boy namma na kay nam wi ana sun mamba daɓ kiwa ay day hu li ma nam min duliyara.

HEBRENA 7:27

Nam ka ko muli suu li ɓivun suu hiŋŋa naɗi, nam ka li ɓivunna hu buuna tew tew kay coomba, ŋgoo dagan li ma vi suuna na tuwara naɗi. Hu li ma nam ɦal tamma ni nam li ɓivunna sem dew, ni daɓi halaŋ gaw.

HEBRENA 9:12

Falira Kristu kal hu Li ma ki Saɓaki Teteɗna, nam ka kal u busu ɦugunina u busu mbutlugina kombi, nam ɦal ni busuɗum sem dew kay cooygira a fafatɗa, kay ɦaygi suɗta ka daɓ kiɗira.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

1 PIYER 4:7

Daɓpa vi tlena hin tok, gologi tagi jiviya kakagi jek jekee, cenegiya.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 17:8

Vabak ma aŋ wamma li ay jew iiriya cemi nam ka oloɗi, nam hin kal ay ki hu zulla ŋgolla hin tuɗ hu liim ma ba kina. Suu may suu kay ndaŋgara suu sesi ka day day ɓiiri hu magara iiriraɗina, hin wi vabak namma na ni saara casi ki na ci, nam ay jew iiriya cem cemi nam ka oloɗi, nam hin kal ay ki olo.