HEBRENA 9:14 - Boy Lonana

¹⁴ Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

HEBRENA 9:14 ပူးပေါင်းရင်းမြစ်များ

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

1 PIYER 1:19

Nam buɗugi ay ki ni u ɓivun ma dlam ŋgolna vi Kristu, nam ay ni ko goo timii ma bay cora bay ŋgulla egemma na.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

HEBRENA 9:12

Falira Kristu kal hu Li ma ki Saɓaki Teteɗna, nam ka kal u busu ɦugunina u busu mbutlugina kombi, nam ɦal ni busuɗum sem dew kay cooygira a fafatɗa, kay ɦaygi suɗta ka daɓ kiɗira.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

HEBRENA 7:27

Nam ka ko muli suu li ɓivun suu hiŋŋa naɗi, nam ka li ɓivunna hu buuna tew tew kay coomba, ŋgoo dagan li ma vi suuna na tuwara naɗi. Hu li ma nam ɦal tamma ni nam li ɓivunna sem dew, ni daɓi halaŋ gaw.

1 PIYER 4:2

Agi may ni daɓagi iiri magira kay ndaŋgara cecemira a li u minda vi Lona, ka u minda vi mbalataraɗi.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

HEBRENA 6:1

Kay ndaɗta wuluygi fok u haɗta vi suu ŋgolona. Hinigi haɗta vi suu jew suu vina ki ŋgoroygi dagani. Aygi ka miniygi u dlara wili kay boy nammaɗi. Va ŋgolna ni ana hin sunda cora kiyo, vi u Lona.

ROMMA 6:13

Hinigi mbalatagi a li sunda maŋ dla cora ko tlesuu sunda vi dla cora naɗi, ɦal tagi ni maŋ Lona na ɗow. Ko suu paɗ aygi kolo iiri hu miɗnana na, hinigi tagi ni a lam sun mamba ɗegeera.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.

ROMMA 6:22

Cecemi agi buɗ ay ki ko dla cora wa, mbuɗ ni suu sunda vi Lona. Agi mbuɗ cecemmi suu vi Lonana, vuɗ magira ni poyra teteɗta, warak ma agi hin famma ni iirira bay daɓpa may.

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

HEBRENA 10:2

Lini suu tok fok Lona asina ay u vira jivira hurusiya ni, coosira mbus kiyo, asi hin ka wi tasi ana ɓakŋa vasi kay coosira oloɗi. Ni hin hin lira li ɓivunna gaw may.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

ROMMA 11:12

Ndi kaŋgara vi suu Juifna mbuɗ suu hu ndaŋgarana halaŋ ki saɓakŋa wa, ni hoŋ masira hoŋ ki kaŋgara mbuɗ suuna ki saɓak wa na ɗaŋŋi, asi hin hoŋ ay hu suɗta wa ni dlaasira hin lini ŋgol ko ndal mi na ɗaŋge?

Boy Ma Ayra Ma LUK Ɓiirimma 1:74

Nam suɗuygi ki ko suu babali maygisina, hin hiniygi a lam sun mamba bay ndaana.

1 PIYER 2:22

Nam li co kaɗi, sa hum boy ma kaboy ka funum faɗ taa dewɗi.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

GALATENA 2:19

Kay boyna vi gaɗta ni an miɗiya, miɗ namma col ay ni ko gaɗta daŋ may kay an a kak iiri maŋ Lona. An miɗ ay u Kristu hu gu garakŋa.

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

ROMMA 11:24

Aŋ sa ma ka Juifnaɗina aŋŋi gorgor gu cono mayra ŋgoo bagira, kaaŋ ka ni mba paŋ hu mayra vora, aŋ tli taŋ ka u ndaɗta zumuɗ uɗ voraɗi, nam hin hoŋ mba pasi balamasi ni bay loɓo.

ROMMA 1:20

Ni kay mayra Lona min duliyara ay day dayra, dlaamba bay sa waɗ u irimba ni di ana saɓak mamma ka daɓi ɗina, u dlaam mayra ana ni nam Lona daŋ mayra, ni halaŋ tak ki kay sun mayra nam laɗ ndaɗta ni suuna ndak kay wamu, ii boy masina ka ndak a ɗoɓ oloɗi.

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

Boy Ma Ayra Ma LUK Ɓiirimma 4:18

«Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

DLAŊ LEVIRA 22:20

Mbaaragi yoo ma ki daki ay a li ɓivunnaɗi, ni ɓivun magi namma ka viɗi.

