HEBRENA 9:15 - Boy Lonana

¹⁵ Gola Kristu ni sa ma duk ɦoŋga kay galamba wilira, kay suu Lona yasina mba fi iirira ka daɓ kiɗira ta nam vi vunum kaɗ hu jona vi Lonara. Asi ndak kay miɗta, miɗ namma mba ni a buɗ suuna ki hu coosira asi laɗ hu li ma asi hum ay u galamba basira.

HEBRENA 9:15 ပူးပေါင်းရင်းမြစ်များ

ROMMA 8:30

Suu Lona manasi ay ki fok jewna nam yasiya, suu nam yasina nam mbuɗusi ki fokom ɗegee, suu nam mbuɗusi ki ɗegeena nam ŋgaasiya.

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

HEBRENA 9:12

Falira Kristu kal hu Li ma ki Saɓaki Teteɗna, nam ka kal u busu ɦugunina u busu mbutlugina kombi, nam ɦal ni busuɗum sem dew kay cooygira a fafatɗa, kay ɦaygi suɗta ka daɓ kiɗira.

HEBRENA 10:36

Agi min a lini lalamba, kay a li va ma Lona minimma, hin fi va ma nam vi vunum kamma may.

1 TIMOTE 2:5

Kay Lona ni dew, sa ma taɓ duk suuna u namma ni dew may, sa namma ni Yesu Kristu.

HEBRENA 12:24

Agi mbaagi ni eg Yesu sa ma taɓ duk ɦoŋga u Galamba Wilira, busuum ma vo kina li jivira su ma vi Abelna.

HEBRENA 7:22

Galamba Wilira su ndarayaɗna halaŋga ɦaygira ni Yesu.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

ROMMA 5:6

Hu li ma saɓak maygina kaɗina Kristu miɗ ki kay suu cora hu buu ma Lona ŋgaamma.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

HEBRENA 6:13

Hu li ma Lona vi vunum u Abrahamma ni nam suu tam kayami. Sa ma ŋgol suum kaɗi, ni nam hin suu tammi u gege? Nam suu ni u tamba gaw.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

HEBRENA 2:14

Gorkemba ko nam yasira na ni tliwna u busuna, Yesu kay tamba mbuɗ ni ko asi na kay nam tli ni tasi mayra ko sa warnana. Nam li na ni kay bulum Satanna ki u miɗ mamma, nam fi saɓakŋa vi miɗna ki komu.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

HEBRENA 8:13

A ɓak kay galamba wilira ni Lona mbuɗ ta jewra basiya. Va ma mbuɗ ki basina, ki maa lay, ana hin tok a daɓ kira.

TITTA 3:7

Kay u oo mamba aygi mbuɗ ɗegee fok Lona, ni aygi hin fi iirira ka daɓ kiɗira, aygi ka juɓuɗ u huruygi tini kaɗta.

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

Boy Ma Ayra Ma JAŊ Ɓiirimma 10:28

An ɦasi iirira ka daɓ kiɗira, asi ka miɗ oloɗi lay. Sa ma ɓaɗansina ki kon kaɗi lay.

MATIYE 19:29

Suu ana asi hin ziisi kiyo, ɗowba gorsesina, busiya, susiya, goryosiya, sene masina kan anu ni, asi fi ŋgol suwa sem kis olo, hin fi iirira ka daɓ kiɗira hu jona lay.

1 JAŊ 2:25

Gola ni va ma Kristu di ana nam hin ɦayginana ni iirira ka daɓ kiɗira.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

HEBRENA 11:13

Suu asina miɗ halaŋ hu vira, bay fi tlesuu Lona vi vunum kasina tuwa. Asi wasi ha ki egesi na day, gasi deɓpa, asi di ana asi kay ndaŋgara ni ŋgaygina, ko suu suuna tinisi yasi ha kay ndaŋgara daŋga na.

2 TESALONIKŊA 2:14

Lona yagi ay ni u Boy ma Ayra ma ami dagina na. Nam yagi a fi ɓorow magira hu ŋgolla vi Bu Suuna Yesu Kristu.

ROMMA 6:23

Warak ma cora ɦamma ni miɗna, ɦala ɦawara vi Lona ni iirira bay daɓpa, taɓi u Bu Suuna mayna Yesu Kristu.

HEBRENA 9:16

Sana li ka iiri tuwa ni vun maɗ kaɗi, boy ma nam dam kana mbuɗ saɓakŋa ni hu li ma nam miɗ kina.

2 KORINTNA 3:6

Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.

ROMMA 9:24

Aygi suu nam yaygina ni ka duk njaf suu Juifna holɗi, ni duk njaf suu daŋŋa lay.

ROMMA 5:10

Aygi ay jewni suu gonokka u Lonna, nam hin taɓaygi egemmi u miɗna vi Goromma. Ni kay ndaɗta nam hoŋ taɓaygi cecemi u namu, ay hin suɗuygi kini u iirira vi Goromma.

ROMMA 5:8

Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona.

Boy Ma Ayra Ma LUK Ɓiirimma 18:18

Mul ma vi suu Juifna dew mba eg Yesu joɓom ana, «Sa ma haɗ suuna jivina, an li nana a fi iirira ka daɓ kiɗira ge?»

MARK 10:17

Yesu gi tam voɗ sini, sana liŋ ay egemu, mba goɓ ga fokomu, joɓom ana, «Sa haɗ jivina, an li nana a fi iirira ka daɓ kiɗira ge?»

MATIYE 25:36

An ay gandala ni, agi ɦan baraw ma cukka lay. Tan tanu ni, agi golon un jivi lay. An ay daŋgayna, agi heelen ay lay.»

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

DANYEL 9:26

Ŋgoo dagan cokira dok karkiya yam mbara, sa ma fuurina hin cam kiyo, may ka ni kay tambaɗi. Kay ɦoŋzina u li ma teteɗ ma ɓivunna, suu vi mul ma ka mbayna hin ɓeŋem kiyo, daɓ mamba hin mbay ni ko babaana na, ta ta daɓpa vi duuna ni hin di boyna kay ɓeŋ mamba.

SOOLLA 37:18

Yawe ka ŋgom iirira vi suu ɗegeena, liisi ma kakŋa ka tew tew a fafaɗta.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

MATIYE 22:3

Nam sun suu mamsina ana asi tuɗ yi suu nam minisina ay kay funa. Asi ka min mbaɗi.

Boy Ma Ayra Ma LUK Ɓiirimma 22:20

Nam ɦasi va cira ma li komma ŋgoo funa dagani, hin dasi ana, «Va Cira wanni banara wilira u Lona vunuɗ faɗ ki u busuun ma vo ki kaŋga kagina.»]

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.

GALATENA 3:20

Sa ma duk ɦoŋgana ka li dewɗi Lona dew ni nam ɗaŋa.

HEBRENA 6:15

Abraham juɓ u ɗigilla ni nam hin fi va ma Lona vi vunum kamma may.

HEBRENA 10:34

Agi fagi wihawra hu daŋgayna u yowra asi yowogi tlegeyegira, li ni tlena baay lay, agi vi kagi u furira, kay ki wi kagi ana bege ma gasina ma kak didinna ha foko.