HEBRENA 11:21

U vira Yakob paɗ vunum ki kay goryoŋ Yosefna jew miɗ mamma. Nam goɓ tam kay tokolo mamba cen Lona.

HEBRENA 9:9

Dla ndaɗta halaŋŋi tak ki kay ŋgus dlara ka cecemira. Ni di ana ɦala u ɓivun ma lam u yoorina maŋ Lona ka ndak mbuɗ huu sa ma li usina ki jiviɗi.

SUNDA 14:15

«Banayamina agi lagi na ni mege, ami ni suuna ɦawa ko agi na may, ami mba dagi Boy ma Ayra a agi hinigi fuli suu asina kiyo, mbuɗugi irigi eg Lona ma iirina na ɗow. Ma li huulona li ndaŋgara li lum ŋgolna u tlesuu hurumma halaŋ.

SUNDA 10:38

Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.

GA 8ATAMBARA 17:1

Yoo ma ki dagina, mbutl kala, timii kala ni, aŋ ka li ɓivunna maŋ Yawe Looŋŋa u nammaɗi, kay Yawe Looŋŋa gol va namma ki irimmi a va ma njenjena.

HEBRENA 9:7

Mul ŋgol ma li ɓivunna nam dew kal hu mbutluɓma mbana u basara nam li yami dew. Nam kal u busu yoo ma li ɓivunna maŋ Lona kay tamba, kay cora vi suuna asi laɗ ii viɗtara.

1 TIMOTE 3:15

Lini an yan ka vi tuwa ka faŋ ha zakgi ni, magaara wanni ndak a njun uŋu a takaŋ poyra duk suu vina, ni di ana suu vi Lona ma iirina, asi ni mbal ma dukŋa suu coli kay gasirana.

1 TESALONIKŊA 1:9

Asi ɓak kagi kay vira agi vami ami ay varagira, agi hin ɓivunna maŋ fulina, pereɗ irigi eg Lona ma iiri ma gasina a sunumba.

SUNDA 1:2

Gak gak tew hu buu ma nam kal kolo huulona. Nam hin tok a kal kolo huulonara ni nam haɗ suu mam suu nam manasina u saɓakŋa vi Musuk Lonara.

Boy Ma Ayra Ma LUK Ɓiirimma 12:28

Tlesuu kura hin ŋgalasi kina, Lona lasi ɓoosi jivi coco lay. Agi suu hurugi ka tini kay Lona ŋgolɗina, nam lagi ni jivi su ɓo tle asinaɗi su?

Boy Ma Ayra Ma LUK Ɓiirimma 12:24

Gologi gawgawna pii kolo gige, nam ka zaa wa a feɗembi, ka cuk wa hu veeɗi lay. Lona ɦasi tina funusi ni nambi su? Agi ni, su layaginaɗi su?

MATIYE 12:28

Gasira ni an dik fulina ki ni u Musuk Lonara, ni ana Mul Lonara mba dukugi wa.

MATIYE 7:11

Agi suu cona wi a ɦal tlesuu jivina maŋ goryogiya, Bugi ma kolo huulona ɦal tlesuu jivina maŋ suu joɓomma ni nam ɗowɗi su?

2 SAMUEL 4:11

Ni kay ndaɗta suu dlasi co suu ci maɗna ci sa ma ɗegeena ki hu ziim kay lay mamma. Na ɗaŋŋi an ka ndak a joɓogina busuɗum ma vo ki kogina a gagi njafagi ki kay ndaŋgaraɗi su?»

GA 8ATAMBARA 33:27

Lo ma vi somoyogi suu jewna ni Lo ma ŋgay tara. Col ay day ta ta cemi kom ma saɓakŋa ka li sunda ga kay ndaŋgarana. Nam dikigi suu babali magisina ki fokogiya, nam ɦagi voɗta ana daɓasi ki halaŋ.

NDUMBA 28:11

«Hu buu ma jewna vi tilna tew tew ni agi li ɓivun ma ŋgalam kina fok Yawe, mbaa bolo mbutlugina ay mba', vi gamlana ay dew, yow gor timigii suu basaɗasi dew dewna ay kiɗisiya may halaŋŋi yoori suu bay ŋgulla egesina.

ROMMA 1:4

Na may Musuk Lonara tak ki kam ana nammi Goŋ Lonna u saɓakŋa, hu li ma Lona paɗam ki kolo duk suu miɗina.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

GA 8ATAMBARA 15:21

Na may lini yoo namma ki u dagka egemu, li ni nam ki dugi kala, dali kala ni aŋ ka li ɓivun u nam maŋ Yawe Looŋŋaɗi.

NDUMBA 28:3

Aŋ dasi ana, Gola ni ti ma agi mbaaram maŋ Yawena. Gor timigii suu basaɗasi dew dewna mba', ni suu bay ŋgulla egesina, mbaarasi ni hu buuna dew dew halaŋ a li ɓivun ma ŋgalam kina.

EZAYI 53:9

Asi vekem zulummi duk suu li dla cora, usummi duk suu sulukŋa. Na ni nam li co ka yam na dewɗi lay, boy ma ganyam ka kal ki funumbi lay.

EZAYI 42:1

Bu Suuna di ana, Gola ni saan ma sunda ma an minimma, saan ma an manama ma an furiyumma, an gi Musuk manda kamu, nam hin tak ɓak ma vi njaf suunana ki halaŋ.

JOB 15:16

Gol ko sa war ma ki ɓalakina hin li ni ana mege? Sa ma ci dla cora ko suuna a ci yona nana hin li ni nanage?

2 MULINA 19:16

Tin humuŋ aya, Yawe, huma, mal iriŋ kiyo, Yawe, gola. Hum boy ma vi Senakerib ma sunum ay a ŋgul Lo ma iirina haa.

1 SAMUEL 17:26

David di suu coli egem tok tokŋa ana, «Hin li ni me maŋ sa ma hin ci sa ma Filistin namma ki may, bulum zolo ma vi suu Israelna ki may nage? Sa namma ni gege, gasi daŋ may sa ma Filistin ma ɗiwim bay cawra ma hal suu vi Lo ma iirina a duuna nige?»

GA 8ATAMBARA 5:26

Sa war ma hoy hum del Lona ko ami humuɗ wanda na, ɓak ay duk kura sa namma hin kak iiri may ni kaɗi.

NDUMBA 28:9

«Hu buu ma vi Lonna ni mbaa gor timigii suu basaɗasi dew dewna ay mba' ni suu bay ŋgulla egesina, mbay puura u njaf wana u fuɗta kelewna karkiya may, yarasi u mbulna vo sum veŋŋa hu may.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

GA 8ATAMBARA 31:27

Kay an wagi dlaagira cora u yagira eŋga. Cemi hu li ma an ka dukugi iiri tuna, agi li ɦonira u Yawe ɗow ɦakŋi, hu li ma an kaɗina hin li ka ŋgooron dagan ni nanage?

KALKIRA 12:5

Agi vi ni timii ma bay ŋgulla egemma, ni timii ma basaɗam dewna, vi ni timii gamlana, agi ndak vi ni duk yoori magisina, lini gamla ɗowba, ŋgekŋa lay.

SOOLLA 51:2

Hu li ma sa jok vun Lona, Natan, tuɗ egem ŋgoo li ma nam taɓ u Batsebana.

EZEKIYEL 45:18

Bu Suuna, Yawe, di ana, «Hu buu ma dewna hu til ma jewna ni agi ŋgaɗ bolo mbutlna a mbuɗ Ziŋ Lonara ki teteɗta, ni mbutl ma bay ŋgulla egemma.

MATIYE 16:16

Simon Piyer dam ana, «Aŋŋi Sa Lona Fuurumma, Goŋ Lo ma iirina.»

SUNDA 15:9

Nam ɓorowosi irisi ka u aygi zeɗɗi, nam mbususi hurusi kiyo kay asi viya.

1 KORINTNA 15:45

Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira.

HEBRENA 3:12

Gologi tagi jiviya gorsenna a sa dukugi mba li hurum coo, bay vira a hin Lona ma irina kiɗi.

HEBRENA 7:16

Nam mbuɗ ki mul ma li ɓivunna ni ka u gaɗta vi suunaɗi, nam mbuɗ kini u saɓakŋa vi iiri mayra daɓ maɗ kaɗira.

HEBRENA 9:26

Lini naɗi ni nam gijaŋ wihawra sem bolowo ay u minda min duliyara day. A gasira nam li cecemi na sem dew ni a fafatɗa. Ni lina hin tok a daɓa, nam a bulum cora kira wanni ɦal tamba a ɓivunna gaw.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 10:12

Kristu li ɓivunna sem dew kay cora. Ni ɓivun ma dlaamba tuɗ ha fok na gak gakŋa ŋgoo dagan nam kak hu bik ko Lona ma njufna.

HEBRENA 13:12

Kay ndaɗta Yesu miɗ ha doŋ kaana hu ɦoŋzi ma ŋgolna a mbus suuna ki teteɗ u busuumu.